ᒪᓕᒐᓕᐅᖅᕕᐅᑉ ᓄᖅᑲᖓᑲᐃᓐᓇᓚᐅᖅᑐᓂ ᐱᒋᐊᒃᑲᓐᓂᓛᕐᓂᖓ

ᐃᖃᓗᐃᑦ, ᓄᓇᕗᑦ (ᐄᐳᕈ 19, 2022) - ᐅᖃᖅᑎ ᑑᓂ ᐋᖁᐊᖅ ᐅᓪᓗᒥ ᑐᓴᖅᑕᐅᑎᑦᑎᕗᖅ ᑖᓐᓇ ᒪᓕᒐᓕᐅᖅᕕᒃ ᓄᖅᑲᖓᑲᐃᓐᓇᓚᐅᖅᑐᓂ ᐱᒋᐊᒃᑲᓐᓂᓛᕐᒪᑦ ᐄᐳᕈ 20, 2022-ᒥ, ᐱᒋᐊᕐᓗᑎᒃ 1:30−ᐸᑦ ᐅᓐᓄᓴᒃᑯᑦ.

ᐅᖃᖅᑎ ᐋᖁᐊᖅ, ᓇᓗᓇᐃᖅᓯᕗᖅ, “ᖃᓄᖅ ᐃᓱᒪᖃᑦᕕᐅᒻᒪᖔᖅ ᖃᐅᔨᒋᐊᖅᑳᓚᐅᖅᑐᖓ ᒪᓕᒐᓕᐅᖅᑎᐅᖃᑎᓐᓂᑦ, ᑐᑭᓯᒐᒪ ᑕᖅᑲᒃᑯᐊ ᑐᓴᕈᒪᓂᖏᑦ ᐱᓪᓗᒋ ᒪᓕᒐᓕᐅᖅᕕᒃ ᐱᒋᐊᓕᖅᑭᒋᐊᖃᓕᕐᒪᑦ ᐱᓕᕆᐊᖃᕐᓗᓂ ᐱᓕᕆᐊᕆᒋᐊᓕᖓᓂᑦ ᐊᑖᓂ ᐃᒻᒥᒧᑦ ᐊᒡᕕᐊᕈᑎᖃᖅᑕᐃᓕᓂᕐᒧᑦ ᐱᖁᔭᕐᔪᐊᖓᒍᑦ ᐃᓱᒪᒃᓴᖅᓯᐅᕈᑎᖃᕐᓗᑎᒃ ᐅᓂᒃᑳᓕᐊᒥᓂᕐᓂᒃ ᓴᖅᑭᖅᑕᐅᕋᑖᔪᔪᓂᒃ ᐃᒻᒥᒧᑦ ᐊᒡᕕᐊᕈᑎᖃᖅᑕᐃᓕᓂᕐᒧᑦ ᑲᒥᓴᓇᐅᔪᒧᑦ. ”

ᑲᑎᒪᕐᔪᐊᖅᕕᐅᑉ ᐳᓛᖅᕕᖓ ᒪᑐᐃᒃᑲᓂᖅᓯᒪᓕᖅᑑᒐᓗᐊᖅ ᑭᓯᐊᓂᓕ ᑭᒃᑯᓕᒫᑦ ᒪᑐᐊᖅᓯᒪᖁᔭᐅᔪᑦ ᒪᓕᒐᓕᐅᖅᕕᒦᓐᓂᓕᒫᖏᓐᓂ. ᐃᒃᓯᕙᓐᓂᖏᑦ ᒪᓕᒐᓕᐅᖅᕕᐅᑉ ᑕᑯᒃᓴᐅᖃᑦᑕᖅᑐᑦ ᓄᓇᓕᓐᓂ ᑕᓚᕕᓴᓄᑦ ᓴᖅᑭᔮᖅᑎᑦᑎᒍᑎᖏᑎᒍᑦ ᐊᒻᒪᓗ ᐊᖏᕐᕈᒧᑦ ᑐᕌᑦᑕᐅᑎᒋᔪᒃᑯᑦ ᖃᖓᑦᑕᖅᑎᑕᐅᓯᒪᔪᒃᑯᑦ ᑕᓚᕖᓴᓕᓐᓄᑦ ᕕᐊ ᐊᖅᑯᑎᖓᒍᑦ (ᓈᓴᐅᑖ 513) ᐊᒻᒪᓗ ᓵᒃᑯᑎᒍ (ᓈᓴᐅᑖ 289 – ᐱᑐᖃᐃᑦ / 489 − ᓄᑖᑎᒍᑦ). ᐃᒃᓯᕙᓐᓇᐃᑦ ᑕᑯᒃᓴᐅᑦᑕᐅᑎᒋᕙᒻᒥᔪᑦ ᖃᕋᓴᐅᔭᒃᑯᑦ ᐅᕙᓂ: http://video.isilive.ca/nunavut/. ᐃᖃᓗᒻᒥᐅᑕᐃᑦ, ᓈᓚᒍᓐᓇᕐᒥᔪᑦ ᑐᓴᖅᓴᐅᑦᑕᐅᑎᒋᔪᓂᒃ ᑲᑎᒪᕐᔪᐊᖅᑐᓂᒃ ᐅᕘᓇ:

FM: ᓇᑎᖅ 92.5 / ᐃᓄᒃᑎᑐᑦ 94.7 / ᖃᓪᓗᓈᑎᑐᑦ 102.1.

-30-

ᑐᑭᓯᒋᐊᕈᒪᒍᒃᓯ:

ᔮᓐ ᑯᕘᒃ, ᑎᑎᕋᖅᑎ ᒪᓕᒐᓕᐅᖅᕕᒻᒧᑦ

LegInfo@assembly.nu.ca