Yes

ᖁᑦᑎᒃᑐᕐᒧᑦ ᒪᓕᒐᓕᐅᖅᑎ ᓴᖅᑭᑦᑎᕗᖅ ᓂᕿᓂᒃ ᑐᓐᓂᖅᑯᑎᖃᕐᓂᕐᒧᑦ ᐱᖁᔭᕐᔪᐊᕐᒥᒃ

ᐃᖃᓗᐃᑦ, ᓄᓇᕗᑦ (ᕕᕗᐊᕆ 26, 2013) - ᖁᑦᑎᒃᑐᕐᒧᑦ ᒪᓕᒐᓕᐅᖅᑎ ᕌᓐ ᐃᓕᐊᑦ ᐅᓪᓗᒥ ᓴᖅᑭᑦᑎᕗᖅ ᐱᖁᔭᒃᓴᖅ 46-ᒥᒃ, ᓂᕿᓂᒃ ᑐᓐᓂᖅᑯᑎᖃᕐᓂᕐᒧᑦ ᐱᖁᔭᕐᔪᐊᕐᒥᒃ.

“ᓂᕿᓂᒃ ᑐᓐᓂᖅᑯᑎᖃᕐᓂᕐᒧᑦ ᐱᖁᔭᕐᔪᐊᒃᓴᖅ ᐃᓄᖕᓂᒃ ᓂᕿᓂᒃ ᑐᓐᓂᖅᑯᑎᖃᖃᑦᑕᖅᑐᓂᒃ ᑐᓂᐅᖅᑲᐃᖃᑦᑕᖅᑐᓂᒡᓘᓐᓃᑦ ᐃᖅᑲᖅᑐᒐᒃᓴᐅᑎᑕᐅᔪᓐᓇᓐᖏᓚᖅ ᐋᓐᓂᐊᑖᕐᓂᕐᒧᑦ, ᐋᓐᓂᐊᑖᕐᓂᕐᒧᑦ, ᐋᓐᓂᕐᓂᕐᒧᑦ, ᐃᓅᔪᓐᓃᕐᓂᕐᒧᑦ ᐅᕝᕙᓘᓐᓃᑦ ᐊᓯᐊᒍᖔᖅ ᖃᓄᐃᓕᓂᕐᓗᖕᓂᕐᒧᑦ ᓂᕆᔪᕕᓂᐅᑎᓪᓗᒍ, ᑭᓯᐊᓂ ᑖᓐᓇ ᓂᕿᓂᒃ ᑐᓐᓂᖅᑯᑎᓕᒃ ᐱᔮᕆᓗᓂ ᑲᒪᑦᑎᐊᓐᖏᓗᐊᕐᓗᓂᓘᓐᓃᑦ ᑐᓐᓂᖅᑯᑎᖃᕐᓂᖅᐸᑦ ᑐᓂᐅᖅᑲᐃᓐᓂᖅᐸᓪᓘᓐᓃᑦ ᓂᕿᓂᒃ. ᐊᔾᔨᐸᓗᖏᑦ ᒪᓕᒐᑦ ᐊᑐᕐᒥᔪᑦ ᑲᑎᒪᔨᓄᑦ, ᑲᒪᔨᓄᑦ, ᑭᒡᒐᖅᑐᐃᔨᓄᑦ, ᐃᖅᑲᓇᐃᔭᖅᑎᓄᑦ ᐊᑭᓕᖅᓱᖅᑕᐅᓐᖏᑦᑐᓂᓪᓗ ᓂᕿᓂᒃ ᑐᓐᓂᖅᑯᑎᖃᖃᖅᑕᖅᑐᓄᑦ ᑐᓂᐅᖅᑲᐃᖃᑦᑕᖅᑐᓄᓪᓘᓐᓃᑦ,” ᑕᐃᒪᓐᓇ ᐅᖃᓚᐅᖅᑐᖅ ᒥᔅᑐ ᐃᓕᐊᑦ.

