Takuyuminaqtuq ukiuqtaqturmiunut Tungungayavtuq Nauttiaq 
hivulliit ilangat nauttiat nauhimaut ukiuktaqtumi upinngaaraangat. Una nauttiaq nauvaktuq uyaraliaqtunirmi ilangit nauttiat uyaraktunirmi naulaitillugit. Mikiyuq, iviqaqhuni takiyunik, kiglinga avaliittuni nauttiangugibluni, uvvalu atauttimiublutik takukhauyut ilangillu amigaittut atauttimi nauhimagiblutik. Inuinnaqtut taiyauliqpaktuq aupayaaqtumik (auktunuguuq inmat), hapkua nauttiat tungungavyaktut ilangillu qakuqtat takukhauliqpaktut uvvalu aallatqiit nauttiat maniqqami takukhaulukaaqtut amigaiqpaktut.
Hapkua nauttiamit naunaipkutauyut ukiuqtaqtumi ilitquhirnut nauyaraangamiglu nauairutauvakhutik hila qaayurnaiyaliraangat talvalu tuktut nurriuliqpakhutik talvuuna, hapkua nauttiat hiirnaqtut niqauliqpangmiyut nani nunani paunngaqannginnirni, niriyaublutiglu aqiarugikhautauliqpangmiyut, nauttiap uqauyatit tiiliuqtauliqpaktut taimani. Nunavunmiut uqautigiliqpagait tiitqikhivaktunnguuq ukiakharaangat nauttiat tuqutillugit. Ilaani tipaakuqqukhiyaraangamik hapkua uqauyat tipaakumingnut ilaliutiliqpangmiyait tipaakut situami niuviqhimayunit. Nunavunmi ayurnanngniqhaubluni nauttiaq tungungavyaktuq pinnirniqhauyuq tautugiami.