ᐊᐅᐱᓚᑦᑐᓐᖑᐊᖅ

ᐊᒃᓱᐊᓗᒃ ᑕᑯᒥᓇᖅᑑᓪᓗᑎᒃ, ᐊᐅᐱᓚᑦᑐᓐᖑᐊᑦ ᓯᕗᓪᓕᖅᐹᑦᑎᐊᖑᓪᓗᑎᒃ ᐅᐱᕐᖔᒃᑯᑦ ᐅᑭᐅᖅᑕᖅᑐᒥ ᐱᕈᖅᑳᓲᑦ. ᐊᐅᐱᓚᑦᑐᓐᖑᐊᑦ ᐱᕈᓲᑦ ᐅᔭᕋᓪᓚᖃᐅᖅᑐᒥ, ᐊᓯᖏpurple saxifrageᓐᓄᑦ ᐱᕈᖅᓯᐊᓄᑦ ᐱᕈᖅᕕᐅᓗᐊᖅᐸᓐᖏᑦᑐᓂ. ᐊᐅᐱᓚᑦᑐᓐᖑᐊᑦ ᒥᑭᑦᑑᑎᑯᓘᓲᑦ, ᐊᐃᕋᖏᓪᓗ ᐅᓄᖅᑑᑕᐅᓲᖑᓪᓗᑎᒃ, ᐊᑕᐅᓯᑯᓗᖕᒥᒡᓗ ᓄᓇᕋᕐᒥᒃ ᐱᕈᖅᑐᖃᖅᐸᒃᖢᓂ ᑕᕝᕙᓂ ᐊᑕᐅᓯᕐᒥ. ᖃᓂᒌᒃᑐᑎᑯᓘᓪᓗᑎᒃ ᐱᕈᕐᐸᖕᓂᖏᑦ ᐱᔾᔪᑎᒋᓪᓗᒋᑦ, ᐊᑕᐅᓯᕐᒦᑦᑐᑦ ᐅᓄᖅᑑᖅᑰᔨᓪᓗᑎᒃ ᑕᑯᓵᖅᖢᒋᑦ. ᐃᓄᒃᑎᑐᑦ ᐊᐅᐱᓚᑦᑐᓐᖑᐊᕐᒥᒃ ᑕᐃᔭᐅᓲᑦ (“ᐊᐅᒃ ᓲᕐᓗ ᑯᓯᖅᑕᖅᓯᒪᓂᖏᑦ), ᓄᓇᕋᖏᓪᓗ ᐊᐅᐸᔮᖅᖢᑎᒃ, ᐊᒻᒪᓗ ᑕᐃᒪᐃᑦᑑᒐᓗᐊᖅᑎᓪᓗᒍ ᐃᓛᓐᓂᓚᐅᓱᖔᓗᒃ ᑕᑯᔪᖃᓚᐅᓲᖅ ᐊᑕᐅᓯᑯᓗᖕᒥᒃ ᖃᑯᖅᑕᓂᒃ ᓄᓇᕋᓕᖕᓂᒃ. ᓇᐹᖅᑐᖃᓐᖏᑦᑐᒥ ᓄᓇᕋᐃᑦ ᐱᕈᒡᒍᔪᑦ ᑲᑎᓐᖓᒧᐊᓘᓪᓗᑎᒃ, ᐊᐅᐱᓚᑦᑐᓐᖑᐊᓪᓗ ᑕᑯᒃᓴᐅᓗᐊᓐᖑᐊᖃᑦᑕᖅᑐᑦ ᐱᕈᓯᒋᐊᖓᓲᖑᒪᑕ ᓱᓕ ᐊᐳᑎᑕᖃᐅᖅᑎᓪᓗᒍ.