ᐊᓯᓕᒫᖏᑦ ᑲᓇᑕᒥ ᐊᕕᒃᑐᖅᓯᒪᔪᑦ ᐅᑭᐅᖅᑕᖅᑐᒥᓗ ᒐᕙᒪᖃᕐᕖᑦ ᐊᔾᔨᐸᓗᖏᓐᓂᒃ ᐱᖁᔭᕐᔪᐊᖃᖅᑐᑦ.

ᐅᖃᖅᑎᖓᑦ ᒪᓕᒐᓕᐅᖅᑎᑦ ᑲᑎᒪᔨᖏᑕ ᑐᓴᖅᑎᑦᑎᕗᖅ ᑎᒃᑯᐊᖅᑕᐅᓂᖓᓂᒃ ᓄᑖᖅ ᐅᖃᐅᓯᕐᓄᑦ ᑭᒡᒐᖅᑎᐅᓂᐊᖅᑐᖅ ᓄᓇᕗᒥ

ᐃᖃᓗᐃᑦ, ᓄᓇᕗᑦ (ᑎᓯᐱᕆ 10, 2012) - ᐅᖃᖅᑎᑦᓯᔨᖓ ᒪᓕᒐᓕᐅᖅᑎᑦ ᑲᑎᒪᔨᖏᑕ ᕼᐊᓐᑐ ᑐᑐ ᐅᓪᓗᒥ ᑐᓴᖅᑎᑦᑎᖅᑲᐅᔪᖅ ᑲᑎᒪᔨᓕᕆᔨᒃᑯᑦ ᑲᑎᒪᔨᖏᑦ ᐊᑐᓕᖁᔭᓕᐅᕐᓂᐊᕐᓂᖓᓐᓂᒃ ᒪᓕᒐᓕᐅᖅᑎᑦ ᑲᑎᒪᔨᖏᓐᓄᑦ ᐱᖁᔨᕗᖔᕈᑎᓕᐅᕐᓂᐊᕐᓗᑎᒃ ᑭᖑᓪᓕᕐᒥ ᑲᑎᒪᕐᔪᐊᓕᑐᐊᖅᐸᑕ ᑎᒃᑯᐊᖅᑕᐅᖁᓪᓗᒍ ᒥᔅ ᓵᓐᑐᕋ ᐃᓅᑎᖅ ᐅᖃᐅᓯᕐᓄᑦ ᑭᒡᒐᖅᑐᖅᑎᐅᓂᐊᕐᓗᓂ ᓄᓇᕗᒥ. ᐱᖓᔪᖓᓐᓂ ᑲᑎᒪᕐᔪᐊᕐᓂᖃᓕᖅᐸᑕ ᐱᖓᔪᖓᓐᓂ ᓂᕈᐊᖅᑕᐅᓯᒪᔪᑦ ᒪᓕᒐᓕᐅᖅᑎᑦ ᑲᑎᒪᕐᔪᐊᓕᖅᐸᑕ ᕖᕝᕗᐊᕆ 26, 2013−ᒥ. ᒥᔅ ᐃᓅᑎᖅ ᑎᒃᑯᐊᖅᑕᐅᕗᖅ ᒫᓐᓇ ᐅᖃᐅᓯᕐᓄᑦ ᑭᒡᒐᖅᑐᖅᑎᐅᑲᐃᓐᓇᕐᓂᐊᕐᓗᓂ ᑎᑭᒐᓱᐊᕐᓂᖓᓂ ᔮᓐᓄᐊᕆ 14, 2013.

