Yes

2017−ᒥ ᓄᓇᕗᒥ ᐱᓕᕆᑦᑎᐊᕐᓂᑯᓂᒃ ᐃᓕᑕᖅᓯᒍᑎ

ᐃᖃᓗᐃᑦ, ᓄᓇᕗᑦ (ᓅᕖᕝᕙ 22, 2017 – ᒪᓕᒐᓕᐅᖅᕕᒻᒥ ᐅᖃᖅᑎ ᐊᒻᒪᓗ ᐃᒃᓯᕙᐅᑕᖓ ᓄᓇᕗᒥ ᐱᓕᕆᑦᑎᐊᕐᓂᑯᓄᑦ ᐃᓕᑕᖅᓯᔾᔪᑎᒧᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᖏᓐᓄᑦ, ᔫ ᐃᓄᒃ, ᐅᓪᓗᒥ ᐅᖃᖅᑲᐅᒻᒪᑎᒃ ᓄᓇᕗᒥ ᐱᓕᕆᑦᑎᐊᓂᖁᓄᑦ ᐃᓕᑕᖅᓯᔾᔪᑎᓄᑦ ᓂᕈᐊᕋᒃᓴᓕᐅᕐᓃᑦ ᒪᑐᐃᒃᑲᓂᕐᒥᒻᒪᑕᒎᖅ.

ᔮᓐᓄᐊᓕ 1, 2010−ᒥ, ᑖᓐᓇ ᓄᓇᕗᒥ ᐱᓕᕆᑦᑎᐊᕐᓂᑯᓂᑦ ᐃᓕᑕᖅᓯᔾᔪᑎ ᐊᑐᓕᓚᐅᖅᓯᒪᒻᒪᑦ. ᑖᓐᓇ ᒪᓕᒐᖅᑎᒍᑦ ᐱᔾᔪᓯᐊᕐᓂᐅᔪᖅ ᓴᖅᑭᔮᖅᑎᑕᐅᕗᖅ “ᐅᐱᒍᓱᔾᔪᑎᐅᓂᐊᕐᒪᑦ ᑭᒃᑯᑐᐃᓐᓇᕐᓂᒃ ᐃᑲᔪᕐᓂᖃᓪᓗᐊᑲᓪᓚᒃᓯᒪᔪᓂᒃ ᐱᖅᑯᓯᓕᕆᓂᕐᒧᑦ, ᐃᓅᓯᔨᕆᓂᕐᒧᑦ, ᐅᕝᕙᓘᓐᓃᑦ ᒪᑭᒪᐅᑎᓕᕆᓂᕐᒧᑦ ᓄᓇᕗᒥ.” ᑖᓐᓇ ᐃᓕᑕᕆᔭᐅᓪᔪᑎ ᖁᑦᑎᓂᖅᐹᖑᔪᖅ ᓄᓇᕗᒥ ᐱᔾᔪᓯᐊᖑᔪᓐᓇᖅᑐᓂᒃ, ᐊᒻᒪᓗ ᓴᓐᖏᓂᖅᓴᐅᓪᓗᓂ ᐃᓘᓐᓇᖏᓐᓂᑦ ᐊᓯᖏᓐᓂᑦ ᐱᔾᔪᓯᐊᖑᓲᓂᒃ, ᐅᔭᒥᑦᑕᐅᓲᓂᒃ, ᐃᓕᑕᕆᔭᐅᓂᐅᓲᓂᒃ ᓄᓇᕗᑦ ᒐᕙᒪᖓᓄᑦ.

