ᒥᓂᔅᑕ ᐃᓄᓕᕆᔨᒃᑯᓐᓄᑦ
ᒥᓂᔅᑕ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂᒃ
ᒥᓂᔅᑕ ᑲᒪᒋᔭᖃᖅᑐᖅ ᐊᖏᕐᕋᖃᖏᓐᓂᕐᒥᒃ
ᒥᓂᔅᑕ ᑲᒪᒋᔭᖃᖅᑐᖅ ᐊᒃᖢᓂᕐᒥᒃ ᒥᒃᖠᒋᐊᖅᑎᑦᑎᓂᕐᒧᑦ
ᒥᓂᔅᑕ ᑲᒪᒋᔭᖃᖅᑐᖅ ᐊᕐᓇᐃᑦ ᑲᑎᒪᔨᖏᓐᓂᒃ
ᐅᖄᓚᐅᑖ: (867) 975-5020
ᓱᒃᑲᔪᒃᑰᕈᑖ: (867) 975-5073
ᖃᕆᓴᐅᔭᒃᑯᑦ ᑐᕌᕈᑖ: ghealeyakearok7@gov.nu.ca
607 Queen Elizabeth Way
Unit 302
Iqaluit, NU
X0A 3H0
ᐅᖄᓚᐅᑖ: (867) 979-4754
ᓱᒃᑲᔪᒃᑰᕈᑖ: (867) 979-4753
ᖃᕆᓴᐅᔭᒃᑯᑦ ᑐᕌᕈᑖ: GwenHealeyAkearok@manirajakmla.ca
ᐅᑉᐱᓇᖅᑐᖅ ᓘᒃᑖᖅ ᒍᕆᓐ ᕼᐄᓕ−ᐊᕿᐊᕈᖅ ᓂᕈᐊᖅᑕᐅᓚᐅᖅᑐᖅ ᓂᕈᐊᕕᔾᔪᐊᑎᓪᓗᒋᑦ ᐊᒃᑑᕝᕙ 27, 2025-ᒥ, ᑭᒡᒐᖅᑐᐃᓂᐊᕐᓗᓂ ᓂᕈᐊᖅᑕᐅᓯᒪᕕᖓᓂᑦ ᐃᖃᓗᐃᑦ−ᒪᓂᕋᔭᒃ 7-ᒋᔭᖓᓂ ᒪᓕᒐᓕᐅᖅᕕᖓᓂ ᓄᓇᕗᑦ.
ᓘᒃᑖᖅ ᒍᕆᓐ ᕼᐄᓕ−ᐊᕿᐊᕈᖅ ᓂᕈᐊᖅᑕᐅᓚᐅᖅᑐᖅ ᐱᔨᑦᑎᖁᔭᐅᓪᓗᓂ ᐊᐅᓚᑦᑎᔩᑦ ᑲᑎᒪᔨᖏᓐᓂ ᓄᕕᐱᕆ 18, 2025-ᒥ ᓄᓇᕗᒻᒥ ᓯᕗᓕᖅᑎᒃᓴᓂᑦ ᑲᑎᒪᐅᑎᖃᖅᑎᓪᓗᒋᑦ. ᒥᓂᔅᑕᐅᓂᕐᒧᑦ ᐊᖏᖅᑎᑕᐅᓚᐅᖅᑐᖅ ᓄᕕᐱᕆ 20, 2025-ᒥ.
