Yes

ᐃᖃᓗᐃᑦ, ᓄᓇᕗᑦ (ᒫᔾᔨ 19, 2015) - ᑕᒻᒪᖅᓯᒪᔪᖅᓯᐅᖅᑎ ᑲᓇᑕᒥ, ᒪᐃᑯ ᕘᑯᓴᓐ, ᓵᖓᓄᐊᕐᓂᐊᖅᑐᖅ ᒪᓕᒐᓕᐅᖅᑎᑦ ᑲᑎᒪᔨᖏᑕ ᑲᑎᒪᕋᓛᖁᑎᖏᑕ ᐅᐊᑦᓯᔨᐅᔪᑦ ᒐᕙᒪᒃᑯᑦ ᐊᐅᓚᓂᖏᓐᓄᑦ ᐊᒻᒪ ᑮᓇᐅᔭᖅᑐᕈᑎᕕᓂᖏᓐᓄᑦ 1:30 ᐅᓐᓄᓴᒃᑯᑦ ᐊᐃᑉᐹᓂ, ᒪᐃ 5, 2015−ᒥ, ᑲᑎᒪᔨᕋᓛᑦ ᓈᓚᖕᓂᖃᕐᓗᑎᒃ ᑲᑎᒪᔾᔪᑎᖃᖅᑎᓪᓗᒋᑦ 2015−ᒧᑦ ᐅᓂᒃᑳᓕᐊᖓᓂᒃ ᑕᒻᒪᖅᓯᒪᔪᖅᓯᐅᑎᐅᑉ ᑲᓇᑕᒥ ᒪᓕᒐᓕᐅᖅᑎᑦ ᑲᑎᒪᔨᖏᓐᓄᑦ ᓄᓇᕗᒥ ᐱᓪᓗᒍ ᐊᓄᓪᓚᒃᓰᕖᑦ ᓄᓇᕗᒥ. ᓈᓚᖕᓂᖃᕐᓗᑎᒃ ᑲᑎᒪᒋᐊᕐᓂᐊᖅᑐᑦ ᒪᐃ 5-7, 2015−ᖑᑎᓕᖅᐸᑦ.

ᐃᖃᓗᐃᑦ, ᓄᓇᕗᑦ (ᕕᕗᐊᕆ 24, 2015) - ᒪᓕᒐᓕᐅᕐᕕᒃ ᐅᓪᓗᒥ ᐊᑐᓕᖁᔭᓕᐅᖅᑲᐅᕗᖅ ᐃᓚᐃᓐ ᑮᓇᓐ ᐸᓐᔅ ᑎᒃᑯᐊᖅᑕᐅᒃᑲᓐᓂᖁᓪᓗᒍ ᓄᓇᕗᒻᒥ ᑐᓴᐅᒪᔾᔪᑎᓕᕆᓂᕐᒧᑦ ᑲᓐᖑᓇᖅᑐᓕᕆᓂᕐᒧᓪᓗ ᑲᒥᓴᓇᐅᑉ ᐃᓂᖓᓄᑦ ᐊᒻᒪ ᐃᓕᓯᒪᓂᐊᕐᓗᓂ ᑕᓪᓕᒪᓄᑦ ᐊᕐᕌᒍᓄᑦ.

ᐃᖃᓗᐃᑦ, ᓄᓇᕗᑦ (ᕕᕗᐊᕆ 17, 2015) - ᔪᐊᔾᔨ ᖁᓚᐅᑦ, ᓄᓇᕗᑦ ᒪᓕᒐᓕᐅᕐᕕᐊᓄᑦ ᐅᖃᖅᑎ, ᐅᓪᓗᒥ ᓇᓗᓇᐃᖅᓯᖅᑲᐅᕗᖅ ᐅᖅᑯᕐᒥᐅᑦ ᒪᓕᒐᓕᐅᖅᑎᑖᓵᖓᑦ, ᐸᐅᓗᓯ ᕿᔪᒃᑖᖅ, ᐊᖏᖅᑎᑕᐅᓂᐊᕐᓂᖓᓂᒃ ᐊᐃᑉᐱᐅᓕᖅᐸᑦ, ᕕᕗᐊᕆ 24, 2015-ᒥ 9−ᒧᐊᖅᐸᑦ ᐅᓪᓛᒃᑯᑦ (ᐃᖃᓗᐃᑦ ᓯᕿᕐᖑᔭᖓ ᒪᓕᒡᓗᒍ) ᒪᓕᒐᓕᐅᕐᕕᐅᑉ ᑲᑎᒪᕐᔪᐊᕐᕕᖓᓂ.