ᒪᓕᒐᓕᐅᖅᑏᑦ ᑲᑎᒪᔨᖏᑦ ᑐᓴᖅᑎᑦᑎᕗᑦ ᖃᖓᐅᓂᐊᕐᒪᖔᑦ ᐅᓪᓗᖅ ᐊᒻᒪ ᐋᖅᑭᒡᓯᒪᓂᕆᓂᐊᖅᑕᖓᓂᒃ ᓄᓇᕗᒥ ᓯᕗᓕᖅᑎᒃᓴᐅᓂᐊᖅᑐᓂᒃ ᑲᑎᒪᔾᔪᑎᖃᕐᓂᐅᑉ

ᐃᖃᓗᐃᑦ, ᓄᓇᕗᑦ (ᓄᕕᐱᕆ 14, 2017) - ᒪᓕᒐᓕᐅᖅᑏᑦ ᑲᑎᒪᔨᖏᑦ ᐅᓪᓗᒥ ᑐᓴᖅᑎᑦᑎᖅᑲᐅᕗᑦ ᖃᖓᐅᓂᐊᕐᒪᖔᑦ ᐅᓪᓗᖓ ᐊᒻᒪᓗ ᐋᖅᑭᒡᓯᒪᓂᕆᓂᐊᖅᑕᖓ ᓄᓇᕗᒥ ᓯᕗᓕᖅᑎᐅᖃᑕᐅᓂᐊᖅᑐᓂᒃ ᑲᑎᒪᔾᔪᑎᖃᕐᓂᐅᑉ. ᑖᒃᑯᐊ ᑕᐃᒪᓐᓇ ᑲᑎᒪᑎᓪᓗᒋᑦ ᐃᓘᓐᓇᖏᑦ ᒪᓕᒐᓕᐅᖅᑏᑦ ᑲᑎᒪᖃᑕᐅᖃᑦᑕᖅᐳᑦ.

ᑲᑎᒪᓂᐊᖅᑐᑦ ᑲᑎᒪᕐᔪᐊᕐᕕᖓᓐᓂ ᒪᓕᒐᓕᐅᖅᑏᑦ ᑲᑎᒪᔨᖏᑕ, ᐱᒋᐊᕐᓂᐊᖅᑐᑦ ᐅᓪᓛᒃᑯᑦ 10:00-ᒧᐊᖅᐸᑦ ᑕᓪᓕᕐᒥᕐᒥ (ᐅᓪᓗᑐᐃᓐᓇᕐᒥ), ᓄᕕᐱᕆ 17, 2017-ᒥ. ᑲᑎᒪᔪᑦ ᑭᓇᒃᑯᑐᐃᓐᓇᕐᓄᑦ ᐅᐸᒃᑕᐅᔪᓐᓇᕐᓂᐊᖅᑐᑦ ᑕᑯᓐᓇᕆᐊᖅᑐᕈᒪᔪᓄᑦ ᐃᒃᓯᕙᓗᑎᒃ ᐳᓛᖅᑏᑦ ᐃᒃᓯᕙᐅᑕᖏᓐᓂ. ᑖᒃᑯᐊ ᑲᑎᒪᑎᓪᓗᒋᑦ ᑕᓚᕖᓴᒃᑯᑦ ᑕᑯᒃᓴᐅᑎᑕᐅᓂᐊᖅᑐᑦ ᓄᓇᕗᓕᒫᒥ ᓄᓇᓖᑦ ᑕᓚᕖᕈᓐᓇᐅᑎᖏᑎᒍᑦ ᐊᒻᒪᓗ ᐊᖏᕐᕋᒥ ᖁᒻᒧᐊᒃᑎᑕᐅᓯᒪᔪᒃᑯᑦ ᑕᑯᓐᓇᖅᑕᐅᔪᓐᓇᕐᓂᐊᖅᑐᑦ ᐅᑯᑎᒎᓇᖅ Bell (ᓵᓄ 513) ᐊᒻᒪᓗ Shaw (ᓵᓄ 289) – classic]/489 – ᑖᒃᑯᐊ ᓄᑖᑦ) ᑕᓚᕖᓴᕈᓐᓇᐅᑏᑦ.