ᒪᒃᑯᒃᑐᑦ ᐱᖁᔭᓕᐅᖅᑎᐅᓐᖑᐊᖅᑎᓪᓗᒋᑦ ᑲᑎᒪᓂᖓᑦ ᑕᑯᒃᓴᐅᑎᑕᐅᓂᐊᖅᑐᖅ ᑕᓚᕖᓴᒃᑯᑦ ᓄᓇᕗᓕᒫᒥ

ᐃᖃᓗᐃᑦ, ᓄᓇᕗᑦ (ᓄᕕᐱᕆ 20, 2012) - ᕼᐊᓐᑐ ᑐᑐ, ᐅᖃᖅᑎ ᒪᓕᒐᓕᐅᖅᑎᑦ ᑲᑎᒪᔨᖏᓐᓄᑦ, ᐅᓪᓗᒥ ᑐᓴᖅᑎᑦᑎᖃᐅᕗᖅ ᑎᓴᒪᒋᓕᖅᑕᖓᓐᓂ ᒪᒃᑯᒃᑐᑦ ᐱᖁᔭᓕᐅᓕᐅᖅᑎᐅᓐᖑᐊᕐᓗᑎᒃ ᑲᑎᒪᓂᐊᕐᒪᑕ ᑕᑯᒃᓴᐅᓗᑎᒡᓗ ᑕᓚᕖᓴᒃᑯᑦ ᓄᓇᕗᒥ ᑯᐊᐸᒃᑯᑦ ᓄᓇᓕᖕᓂ ᑕᑯᒃᓴᐅᕝᕕᖁᑎᖓᒍᑦ. ᑲᑎᒪᕐᔪᐊᕆᐊᓯᓂᐊᖅᑐᑦ ᒪᒃᑯᒃᑐᑦ ᐱᖁᔭᓕᐅᖅᑎᓐᖑᐊᖑᔪᑦ ᒪᓕᒐᓕᐅᕐᕕᐅᑉ ᑲᑎᒪᕐᔪᐊᕐᕕᐊᓂ ᕿᑎᖅᑰᒻᒥ, ᓄᕕᐱᕆ 22, 2012, ᐱᒋᐊᕐᓂᐊᖅᑐᑦ 1:30 ᐅᓐᓄᓴᒃᑯᑦ (ᑲᓇᖕᓇᒥᐅᑦ ᓯᕿᓐᖑᔭᖓ)

ᒪᓕᒐᓕᐅᕐᕕᒃ ᑕᖅᑳᓐᖓᑦ ᑐᒃᓯᕌᖃᖅᐳᑦ ᐱᔾᔪᑎᓕᖕᓂᒃ ᓄᑖᒥᒃ ᐃᓱᒪᓯᐅᖅᑕᐅᓂᕐᒧᑦ ᓂᕈᐊᕐᔪᐊᕐᓂᐅᑉ ᐱᖁᔭᕐᔪᐊᒃᓴᖓᓂᒃ

ᐃᖃᓗᐃᑦ, ᓄᓇᕗᑦ (ᐊᒃᑑᐸ 29, 2012) - ᒪᓕᒐᓕᐅᕐᕕᖕᒥ ᐅᖃᖅᑎ ᕼᐊᓐᑐ ᑐᑐ ᑐᓪᓗᒥ ᑕᖅᑲᒃᑯᓇᓐᖓᑦ ᐊᒻᒪ ᑎᒥᐅᔪᓂᑦ ᑐᒃᓯᕌᖃᖅᐳᑦ ᑎᑎᕋᖅᓯᒪᔪᓂᒃ ᐱᔾᔪᑎᓕᖕᓂᒃ ᓄᓇᕗᒻᒥ ᐃᓱᒪᓕᐅᖅᑕᐅᓂᕐᒧᑦ ᓂᕈᐊᕐᔪᐊᕐᓂᐅᑉ ᐱᖁᔭᕐᔪᐊᖅᑖᓵᕐᒥᒃ ᐱᔾᔪᑎᓕᖕᓂᒃ

ᐅᖃᖅᑎ ᓇᓗᓇᐃᖅᓯᕗᖅ 2012-ᒥ ᓄᓇᕗᑦ ᒪᒃᑯᒃᑐᑦ ᒪᓕᒐᓕᐅᖅᑎᓐᖑᐊᖑᓂᐊᕐᓂᖏᑦᑕ ᐅᓪᓗᐊᓂᒃ

ᐃᖃᓗᐃᑦ, ᓄᓇᕗᑦ (ᐊᒃᑑᐸ 9, 2012) - ᕼᐊᓐᑐ ᑐᑐ, ᓄᓇᕗᑦ ᒪᓕᒐᓕᐅᕐᕕᐊᓄᑦ ᐅᖃᖅᑎ, ᖁᕕᐊᓱᒃᑐᖅ ᓇᓗᓇᐃᖅᓯᔪᓐᓇᕋᒥ 2012-ᒥ ᓄᓇᕗᑦ ᒪᒃᑯᒃᑐᑦ ᒪᓕᒐᓕᐅᖅᑎᓐᖑᐊᖑᓂᐊᕐᓂᖏᓐᓂᒃ ᐃᖃᓗᖕᓂ ᓄᕕᐱᕆ 22, 2012-ᖑᓕᖅᐸᑦ.