ᐃᖃᓗᐃᑦ, ᓄᓇᕗᑦ (ᓄᕕᐱᕆ 25, 2014) - ᔪᐊᔾ ᖁᓚᐅᑦ, ᓄᓇᕗᑦ ᒪᓕᒐᓕᐅᕐᕕᐊᓂ ᐅᖃᖅᑎ, ᐅᓪᓗᒥ ᓇᓗᓇᐃᖅᓯᖅᑲᐅᕗᖅ ᑕᓪᓕᒪᖓᓐᓂ ᐅᖃᖅᑎᐅᑉ ᒪᒃᑯᒃᑐᑦ ᒪᓕᒐᓕᐅᖅᑎᖁᑎᖏᑦᑕ ᑲᑎᒪᕐᔪᐊᕐᓂᖓᑦ ᑕᓚᕖᓴᒃᑰᖅᑎᑕᐅᓛᕐᓂᐊᕐᓂᖓᓂᒃ ᓄᓇᕗᓕᒫᒥ, ᓄᓇᓕᖕᓂ ᐊᑐᓂ ᑕᓚᕖᓴᒃᑰᕈᑎᖏᑦ ᐊᑐᖅᑕᐅᓗᑎᒃ ᐊᒻᒪ ᖃᖓᑦᑕᖅᑎᑕᐅᓯᒪᔪᒃᑰᕈᑎᓂᒃ (ᑕᑯᒃᓴᐅᕝᕕᐊ 513) ᐊᒻᒪ ᓵᒃᑯᑦ (ᑕᑯᒃᓴᐅᕝᕕᐊ 289 – classic / ᑕᑯᒃᓴᐅᕝᕕᐊ 489 - ᓄᑖᒃᑯᑦ).

ᐃᖃᓗᐃᑦ, ᓄᓇᕗᑦ (ᐊᒃᑑᕝᕙ 16, 2014) – ᓄᓇᕗᑦ ᒪᓕᒐᓕᐅᖅᕕᖓᓂ ᐅᖃᖅᑎ ᔪᐊᔾ ᖁᓚᐅᑦ ᖁᕕᐊᓱᑉᐳᖅ ᐅᖃᕈᓐᓇᕆᐊᒃᓴᖅ ᑕᐃᓐᓇ 2014ᒥ ᐅᖃᖅᑎᐅᑉ ᐃᓅᓱᑦᑐᓄᑦ ᒪᓕᒐᓕᐅᖅᕕᖓ ᐊᐅᓚᓛᓕᕐᒥᒻᒪᓐ ᐃᖃᓗᓐᓂ ᓅᕖᕝᕙ 27, 2014.

ᐃᖃᓗᐃᑦ, ᓄᓇᕗᑦ (ᓯᑎᐱᕆ 24, 2014) - ᒪᓕᒐᓕᐅᕐᕕᖕᒧᑦ ᐅᖃᖅᑎ ᐊᒻᒪ ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᑦ ᖃᐅᔨᒪᔨᑕᖏᑦᑕ ᑲᑎᒪᔨᖏᓐᓄᑦ ᐃᒃᓯᕙᐅᑕᖅ, ᐅᓪᓗᒥ ᓇᓗᓇᐃᖅᓯᖅᑲᐅᕗᖅ ᔮᓐ ᐊᒪᕈᐊᓕᒃ 2014−ᒥ ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᑎᑖᕐᓂᐊᕐᓂᖓᓂᒃ.

ᐃᖃᓗᐃᑦ, ᓄᓇᕗᑦ (ᓯᑎᐱᕆ 2, 2014) - ᒪᓕᒐᓕᐅᖅᑎᑦ ᑲᑎᒪᔨᖏᑕ ᑲᑎᒪᔨᕋᓛᖁᑎᖏᑦ ᓇᐅᑦᑎᖅᓱᖅᑎᑦ ᒐᕙᒪᒃᑯᑦ ᐊᐅᓚᓂᖏᓐᓄᑦ ᑮᓇᐅᔭᖅᑐᕈᑎᕕᓂᕐᓄᓪᓗ ᓈᓚᒃᑎᐅᓗᑎᒃ ᑲᑎᒪᓂᖃᕐᓂᐊᖅᑐᑦ ᐱᒋᐊᕐᓗᒍ ᓯᑎᐱᕆ 16-23, 2014, ᒫᓐᓇᕐᓂᓴᐅᓂᖅᐹᖑᔪᓂ ᐅᓂᒃᑳᓕᐊᖏᓐᓂ ᐃᒻᒥᒃᑰᖅᑐᑦ ᐱᓕᕆᔨᖁᑎᖏᑕ ᒪᓕᒐᓕᐅᖅᑎᑦ ᑲᑎᒪᔨᖏᑕ, ᐃᓚᒋᓪᓗᒋᑦ ᒫᓐᓇᐅᔪᖅ ᑎᒥᖁᑎᖏᑕ ᐸᕐᓇᐅᑎᖏᑦ ᖁᓪᓕᖅ ᐅᒻᒪᖅᑯᑎᓕᕆᔨᒃᑯᑦ ᑯᐊᐳᕆᓴᖓᑦᑕ. ᐃᓘᓐᓇᖏᑦ ᑲᑎᒪᔨᑐᐃᓐᓇᐅᖃᑕᐅᔪᑦ ᒪᓕᒐᓕᐅᖅᑎᑦ ᑲᑎᒪᔨᖏᓐᓂ ᑲᑎᒪᔨᕋᓛᓄᑦ ᐃᓚᒋᔭᐅᕗᑦ.