ᒪᓕᒐᓕᐅᕐᕕᖕᒧᑦ ᐅᖃᖅᑎ ᓇᓗᓇᐃᖅᓯᕗᖅ ᓄᑖᕐᒥᒃ ᓄᓇᕗᒻᒥ ᐅᖃᐅᓯᓕᕆᓂᕐᒧᑦ ᑲᒥᓴᓇᒥᒃ ᑎᒃᑯᐊᖅᓯᓂᕐᒥᒃ

ᐃᖃᓗᐃᑦ, ᓄᓇᕗᑦ (ᔫᓂ 15, 2017) - ᒪᓕᒐᓕᐅᕐᕕᖕᒧᑦ ᐅᖃᖅᑎ, ᔪᐊᔾ ᖁᓚᐅᑦ, ᐅᓪᓗᒥ ᓇᓗᓇᐃᖅᓯᕗᖅ ᑭᖑᓪᓕᕐᒥᒃ ᒪᓕᒐᓕᐅᖅᑏᑦ ᑲᑎᒪᕐᔪᐊᓕᕐᒥᒃᐸᑕ ᐱᖁᔨᕗᖔᓕᐅᕐᓂᐊᕐᓂᕋᖅᖢᓂ ᑎᒃᑯᐊᖅᑕᐅᔪᓐᓇᕐᓂᐊᕐᒪᑦ, ᕼᐊᓚᓐ ᑭᓕᖏᖕᐴᒃ, ᖁᕐᓗᖅᑐᒃᒥᐅᑕᖅ, ᓄᓇᕗᒻᒥ ᐅᖃᐅᓯᓕᕆᓂᕐᒧᑦ ᑲᒥᓴᓇᐅᑉ ᐃᓂᖓᓄᑦ, ᐃᓕᓯᒪᓂᐊᖅᖢᓂᓗ ᑕᓪᓕᒪᓄᑦ ᐊᕐᕌᒍᓄᑦ. ᐱᖓᔪᐊᓂ ᑲᑎᒪᕐᔪᐊᕐᓂᐊᖅᑐᑦ ᑎᓴᒪᖓᓐᓂ ᒪᓕᒐᓕᐅᖅᑏᑦ ᓯᑎᐱᕆ 12, 2017−ᒥ.

ᑲᑎᒪᔨᕋᓛᑦ ᓴᖅᑮᕗᑦ ᑕᓚᕖᓴᒃᑰᕐᓗᑎᒃ ᓈᓚᓐᓂᐅᖃᑦᑕᓛᖅᑐᑦ ᖃᖓᒃᑰᖃᑦᑕᓛᕐᓂᕆᔭᖏᓐᓂᑦ

ᐃᖃᓗᐃᑦ, ᓄᓇᕗᑦ (ᐄᐳᕈ 20, 2017) − ᒪᓕᒐᓕᐅᖅᕕᐅᑉ ᑲᑎᒪᔨᕋᓛᖁᑎᖏᑦ ᒐᕙᒪᒃᑯᑦ ᑮᓇᐅᔭᖅᑐᕈᑎᖏᓐᓄᑦ, ᐃᒻᒥᒃᑰᖅᑐᓄᑦ ᒪᓕᒐᓕᐅᖅᕕᒻᒧᑦ ᐱᓕᕆᔨᐅᔪᓄᑦ, ᐊᓯᖏᓐᓄᓪᓗ ᑎᒥᐅᔪᓄᑦ ᐅᓪᓗᒥ ᓴᖅᑮᖃᐅᒻᒪᑕ ᓇᓗᓇᐃᖅᑐᖅᓯᒪᔪᓂᒃ ᖃᖓᒃᑰᖃᑦᑕᕐᓂᐅᓛᖅᑐᓂᒃ ᑕᓚᕖᓴᒃᑰᕐᓗᑎᒃ ᓈᓚᓐᓂᖃᓕᖅᑲᑕ ᐱᓪᓗᒋᑦ ᒫᓐᓇᓕᓴᐅᓛᖑᔪᑦ ᑲᓇᑕᐅᑉ ᑕᒻᒪᖅᓯᒪᔪᖅᓯᐅᖅᑎᖓᑕ ᐊᒻᒪᓗ ᑐᓴᐅᒪᔾᔪᑎᓕᕆᓂᕐᒧᑦ ᑲᓐᖑᓇᖅᑐᓕᕆᓂᕐᒧᓪᓗ ᑲᒥᓴᓇᐅᔫᑉ ᓄᓇᕗᒥ ᐅᓂᒃᑳᓕᐊᒥᓂᖏᑦ ᒪᓕᒐᓕᐅᖅᕕᒻᒧᑦ

ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᒻᒥᒃ ᐅᔭᒥᒃᑕᐅᓂᐊᖅᑐᑦ ᕕᕗᐊᕆ 28, 2017 ᐅᓪᓗᐊᓂ

ᐃᖃᓗᐃᑦ, ᓄᓇᕗᑦ (ᕕᕗᐊᕆ 14, 2017) - ᒪᓕᒐᓕᐅᕐᕕᖕᒧᑦ ᐅᖃᖅᑎ ᐊᒻᒪ ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᒻᒥᒃ ᖃᐅᔨᒪᔨᑕᑦ ᑲᑎᒪᔨᖏᑦᑕ ᐃᒃᓯᕙᐅᑕᖓᑦ, ᔪᐊᔾᔨ ᖁᓚᐅᑦ, ᐅᓪᓗᒥ ᓇᓗᓇᐃᖅᓯᕗᖅ ᓗᐃ ᖃᒧᒃᑳᖅ, ᐊᓚᓐ ᕼᐋᒧᓪᑕᓐ ᐊᒻᒪ ᕋᑦ ᐱᑐᓴᓐ ᓄᓇᕗᒻᒧ ᐱᓕᕆᑦᑎᐊᓂᑯᓄᑦ ᐃᓕᓴᖅᓯᔾᔪᒻᒥᒃ ᐅᔭᒥᒃᑕᐅᓂᐊᕐᒪᑕ ᐊᐃᑉᐱᕐᒥ, ᕕᕗᐊᕆ 28, 2017 ᐅᓪᓗᐊᓂ, 7−ᒧᐊᖅᐸᑦ ᐅᓐᓄᒃᑯᑦ ᒪᓕᒐᓕᐅᕐᕕᐅᑉ ᑲᑎᒪᕐᔪᐊᕐᕕᐊᓂ.

2016-ᒥ ᑲᓇᑕᓕᒫᒥ ᐊᑕᐅᑦᑎᒃᑯᑦ ᖁᕕᐊᓱᒡᕕᒃᓯᐅᑎᓂᒃ ᐃᑭᑦᑎᓂᐅᓂᐊᖅᑐᖅ

2016−ᒥ ᑲᓇᑕᓕᒫᒥ ᐊᑕᐅᑦᑎᒃᑯᑦ ᖁᕕᐊᓱᒡᕕᒃᓯᐅᑎᓂᒃ ᐃᑭᑦᑎᓂᐊᖅᑐᑦ 5-ᒧᐊᖅᐸᑦ ᐅᓐᓄᓴᒃᑯᑦ ᑎᓴᒻᒥᕐᒥ, ᑎᓯᐱᕆ 1, 2016, ᒪᓕᒐᓕᐅᕐᕕᐅᑉ ᐃᒡᓗᖁᑖᑕ ᓯᓚᑖᓂ.