ᓄᓇᕗᒻᒥ ᐃᓕᓐᓂᐊᕐᕕᐊᓗᖕᓂ ᐃᓕᓐᓂᐊᖅᑐᑦ ᑕᑕᑎᕆᖁᔭᐅᒐᓗᐊᖅᐳᑦ ᐃᓚᐅᔪᒪᒍᑎᒃ ᒪᒃᑯᒃᑐᑦ ᒪᓕᒐᓕᐅᖅᑎᓐᖑᐊᖑᓂᐊᕐᓂᖏᓐᓂᒃ. ᑐᓴᐅᒪᔾᔪᑏᑦ ᐸᐃᑉᐹᑦ ᐃᓘᓐᓇᖏᓐᓄᑦ ᓄᓇᕗᒻᒥ ᐃᓕᓐᓂᐊᕐᕕᐊᓗᖕᓄᑦ ᐊᐅᓪᓚᖅᑎᑕᐅᓯᒪᓕᖅᑐᑦ.

ᓄᓇᕗᒻᒥ ᒪᒃᑯᒃᑐᑦ ᒪᓕᒐᓕᐅᖅᑎᓐᖑᐊᖑᓗᑎᒃ ᑲᑎᒪᕐᔪᐊᕐᓂᐊᖅᑐᑦ ᒪᓕᒐᓕᐅᕐᕕᐅᑉ ᑲᑎᒪᕐᔪᐊᕐᕕᖓᓂ. ᒪᒃᑯᒃᑐᑦ ᒪᓕᒐᓕᐅᖅᑎᓐᖑᐊᖑᓂᖏᑦᑕ ᑲᑎᒪᕐᔪᐊᕐᓂᖓ ᐱᒋᐊᕐᓂᐊᖅᑐᖅ ᓄᕕᐱᕆ 22, 2012-ᖑᓕᖅᐸᑦ 1:30-ᒥ ᐅᓐᓄᓴᒃᑯᑦ. ᑕᖅᑲᒃᑯᐊ ᑭᒃᑯᑐᐃᓐᓇᐃᑦ ᖁᓐᖏᐊᕆᐊᕈᒪᔪᑦ ᖃᐃᖁᔭᐅᕗᑦ, ᐊᒻᒪ ᑲᑎᒪᕐᔪᐊᖅᑎᓪᓗᒋᑦ ᓄᓇᕗᓕᒫᒥ ᒪᓕᒐᓕᐅᕐᕕᐅᑉ ᑕᑯᒃᓴᐅᕝᕕᒋᖃᑦᑕᖅᑕᖓᒍᑦ ᓴᖅᑭᔮᕐᓂᐊᖅᖢᑎᒃ ᐃᕐᖐᓐᓇᖅ.

