ᒥᓂᔅᑕ ᓄᓇᓕᖕᓄᑦ ᒐᕙᒪᒃᑯᓐᓄᓪᓗ ᐱᔨᑦᑎᖅᑎᒃᑯᑦ
ᐅᖄᓚᐅᑖ: (867) 975-5023
ᓱᒃᑲᔪᒃᑰᕈᑖ: (867) 975-5103
ᖃᕆᓴᐅᔭᒃᑯᑦ ᑐᕌᕈᑖ: djoanasie6@gov.nu.ca
P.O. Box 156
Cape Dorset, NU
X0A 0C0
ᐅᖄᓚᐅᑖ: (867) 897-8753
ᓱᒃᑲᔪᒃᑰᕈᑖ: (867) 897-8645
ᖃᕆᓴᐅᔭᒃᑯᑦ ᑐᕌᕈᑖ: davidjoanasie@southbaffinmla.ca
ᑕᐃᕕᒃ ᔪᐊᓇᓯ ᓂᕈᐊᖅᑕᐅᓕᖅᑎᔪᔪᖅ ᐃᓂᖓᓄᑦ ᐃᓕᔭᐅᑐᐃᓐᓇᖅᑐᓂ ᑭᒡᒐᖅᑐᐃᓂᐊᕐᓗᓂ ᓂᕈᐊᖅᑕᐅᓯᒪᕕᐅᔪᒥᒃ ᕿᑭᖅᑖᓘᑉ ᓂᒋᐊᓂ 6-ᒋᔭᖓᓂ ᓄᓇᕗᑦ ᒪᓕᒐᓕᐅᖅᕕᖓᓂ. ᒥᔅᑕ ᔪᐊᓇᓯ ᓂᕈᐊᖅᑕᐅᓚᐅᖅᑐᖅ ᐱᔨᑦᑎᖁᔭᐅᓪᓗᓂ ᓯᕗᓕᖅᑎᑦ ᑲᑎᒪᔨᖏᓐᓂ ᓄᕕᐱᕆ 17, 2021-ᒥ ᓯᕗᓕᖅᑎᒃᓴᓂᑦ ᑲᑎᒪᐅᑎᖃᖅᑎᓪᓗᒋᑦ. ᑲᑎᒪᓂᕐᒥ ᐊᖏᖅᑎᑕᐅᓚᐅᖅᑐᖅ ᐊᓪᓚ ᕕᖓᓄᑦ ᓄᕕᐱᕆ 19, 2021-ᒥ. ᐱᔨᑦᑎᕐᓂᐊᖅᑐᖅ ᒥᓂᔅᑕᐅᓗᓂ ᓄᓇᓕᓐᓂᑦ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᑯᓐᓄᑦ. ᒥᔅᑕ ᔪᐊᓇᓯ ᐃᒃᓯᕙᖃᑦᑕᓚᐅᖅᓯᒪᔪᖅ ᒪᓕᒐᓕᐅᖅᑎᐅᖃᑕᐅᓪᓗᓂ ᑎᓴᒪᒋᔭᖓᓂ ᐊᒻᒪ ᑕᓪᓕᒪᒋᔭᖓᓂ ᒪᓕᒐᓕᐅᖅᕕᒻᒥ, ᒥᔅᑕ ᔪᐊᓇᓯ ᐱᔨᑦᑎᓚᐅᖅᑐᖅ ᐃᒃᓯᕙᐅᑕᐅᖃᑕᐅᓪᓗᓂ ᒪᓕᒐᓕᐅᖅᑎᑐᐃᓐᓇᐃᑦ ᑲᑎᒪᔨᖏᓐᓂᑦ ᐊᒻᒪᓗ ᑲᑎᒪᔨᐅᖃᑕᐅᓪᓗᓂ ᑲᑎᒪᔨᓕᕆᔩᑦ ᑲᑎᒪᔨᖏᓐᓂ. ᑕᓪᓕᒪᒋᔭᖓ ᒪᓕᒐᓕᐅᖅᕕᒃ ᐊᑕᑎᓪᓗᒍ, ᑎᒍᒥᐊᓚᐅᖅᑐᖅ ᐊᑕᐅᓯᐅᓐᖏᑦᑐᒥᒃ ᒥᓂᔅᑕᐅᓂᕐᒥᒃ, ᐱᖃᓯᐅᑎᓪᓗᒋᒃ ᒥᓂᔅᑕᐅᓪᓗᓂ ᐃᓕᓐᓂᐊᖅᑐᓕᕆᓂᕐᒧᑦ ᐊᒻᒪᓗ ᒥᓂᔅᑕᐅᓪᓗᓂ ᑲᒪᔨᐅᓪᓗᓂ ᓄᓇᕗᑦ ᓯᓚᑦᑐᓴᖅᕕᒻᒥᑦ. ᓂᕈᐊᖅᑕᐅᓚᐅᕋᓂ, ᐃᖅᑲᓇᐃᔮᖃᔪᔪᖅ ᑐᓴᐅᒪᑎᑦᑎᔨᐅᓪᓗᓂ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖓᓂ. ᐃᖅᑲᓇᐃᔭᖅᕕᒋᓚᐅᖅᓯᒪᔭᖏᑦ ᐃᓚᖃᕐᒥᔪᑦ ᓄᓇᕗᑦ ᒐᕙᒪᖓᑕ ᐃᓕᒃᑯᓯᓕᕆᓂᕐᒧᑦ, ᐅᖃᐅᓯᓕᕆᓂᕐᒧᑦ, ᐃᓐᓇᑐᖃᓕᕆᓂᕐᒧᑦ ᐊᒻᒪᓗ ᒪᑯᑦᑐᓕᕆᓂᕐᒧᑦ, ᐊᒻᒪᓗ ᐃᓄᐃᑦ ᑕᐱᕇᒃᑯᓐᓂᑦ ᑲᓇᑕᒥ. ᒥᔅᑕ ᔪᐊᓇᓯ ᐱᔨᑦᑎᖃᑦᑕᖅᓯᒪᒻᒥᔪᖅ ᓄᓇᕗᒻᒥ ᐱᓐᖑᐊᖅᑐᓕᕆᔨᒃᑯᓐᓂ ᐱᓐᖑᐊᖅᑎᓄᑦ ᑲᒪᔨᐅᖃᑕᐅᓪᓗᓂ ᐊᒻᒪᓗ ᐃᓚᐅᓚᐅᖅᓯᒪᓪᓗᓂ ᐅᑭᐅᖅᑐᒥ ᒪᒃᑯᑦᑐᑦ ᐊᐅᓪᓚᖃᑦᑕᖅᑐᓄᑦ ᐱᓕᕆᓂᐅᔪᒧᑦ. ᑲᑎᒪᔨᐅᖃᑕᐅᓯᒪᒻᒥᔪᖅ ᑐᒥᑯᓗᐃᑦ ᓴᐃᐹᕿᕕᑦ ᑲᑎᒪᔨᖏᓐᓂ. ᒥᔅᑕ ᔪᐊᓇᓯ ᐸᐃᑉᐹᖃᖅᑐᖅ ᐃᓕᑕᕆᔭᐅᔾᔪᑎᒥᒃ ᓇᒻᒥᓂᖃᐅᑎᓕᕆᓂᕐᒥ ᑐᓴᐅᒪᔾᔪᑎᓕᕆᓂᕐᒥᑦ ᓴᐃᓐ ᒪᐃᕆᐅᑉ ᓯᓚᑦᑐᓴᖅᕕᔾᔪᐊᖓᓂᑦ ᐊᒻᒪᓗ ᐸᐃᑉᐹᖃᕆᓪᓗᓂ ᐱᔭᕇᕈᑎᒥᓂᖓᓂᑦ ᐋᓪᒑᑯᕕᓐ ᓯᓚᑦᑐᓴᖅᕕᒻᒥᑦ. ᐃᓚᐅᖃᑕᐅᓯᒪᒻᒥ)ᖅ ᓄᓇᕗᑦ ᓯᕗᓂᒃᓴᕗᑦ ᐃᓕᓐᓂᐊᕐᓂᐅᔪᓂᒃ ᐋᑐᕚᒥ. ᒥᔅᑕ ᔪᐊᓇᓯᐅᑉ ᖁᕕᐊᒋᔭᖏᑦ ᐃᓚᖃᖅᑐᑦ ᐊᖑᓇᓱᓐᓂᕐᒥᒃ, ᐃᖃᓗᒐᓱᓐᓂᕐᒥᒃ, ᕼᐊᑭᕐᓂᕐᒥᒃ, ᐊᐅᓪᓚᖃᑦᑕᕐᓂᕐᒥᒃ, ᐃᓄᐃᑦ ᐃᓕᖅᑯᓯᖏᓐᓂᑦ ᐊᑐᕐᓂᕐᒥᒃ ᐊᐅᓪᓚᖅᓯᒪᓪᓗᓂ ᐊᒻᒪᓗ ᐃᓄᐃᑦ ᐅᖃᐅᓯᖏᑎᒍᑦ ᐊᐅᓚᔫᓕᐅᕐᓂᕐᒥᒃ. ᑕᐃᕕᑎ ᐊᒻᒪᓗ ᐃᐊᒪᓕ ᔪᐊᓇᓯ ᐅᐱᒋᔭᒥᓂᒃ ᕿᑐᕐᖓᖃᖅᑑᒃ ᐅᑯᓂᖓᖢ ᓴᐃᕈ, ᓯᓐᑎᐊ, ᖁᓕᑦᑕᓕᒃ, ᐊᒻᒪᓗ ᐸᑦᑐ.