ᓂᕋᐊᖅᑕᐅᓚᐅᕋᓂ ᓘᒃᑖᖅ ᒍᕆᓐ ᕼᐄᓕ−ᐊᕿᐊᕈᖅ ᐱᔨᑦᑎᖃᑦᑕᓚᐅᖅᑐᖅ ᓯᕗᓕᖅᑎᒋᔭᐅᓪᓗᓂ ᐊᒻᒪᓗ ᖃᐅᔨᓴᕐᓂᓕᕆᓂᕐᒧᑦ ᐊᐅᓚᑦᑎᔨᒻᒪᕆᐅᓪᓗᓂ ᖃᐅᔨᒋᐊᖅᑏᑦ ᐋᓐᓂᐊᖅᑕᐃᓕᓕᕆᓂᕐᒥᑦ ᖃᐅᔨᓴᖅᕕᖓᓂ, ᑖᓐᓇᓗ ᐃᖅᑲᓇᐃᔮᖅ ᑎᒍᒥᐊᓚᐅᖅᑕᖓ ᐊᕙᑎᐸᓗᓐᓂᒃ ᐅᑭᐅᓂᑦ. ᓘᒃᑖᖅ ᒍᕆᓐ ᕼᐄᓕ−ᐊᕿᐊᕈᖅ ᓯᓚᑦᑐᓴᖅᕕᔾᔪᐊᒥ ᐃᓕᓴᐃᔨᒧᑦ ᑐᖏᓕᕆᔭᐅᓪᓗᓂ ᐊᓐᑎᐊᕆᔪ ᐅᐊᓐᓇᖓᓂ ᓘᒃᑖᕈᕆᐅᖅᓴᕕᒻᒥ 2015-ᒥᓂᑦ.
ᓘᒃᑖᖅ ᒍᕆᓐ ᕼᐄᓕ−ᐊᕿᐊᕈᖅ ᓯᓚᑦᑐᓴᖅᕕᔾᔪᐊᒥᑦ ᐊᑦᑎᓂᖅᓴᒥᑦ ᐱᔭᕇᖅᓯᒪᓂᕐᒧᑦ ᐃᓕᑕᕆᔭᐅᔾᔪᑎᖃᖅᑐᖅ ᖃᐅᔨᓴᕐᓂᓕᕆᓂᕐᒧᑦ ᖁᐃᓐ ᓯᓚᑦᑐᓴᖅᕕᔾᔪᐊᖓᓂᑦ; ᓯᓚᑦᑐᓴᖅᕕᔾᔪᐊᒥᑦ ᖁᑦᑎᓂᖅᓴᒥᑦ ᐱᔭᕇᓯᒪᓂᕐᒧᑦ ᐃᓕᑕᕆᔭᐅᔾᔪᑎᖃᖅᑐᖅ ᓄᓇᓕᓐᓂ ᐋᓐᓂᐊᖅᑕᐃᓕᓕᕆᓂᕐᒧᑦ ᐊᒻᒪᓗ ᐊᐃᑦᑐᕐᓗᑦᑕᐃᓕᑎᑦᑎᓂᕐᒧᑦ ᓯᓚᑦᑐᓴᖅᕕᔾᔪᐊᖓᓂᑦ ᑳᓪᒍᕆ ᐊᒻᒪᓗ ᓘᑦᑖᖑᓂᕐᒧᑦ ᐃᓱᒪᓕᕆᓂᕐᒧᑦ ᖁᑦᑎᓂᖅᓴᒥᑦ ᐃᓕᑕᕆᔭᐅᔾᔪᑎᒥᑦ ᐊᒻᒪᓗ ᐱᔭᕇᖅᓯᒪᓪᓗᓂ ᑭᒃᑯᓕᒫᓂᑦ ᐋᓐᓂᐊᖅᑕᐃᓕᓕᕆᓂᕐᒧᑦ ᑐᕌᓐᑐ ᓯᓚᑦᑐᓴᖅᕕᔾᔪᐊᖓᓂᑦ. ᓘᒃᑖᖅ ᒍᕆᓐ ᕼᐄᓕ−ᐊᕿᐊᕈᖅ ᐴᓪᕗᕋᐃᒃᑯᓐᓂ ᐅᑭᐅᖅᑕᖅᑐᒥ ᐃᓕᓐᖓᔪᖅᔪᐊᖁᑎᒋᔭᐅᓚᐅᖅᑐᖅ 2018−ᒥᑦ−2019-ᒧᑦ ᐊᒻᒪᓗ ᐴᓪᕗᕋᐃᒃᑯᓐᓂ ᖃᐅᔨᓴᕐᓂᕐᒧᑦ ᐃᒃᓯᕙᐅᑕᕆᔭᐅᓪᓗᓂ ᐅᑭᐅᖅᑕᖅᑐᒥ ᖃᐅᔨᓴᕐᓂᐅᔪᓄᑦ 2022-ᒥᑦ-2023-ᒧᑦ.