2016−ᒥ ᐅᖃᖅᑎᐅᑉ ᒪᒃᑯᒃᑐᑦ ᒪᓕᒐᓕᐅᖅᑎᖏᑦ ᑲᑎᒪᕐᔪᐊᖅᑎᓪᓗᒋᑦ ᓄᓇᕗᓕᒫᖅ ᑕᓚᕖᓴᒃᑯᑦ ᑕᑯᒃᓴᐅᑲᐅᑎᒋᓂᐊᕐᓂᖏᑦ

ᐃᖃᓗᐃᑦ, ᓄᓇᕗᑦᑦ (ᓄᕕᐱᕆ 23, 2016) - ᔪᐊᔾ ᖁᓚᐅᑦ, ᓄᓇᕗᒻᒥ ᒪᓕᒐᓕᐅᕐᕕᖕᒧᑦ ᐅᖃᖅᑎ, ᐅᓪᓗᒥ ᓇᓗᓇᐃᖅᓯᖅᑲᐅᕗᖅ 6−ᒋᔭᖓᓂ ᐅᖃᖅᑎᐅᑉ ᒪᒃᑯᒃᑐᑦ ᒪᓕᒐᓕᐅᖅᑎᖏᑦ ᑲᑎᒪᕐᔪᐊᓕᖅᐸᑕ ᑕᓚᕖᓴᒃᑯᑦ ᑕᑯᒃᓴᐅᑲᐅᑎᒋᓂᐊᕐᓂᖏᓐᓂᒃ ᖁᒻᒧᐊᒃᑎᑕᐅᓯᒪᔪᑦ ᑕᓚᕖᓴᓄᓪᓗ ᓴᖅᑭᔮᕈᑏᑦ ᐊᑐᖅᑕᐅᓗᑎᒃ, ᐱᐅᓪᑯᑦ (ᓴᖅᑭᔮᕈᑖ 513) ᐊᒻᒪ ᓵ (ᓴᖅᑭᔮᕈᑕ 289 - ᓄᑕᐅᓐᖏᑦᑐᑦ / ᓴᖅᑭᔮᕈᑖ 489 − ᓄᑖᖅ).

ᐅᖃᖅᑎᐅᑉ ᐅᖃᐅᓯᒃᓴᖏᑦ ᐃᓅᔪᓐᓃᓚᐅᖅᑎᓪᓗᒍ ᔮᓐ ᓂᓐᖓᒃ

ᐃᖃᓗᐃᑦ, ᓄᓇᕗᑦ (ᓄᕕᐱᕆ 17, 2016) - ᒪᓕᒐᓕᐅᕐᕕᖕᒧᑦ ᐅᖃᖅᑎ, ᔪᐊᔾ ᖁᓚᐅᑦ, ᐅᓪᓗᒥ ᐃᒪᐃᑦᑐᓂᒃ ᐅᖃᐅᓯᒃᓴᖃᖅᑲᐅᕗᖅ:

“ᐅᓪᓗᒥ ᓄᒫᑦᑕᒡᔫᒥᖅᑲᐅᔪᖓ ᑐᓴᕋᒪ ᒪᓕᒐᓕᐅᖅᑎᐅᓚᐅᖅᓯᒪᔪᖅ, ᔮᓐ ᓂᓐᖓᒃ ᐃᓅᔪᓐᓃᕐᓂᕋᖅᑕᐅ`ᖕᒪᑦ. ᔮᓐ ᓂᓐᖓᒃ ᐊᕐᕌᒍᒐᓵᓗᖕᓄᑦ ᓂᕈᐊᖅᑎᒥᓂᒃ ᑭᒡᒐᖅᑐᐃᓚᐅᖅᑐᖅ ᐅᐱᓐᓇᑦᑎᐊᖅᖢᓂ ᐊᒻᒪ ᓴᕆᒪᓇᑦᑎᐊᖅᖢᓂ. ᐃᓚᑯᓗᖏᑦ ᐃᓱᒪᒋᕙᕗᑦ ᓇᒡᓕᕙᕗᓪᓗ.”

ᒪᓕᒐᓕᐅᕐᕕᖕᒥ ᓇᐅᔮᑦ ᐊᒻᒪ ᑰᒑᕐᔫᑉ ᓴᐃᒻᒪᑎᖏᒃ ᐊᑦᑎᒃᓯᒋᐊᖅᑕᐅᓯᒪᓂᐊᖅᑑᒃ ᔮᓐ ᓂᓐᖓᒃ ᐃᓱᒪᒋᓗᒍ, ᐊᒻᒪ ᑲᓇᑕᐅᑉ ᓄᓇᕗᓪᓗ ᓴᐃᒻᒪᑎᖏᑦ.