ᐊᐅᐱᓚᑦᑐᓐᖑᐊᑦ ᐅᑭᐅᖅᑕᖅᑐᒥ ᖃᐅᔨᒪᐅᑎᒋᔭᐅᖃᑦᑕᖅᑐᑦ ᓄᓇ ᓇᓗᓇᐃᒃᑯᑕᕆᔭᐅᓪᓗᓂ. ᐊᐅᐱᓚᑦᑐᓐᖑᐊᑦ ᐱᕈᖅᓯᒪᑦᑎᐊᓕᖅᑎᓪᓗᒋᑦ ᓇᓗᓇᕈᓐᓃᓲᖑᔪᖅ ᓄᕐᕋᐃᑦ ᐃᓅᕙᓪᓕᐊᓕᕐᓂᖏᓐᓂᒃ. ᐊᐅᐱᓚᑦᑐᓐᖑᐊᑦ ᓄᓇᕋᖏᑦ ᓂᕆᓪᓗᒋᑦ ᓰᕐᓇᖅᑐᑦ ᐊᒻᒪᓗ ᓄᓇᓕᖕᓄᑦ ᐸᐅᕐᖓᖃᓐᖏᑦᑐᖅᓯᐅᓲᓄᑦ ᓂᕆᔭᐅᓗᐊᓐᖑᐊᖅᐸᒃᖢᑎᒃ. ᐊᐅᐱᓚᑦᑐᓐᖑᐊᑦ ᓂᕆᓪᓗᒋᑦ ᓈᓐᖑᔪᓄᑦ ᐊᑲᐅᓯᕚᓪᓕᐅᑕᐅᓲᖑᖕᒥᔪᑦ, ᑭᓯᐊᓂᑦᑕᐅᖅ ᑕᐃᒪᐃᑦᑑᒐᓗᐊᖅᑎᓪᓗᒍ, ᐅᓄᓗᐊᖅᑐᓂᒃ ᓂᕆᓪᓗᓂ ᓈᓐᖑᓕᕆᐊᓪᓚᐅᑕ-ᐅᔪᓐᓇᖅᑐᑦ. ᐊᐅᐱᓚᑦᑐᓐᖑᐊᑦ ᓇᑭᖏᑦ ᐊᒻᒪᓗ ᐅᖃᐅᔭᖏᑦ ᑏᓕᐅᖅᑕᐅᔪᓐᓇᖅᑐᑦ. ᑕᕝᕚᑮᑦ ᐊᑐᐃᓐᓇᐅᓐᖏᓱᖓᖅᑎᓪᓗᒋᑦ, ᐱᕈᕐᕕᖏᑦ ᐊᒻᒪᓗ ᐊᐃᕋᖏᑦ ᑕᕝᕚᑭᓄᑦ ᓂᐅᕕᖅᑕᕕᓂᕐᓄᑦ ᐃᓚᓕᐅᔾᔭᐅᕙᓚᐅᖅᓯᒪᔪᑦ ᑕᕝᕚᑭ ᓄᖑᓴᕋᐃᓐᖏᓐᓂᖅᓴᐅᓂᐊᕐᒪᑦ. ᐊᐅᐱᓚᑦᑐᓐᖑᐊᑦ ᓄᓇᕘᒥ ᓄᓇᕋᕐᓂ ᑐᖁᓴᕋᐃᓐᖏᑦᑑ-ᑎᒋᔭᐅᑎᓪᓗᒋᑦ ᐊᒻᒪᓗ ᓴᖅᑮᓐᓇᖃᑦᑕᕐᓂᖏᑦ ᐱᔾᔪᑎᒋᓪᓗᒋᑦ, ᐊᐅᐱᓚᑦᑐᓐᖑᐊᑦ ᓄᓇᕋᕐᓂᑦ ᓄᓇᕘᒧᑦ ᓇᓗᓇᐃᒃᑯᑕᖅᑖᕆᔭᐅᓂᖓ ᓈᒻᒪᒃᓯᓕᖅᓯᒪᑦᑎᐊᖅᑐᖅ.