Yes
2025-ᒥ ᑲᓇᑕᓕᒫᒥ ᐊᑕᐅᑦᑎᒃᑯᑦ ᖁᕕᐊᓱᒡᕕᒃᓯᐅᑎᓂᒃ ᐃᑭᑦᑎᓂᐅᓂᐊᖅᑐᖅ
ᒪᓕᒐᓕᐅᕐᕕᖕᒥ ᓯᐊᐸᖓᓂ ᒪᓕᒐᓕᐅᖅᑏᑦ ᖁᕕᐊᓱᒃᐳᑦ ᐃᓕᖕᓂᒃ ᐊᒻᒪᓗ ᐃᓚᔅᓯᓐᓂᒃ ᑐᓐᖓᓱᒃᑎᑦᑎᔪᓐᓇᕋᒥᒃ ᐊᕐᕌᒍᑕᒫᖅ ᖁᕕᐊᓱᒡᕕᒃᓯᐅᑎᓂᒃ ᐃᑭᑦᑎᓂᕐᒧᑦ ᖁᕕᐊᓲᑎᖃᕐᓂᕐᒧᑦ ᒪᓕᒐᓕᐅᕐᕕᖕᒥ. ᑖᖅᓯᒃᐸᑦ ᖃᐃᓂᐊᖅᐳᓯ ᐃᑯᒪᔪᑯᓘᓕᖅᑎᓪᓗᒋᑦ ᖁᕕᐊᓱᒡᕕᒃᓯᐅᑏᑦ, ᐆᓇᖅᑐᓂᒡᓗ ᓂᐅᖅᑲᕐᓗᓯ, ᐅᓲᔭᖅᑐᕐᓗᓯ ᐊᒻᒪᓗ ᖃᐅᒪᔪᑯᓗᖕᓂᒃ ᑐᓂᐅᖅᑲᖅᑕᐅᓗᑎᒃ ᓱᕈᓯᑦ, ᐅᓇᓕᒃᓴᔭᕋᓛᑦ ᐃᒡᓗᖁᑖᓂ ᐅᓇᓕᒃᓴᔭᕋᓛᓄᑦ.
ᐅᖃᖅᑎᖓ ᒪᓕᒐᓕᐅᖅᕕᐅᑉ ᑭᒃᓵᒍᑎᖃᖅᐳᖅ ᐃᓅᔪᓐᓃᕐᓂᕆᔭᖓᓂᑦ ᒪᓕᒐᓕᐅᖅᑎᐅᕙᓚᐅᖅᑐᖅ ᑖᓄᑦ ᕼᐊᕕᐅᔭᖅ
ᐃᖃᓗᐃᑦ, ᓄᓇᕗᑦ (ᓄᕕᐱᕆ 24, 2025) - ᐅᖃᖅᑎᐅᔪᖅ ᑕᐃᕕᑎ ᔪᐊᓇᓯ ᐅᓪᓗᒥ ᐅᑯᓂᖓ ᐅᖃᐅᓯᕆᔭᒥᓂᒃ ᓴᖅᑭᖅᓯᖅᑲᐅᒻᒪᑦ:
ᓄᓇᕗᒥ ᓯᕗᓕᖅᑎᒃᓴᓂᒃ ᑲᑎᒪᔾᔪᑎᖃᑎᓪᓗᒋᑦ ᒪᓕᒐᓕᐅᖅᑏᑦ ᑲᑎᒪᔨᖏᑦ ᓂᕈᐊᖅᐳᑦ ᐅᖃᖅᑎᒥᒃ, ᓯᕗᓕᖅᑎᒥᒃ ᐊᒻᒪ ᒥᓂᔅᑕᐃᑦ ᑲᑎᒪᔨᒋᓂᐊᖅᑕᖏᓐᓂᒃ
ᐃᖃᓗᐃᑦ, ᓄᓇᕗᑦ (ᓄᕕᐱᕆ 18, 2025) - ᓄᓇᕗᑦ ᐅᖃᖅᑎᖓ, ᓯᕗᓕᖅᑎᖓᑦ ᐊᒻᒪ ᑲᑎᒪᔨᖏᑦ ᐊᐅᓚᑦᓯᔩᑦ (ᒥᓂᔅᑕᐃᑦ) ᐅᓪᓗᒥ ᓂᕈᐊᖅᑕᐅᖅᑲᐅᕗᑦ ᓄᓇᕗᒥ ᓯᕗᓕᖅᑎᐅᓂᐊᖅᑐᓂᒃ ᑲᑎᒪᔾᔪᑎᖃᖅᑎᓪᓗᒋᑦ. ᑲᑎᒪᔾᔪᑎᖃᖅᑲᐅᕗᑦ ᐃᓘᓐᓇᖏᑦ ᒪᓕᒐᓕᐅᖅᑏᑦ ᑲᑎᒪᔨᖏᑦ.