ᒪᓕᒐᓕᐅᕐᕕᖕᒥ ᐊᓪᓚᕕᖓ ᐃᖅᑲᓇᐃᔭᖅᑎᒃᓴᖅᓯᐅᖅᑐᑦ ᐃᖅᑲᓇᐃᔭᕈᒪᔪᓂᒃ ᐅᖃᐅᓯᑦ ᐃᓕᑕᕆᔭᐅᓯᒪᓂᖏᓐᓄᑦ ᑲᒥᓯᓇᒃᓴᒥᒃ ᓄᓇᕗᒥ

ᐃᖃᓗᐃᑦ, ᓄᓇᕗᑦ (ᓯᑉᑕᐱᕆ 27, 2012) -ᐅᖃᖅᑎ ᒪᓕᒐᓕᐅᖅᑎᒃᑯᓐᓂ ᕼᐊᓐᑐ ᑐᑐ ᐅᓪᓗᒥ ᐅᖃᓚᐅᖅᐳᖅ ᐃᖅᑲᓇᐃᔭᕈᒪᔪᖅᓯᐅᕐᓂᕐᒥᓄᑦ ᐃᖅᑲᓇᐃᔭᕐᓂᐊᖅᑐᒥᒃ ᐅᖃᐅᓯᑦ ᐃᓕᑕᕆᔭᐅᓯᒪᓂᖏᓐᓄᑦ ᑲᒥᓯᓇᐅᓂᐊᖅᑐᒥᒃ ᓄᓇᕗᒥ ᑐᒃᓯᕋᕐᓂᕐᒥᓄᑦ.

ᐱᓕᕆᓂᖃᑦᓯᐊᖅᓯᒪᔪᓂᒃ ᓄᓇᕗᒥ ᐃᓕᓴᖅᓯᓂᖃᕐᓂᐊᖅᑐᑦ ᓯᑎᐱᕆ 20, 2012−ᖑᓕᖅᐸᑦ

ᐃᖃᓗᐃᑦ, ᓄᓇᕗᑦ (ᓯᑎᐱᕆ 17, 2012) - ᐅᖃᖅᑎᑦᑎᔨ ᒪᓕᒐᓕᐅᖅᑎᑦ ᑲᑎᒪᔨᖏᓐᓄᑦ ᐊᒻᒪ ᐃᒃᓯᕙ ᐅᑕᐅᔪᖅ ᓄᓇᕗᒥ ᐅᖃᐅᔾᔨᒋᐊᖅᑎᑦ ᑲᑎᒪᔨᖏᓐᓄᑦ ᕼᐊᓐᑐ ᑐᑐ ᐅᓪᓗᒥ ᑐᓴᖅᑎᑦᓯᖅᑕᐅᔪᖅ ᒥᔅᑕ ᓵᓕ ᐸᓂᒍᓂᐊᖅ ᐃᓕᓴᕆᔭᐅᓂᐊᕐᒪᑦ ᓄᓇᕗᒥ ᐱᓕᕆᓂᖃᑦᓯᐊᖅᓯᒪᔪᑦ ᐃᓕᓴᕆᔭᐅᔾᔪᑎᖓᓄᑦ ᕿᑎᖅᑰᒻᒥ, ᓯᑎᐱᕆ 20, 2012−ᖑᓕᖅᐸᑦ, 5:30−ᒧᐊᖅᐸᑦ ᐅᓐᓄᓴᒃᑯᑦ ᒪᓕᒐᓕᐅᖅᑎᑦ ᑲᑎᒪᕐᔪᐊᕐᕕᖓᓐᓂ.

ᓄᓇᕗᒻᒥ ᓯᕗᓕᐅᖅᑎᒃᓴᒥᒃ ᓂᕈᐊᖅᖠᖅᐳᑦ ᐊᑕᐅᓯᕐᒥᒃ ᐃᓚᒃᑲᓐᓂᕐᓂᐊᕐᒪᑕ ᒥᓂᔅᑕᖏᑦ

ᐃᖃᓗᐃᑦ, ᓄᓇᕗᑦ (ᒪᐃ 1, 2012) –ᒪᓊᒐᓊᐅᖅᑎᓊᒫᑗ ᑲᑎᒪᔨᖏᑗ ᐅᓜᓗᒥ ᓇᓗᓇᐃᖅᓝᕗᑗ ᓄᓇᕗᒬᒥ ᓝᕗᓊᐅᖅᑎᒃᓴᒥᒃ ᒭᕈᐊᕐᒭᖃᕐᒭᐊᕐᒭᕐᒥᖕᒭᒃ ᐊᒬᒪ ᒪᐃ 2, 2012−ᖑᓊᖅᐸᑗ ᐱᒋᐊᕐᒭᐊᖅᖢᑎᒃ 9:30−ᒧᐊᖅᐸᑗ ᐅᓜᓛᒃᑯᑗ.
Subscribe to Yes