ᐃᖃᓗᐃᑦ, ᓄᓇᕗᑦ (ᔪᓐ 10, 2014) − ᒪᓕᒐᓕᐅᖅᕕᐅᑉ ᑲᑎᒪᔨᕋᓛᕆᑲᐃᓐᓇᖅᑕᖏᑦ ᕿᒥᕐᕈᓂᐊᖅᑐᑦ ᐃᓕᓐᓂᐊᖅᑐᓕᕆᓂᕐᒧᓐ ᐱᖁᔭᕐᒥᒃ ᖃᐃᖅᑯᔨᕗᑦ ᓄᓇᕗᒻᒥᐅᑕᕐᓂᒃ ᓄᓇᕗᒥᓗ ᑎᒥᐅᔪᓂᒃ ᐱᖁᔭᐅᑉ ᒥᒃᓵᓄᑦ ᐃᓱᒪᒋᔭᒥᓂᒃ ᐅᖃᖁᔨᓪᓗᑎᒃ. ᑖᒃᑯᐊ ᑲᑎᒪᔨᕋᓛᖑᑲᐃᓐᓇᖅᑐᑦ ᑐᓂᔭᐅᔪᓂᒃ ᐱᖃᑦᑕᓂᐊᖅᑐᑦ ᑎᑭᓪᓗᒍ ᐊᒃᑑᕝᕙ 31, 2014.

ᐃᖃᓗᐃᑦ, ᓄᓇᕗᑦ (ᔫᓐ 2, 2014) - ᒪᓕᒐᓕᐅᖅᑎᑦ ᐅᓪᓗᒥ ᐊᖏᕈᑎᖃᓚᐅᖅᐳᑦ ᐱᖁᔨᕗᒥᒃ ᐊᑐᓕᖁᔨᓪᓗᑎᒃ ᒥᔅ ᓯᐅᕆ ᒪᒃᓂᐅ-ᒧᓚᒃ ᑎᒃᑯᐊᖅᑕᐅᖁᓪᓗᒍ ᓄᓇᕗᒥ ᓯᕗᓪᓕᐅᓗᓂ ᑭᒡᒐᖅᑐᐃᔨᒃᓴᐅᓂᐊᕐᓗᓂ ᐃᑲᔪᖅᑎᐅᓂᐊᕐᓗᓂ ᓱᕈᓯᓄᑦ ᒪᒃᑯᒃᑐᓄᓪᓗ. ᐱᖁᔨᕗᕈᑦ ᐊᖏᖅᑕᐅᓚᐅᖅᖢᓂᓗ ᑕᒪᐃᓐᓄᑦ ᑲᑎᒪᕕᐅᑉ ᐃᓗᐊᓂ.

ᐃᖃᓗᐃᑦ, ᓄᓇᕗᑦ (ᒫᑦᓯ 25, 2014) − ᑲᓇᑕᐅᑉ ᑕᒻᒪᖅᓯᒪᔪᖅᓯᐅᖅᑎᖓ, ᒪᐃᑯᓪ ᐴᒍᓴᓐ, ᓴᖅᑭᔮᓛᖅᑐᖅ ᒪᓕᒐᓕᐅᖅᕕᐅᑉ ᕿᒥᕐᕈᔩᑦ ᒐᕙᒪᒃᑯᑦ ᐊᐅᓚᓐᓂᖏᓐᓂᑦ ᐊᒻᒪᓗ ᒐᕙᒪᒃᑯᑦ ᑮᓇᐅᔭᖁᑎᖏᓐᓂ ᑲᑎᒪᔨᕋᓛᖏᑕ ᓵᖓᓂ 1:30 ᐅᓐᓄᓴᒃᑯᑦ, ᐄᐳᕈ 1, 2014, ᑕᐃᑲᓂ ᑲᑎᒪᔨᕋᓛᑦ ᓈᓚᓐᓂᖃᓛᕐᒪᑕ ᐱᔾᔪᑎᖃᖅᑐᓂᒃ ᑲᓇᑕᐅᑉ ᑕᒻᒪᖅᓯᒪᔪᖅᓯᐅᖅᑎᖓᑕ ᒪᓕᒐᓕᐅᖅᕕᒻᒧᓐ ᐅᓂᒃᑳᖏᓐᓂᒃ ᐃᓕᓐᓂᐊᖅᑐᓕᕆᓂᕐᒥᒃ ᓄᓇᕗᒥ ᐊᒻᒪᓗ ᐃᓕᓴᕖᑦ ᐊᑦᑕᓇᕆᐊᖃᓐᖏᓐᓂᖏᓐᓂᑦ ᐊᒻᒪᓗ ᓱᕈᓯᓛᓄᑦ ᐸᐃᕆᕖᑦ ᓄᓇᕗᒥ. ᑖᒃᑯᐊ ᓈᓚᓐᓃᑦ ᐱᓕᕆᐊᖑᓂᐊᖅᑐᑦ ᐄᐳᕈ 1ᒥ-3ᒧᓐ, 2014.