ᓘᒃᑖᖅ ᒍᕆᓐ ᕼᐄᓕ−ᐊᕿᐊᕈᖅ ᐱᔨᑦᑎᖃᑦᑕᖅᓯᒪᔪᖅ ᑲᑎᒪᔨᐅᖃᑕᐅᓪᓗᓂ ᐊᒻᒪᓗ ᐃᒃᓯᕙᐅᑕᕆᔭᐅᓪᓗᓂ ᐃᖃᓗᓐᓂ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂ ᐊᒻᒪᓗ ᑲᑎᒪᔨᐅᓪᓗᓂ ᐊᐅᓚᑦᑎᔩᑦ ᑲᑎᒪᔨᖏᓐᓂ ᑭᒡᒐᖅᑐᐃᔨᐅᔪᑦ ᓄᓇᕗᒻᒥ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂᑦ. ᐱᒋᐊᖅᑎᑦᑎᖃᑕᐅᓯᒪᔪᖅ ᑲᑎᒪᔨᐅᓪᓗᓂᓗ ᐊᓐᓇᐅᒪ ᓄᓇᓕᓐᓂ ᑎᒥᐅᔪᒥᑦ ᐃᖃᓗᓐᓂ ᐊᒻᒪᓗ ᐃᓂᖃᖃᑦᑕᖅᓯᒪᓪᓗᓂ ᑲᓇᑕᒥ ᐅᑭᐅᖅᑕᑐᒥᑦ ᖃᐅᔨᓴᕐᓂᕐᒧᑦ ᐸᐸᑦᑎᕕᖓᓂᑦ, ᓄᓇᕗᒻᒥ ᐋᓐᓂᐊᖅᑕᐃᓕᓕᕆᓂᕐᒧᑦ ᑎᒥᖓᓂ ᐊᒻᒪᓗ ᑲᓇᑕᒥ ᑎᒥᖓᓂ ᐅᑭᐅᖅᑕᖅᑐᓕᒫᒥ ᐋᓐᓂᐊᖅᑕᐃᓕᓕᕆᓂᕐᒧᑦ.
ᒍᕆᓐ ᐊᒻᒪᓗ ᔭᐃᓴᓐ ᐋᐸᒃ ᐊᕿᐊᕈᖅ ᐅᐱᒍᓱᑦᑐᑎᒃ ᐊᖏᔪᖅᑳᕆᔭᐅᔫᒃ ᐅᑯᓄᖓ ᔭᐃᐊ ᐊᒻᒪᓗ ᐊᒪᐃᔭ.
ᓘᒃᑖᖅ ᒍᕆᓐ ᕼᐄᓕ−ᐊᕿᐊᕈᖅ ᖁᕕᐊᒋᔭᖏᑦ ᐃᓚᖃᖅᑐᑦ ᒥᖅᓱᓂᕐᒥᑦ, ᓄᓇᒥ ᓯᐊᕐᕆᔮᕐᓂᕐᒥᑦ, ᐅᒥᐊᖅᑐᖃᑦᑕᓂᕐᒥᑦ, ᐊᐅᓪᓛᖅᓯᒪᑲᐃᓐᓇᖃᑦᑕᓂᕐᒥᑦ ᐊᒻᒪᓗ ᐊᓯᖏᓐᓂᑦ ᓯᓚᒥ−ᓄᓇᒥ ᐱᓕᕆᓂᐅᔪᓂᑦ.