ᖃᐅᔨᒪᔨᑕᑦ ᑲᑎᒪᔨᖏᑦ ᓇᓗᓇᐃᖅᓯᕗᑦ 2016−ᒥ ᑎᒃᑯᐊᖅᑕᐅᓂᐊᖅᑐᓂᒃ ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᒻᒥᒃ ᐅᔭᒥᒃᑕᐅᓂᐊᖅᑐᓂᒃ

ᐃᖃᓗᐃᑦ, ᓄᓇᕗᑦ (ᓄᕕᐱᕆ 8, 2016) - ᒪᓕᒐᓕᐅᕐᕕᖕᒧᑦ ᐅᖃᖅᑎ ᐊᒻᒪ ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᒻᒥᒃ ᖃᐅᔨᒪᔨᑕᑦ ᑲᑎᒪᔨᖏᑦᑕ ᐃᒃᓯᕙᐅᑕᖓᑦ, ᔪᐊᔾᔨ ᖁᓚᐅᑦ, ᐅᓪᓗᒥ ᓇᓗᓇᐃᖅᓯᕗᑦ ᑖᓐᓇ ᓗᐃ ᖃᒧᒃᑳᖅ, ᐊᓚᓐ ᕼᐋᒧᓪᑕᓐ ᐊᒻᒪ ᕋᑦ ᐲᑐᓴᓐ ᑕᒪᑐᒪᓂ ᐊᕐᕌᒍᒥ ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᒻᒥᒃ ᐅᔭᒥᒃᑕᐅᓂᐊᕐᓂᖏᓐᓂᒃ.

ᑲᑎᒪᔨᕋᓛᑦ ᑐᓴᖅᑎᑦᑎᕗᑦ ᑕᓚᕖᓴᒃᑯᑦ ᑕᑯᒃᓴᐅᓗᑎᒃ ᓈᓚᖕᓂᖃᖅᑎᓪᓗᒋᑦ ᑲᑎᒪᓂᐊᕐᓂᖏᓐᓂᒃ

ᐃᖃᓗᐃᑦ, ᓄᓇᕗᑦ (ᓯᑎᐱᕆ 7, 2016) - ᒪᓕᒐᓕᐅᖅᑎᑦ ᑲᑎᒪᔨᕋᓛᖁᑎᖏᑦ ᑮᓇᐅᔭᖅᑐᕈᑎᕕᓂᕐᓂᒃ, ᐃᒻᒥᒃᑰᖅᑐᓂᒃ ᐱᓕᕆᔨᐅᔪᓂᒃ ᐊᒻᒪ ᐊᓯᖏᓐᓂᒃ ᑎᒥᐅᔪᓂᒃ ᑲᒪᔪᑦ ᐅᓪᓗᒥ ᑐᓴᖅᑎᑦᑎᖅᑲᐅᕗᑦ ᐊᒡᒋᖅᑐᒥ ᑕᓚᕖᓴᒃᑯᑦ ᑕᑯᒃᓴᐅᓗᑎᒃ ᓈᓚᖕᓂᖃᕐᓗᑎᒃ ᑲᑎᒪᔾᔪᑎᖃᕐᓂᐊᕐᓂᖏᓐᓂᒃ ᒫᓐᓇᕐᓂᓴᐅᓂᖅᐹᖑᔪᓂᒃ ᐊᕐᕌᒍᑕᒫᖅᓯᐅᒻᒧᑦ ᐅᓂᒃᑳᓕᐊᖏᓐᓂᒃ ᑐᓴᒐᒃᓴᓕᕆᓂᕐᒧᑦ ᑲᓐᖑᓇᖅᑐᓕᕆᓂᕐᒧᓪᓗ ᑲᒥᓴᓇᐅᑉ ᐊᒻᒪ ᑭᒡᒐᖅᑐᖅᑎᖓᑦᑕ ᓱᕈᓯᕐᓄᑦ ᒪᒃᑯᒃᑐᓄᓪᓗ. ᑕᒪᕐᒥᒃ ᑖᒃᑯᐊ ᐃᖅᑲᓇᐃᔮᕆᔭᐅᔫᒃ ᐃᒻᒥᒃᑰᕐᖢᑎᒃ ᐱᓕᕆᔨᐅᔪᑦ ᓯᓚᑖᒎᖓᓪᓗᑎᒃ ᒪᓕᒐᓕᐅᕐᕕᐅᑉ ᐱᓕᕆᕕᖓᑕ
Subscribe to Yes