ᒪᓕᒐᓕᐅᖅᑏᑦ ᑲᑎᒪᔨᖏᑦ ᑐᓴᖅᑎᑦᑎᕗᑦ ᐅᓪᓗᕆᓂᐊᖅᑕᖓᓂᒃ ᐊᒻᒪ ᐋᖅᑭᒡᓯᒪᓂᕆᓂᐊᖅᑕᖓᓂᒃ ᓄᓇᕗᒥ ᓯᕗᓕᖅᑎᒃᓴᓂᒃ ᑲᑎᒪᔾᔪᑎᖃᖅᑎᓪᓗᒋᑦ
ᐃᖃᓗᐃᑦ, ᓄᓇᕗᑦ (ᓄᕕᐱᕆ 17, 2025) - ᒪᓕᒐᓕᐅᖅᑏᑦ ᑲᑎᒪᔨᖏᑦ ᐅᓪᓗᒥ ᑐᓴᖅᑎᑦᑎᖅᑲᐅᕗᑦ ᐅᓪᓗᕆᓂᐊᖅᑕᖓᓂᒃ ᐊᒻᒪ ᐋᖅᑭᒡᓯᒪᓂᕆᓂᐊᖅᑕᖓᓂᒃ 2025−ᒥ ᓄᓇᕗᒥ ᓯᕗᓕᖅᑎᐅᓂᐊᖅᑐᓂᒃ ᑲᑎᒪᔾᔪᑎᖃᓕᖅᐸᑕ. ᑖᒃᑯᐊ ᑲᑎᒪᔾᔪᑎᖃᕐᓂᐊᖅᑐᑦ ᒪᓕᒐᓕᐅᖅᑎᓕᒫᑦᑎᐊᑦ.
ᑲᑎᒪᓂᐊᖅᑐᑦ ᒪᓕᒐᓕᐅᕐᕕᐅᑉ ᑲᑎᒪᕐᔪᐊᕐᕕᐊᓂ, ᐱᒋᐊᕐᓗᑎᒃ 10:00 ᐅᓪᓛᒃᑯᑦ (ᑲᓇᖕᓇᐅᑉ ᖃᐅᔨᓴᐅᑎᖓ ᐊᑐᕐᓗᒍ) ᐊᐃᑉᐱᕐᒥ, ᓄᕕᐱᕆ 18, 2025−ᒥ. ᓂᕈᐊᕐᓂᐊᖅᑐᑦ ᐅᖃᖅᑎᒥᒃ, ᓯᕗᓕᖅᑎᒥᒃ ᐊᒻᒪ ᑲᑎᒪᔨᒋᓂᐊᖅᑕᖏᓐᓂᒃ ᐊᐅᓚᑦᑎᔩᑦ ᑲᑎᒪᔨᖏᑕ (ᒥᓂᔅᑕᐃᑦ ᑲᑎᒪᔨᖏᓐᓂᒃ) ᑖᒃᑯᐊ ᓂᕈᐊᕐᓂᐊᖅᑐᑦ ᑲᓐᖑᓇᖅᑐᒃᑯᑦ ᐸᐃᑉᐹᑎᒍᑦ ᓯᕗᓪᓕᖅᐹᕐᒥ ᑲᑎᒪᔾᔪᑎᒋᔭᐅᓂᐊᖅᑐᖅ ᓂᕈᐊᖅᓯᕐᓗᑎᒃ ᐅᖃᖅᑎᒥᒃ. ᑖᓐᓇ ᐅᖃᖅᑎ ᓂᕈᐊᖅᑕᐅᔪᖅ ᑲᑎᒪᔨᑦᓯᓂᐊᖅᑐᖅ ᑲᑎᒪᔾᔪᑎᖃᖅᑎᓪᓗᒋᑦ ᓯᕗᓕᖅᑎᐅᓂᐊᖅᑐᓂᒃ.
ᑲᑎᒪᔨᕋᓛᑦ ᑐᓴᖅᑕᐅᑎᑦᑎᕗᑦ ᑕᓚᕖᓴᒃᑰᕐᓗᑎᒃ ᓈᓚᓐᓂᖃᖅᑎᑦᑎᓛᕐᒪᑕ ᐱᔾᔪᑎᖃᖅᑐᓂᑦ ᐅᓂᒃᑳᓕᐊᒥᓂᖏᓐᓂᑦ ᑲᓇᑕᐅᑉ ᑕᒻᒪᖅᓯᒪᔪᖅᓯᐅᖅᑎᖓᑕ
ᐃᖃᓗᐃᑦ, ᓄᓇᕗᑦ (ᐋᒡᒌᓯ 19, 2025) - ᒪᓕᒐᓕᐅᖅᕕᐅᑉ ᑲᑎᒪᔨᕋᓛᖏᑦ ᓇᐅᑦᓯᖅᑐᖅᑎᐅᔪᑦ ᒐᕙᒪᒃᑯᑦ ᐊᐅᓚᓂᖏᓐᓂᑦ ᑮᓇᐅᔭᖅᑐᕈᑎᖏᓐᓂᓪᓗ ᑕᓚᕖᓴᒃᑰᕐᓗᑎᒃ ᓈᓚᓐᓂᖃᖅᑎᑦᑎᓛᕐᒪᑕ ᓯᑎᐱᕆ 4-5, 2025−ᒥ, ᐱᔾᔪᑎᖃᕐᓗᑎᒃ ᐅᓂᒃᑳᓕᐊᒥᓂᖏᓐᓂᑦ ᑲᓇᑕᐅᑉ ᑕᒻᒪᖅᓯᒪᔪᖅᓯᐅᖅᑎᖓᑕ ᒪᓕᒐᓕᐅᖅᕕᖓᓄᑦ ᓄᓇᕗᑦ, ᐊᑎᖃᖅᑐᒥᑦ: ᑭᒃᑯᓕᒫᓄᑦ ᑐᕌᖓᔪᓂᑦ ᐃᓪᓗᓕᕆᓂᖅ ᓄᓇᕗᒻᒥ.
ᑖᒃᑯᐊ ᐅᓂᒃᑳᓕᐊᒥᓃᑦ ᒪᓕᒐᓕᐅᖅᕕᒻᒧᑦ ᓴᖅᑭᖅᑕᐅᔪᒻᒪᑕ ᐃᒃᓯᕙᓂᖃᖅᑎᓪᓗᒋᑦ ᒪᐃ 26, 2025−ᒥ. ᑖᓐᓇ ᐅᓂᒃᑳᓕᐊᒥᓂᖅ ᐅᑯᓇᓐᖓᑦ ᖃᕋᓴᐅᔭᒃᑯᑦ ᑐᕌᕈᑎᓂᑦ ᐱᔭᐅᔪᓐᓇᖅᑐᖅ: