IQALUIT, Nunavut (Novaipa 18, 2025) – Nunavumi Ukkaktiuniaktok, Hivuliktioniaktok tatvalu Ministauniaktut Katimayiit niguaktaotatot ublumi tatvani Nunavunmi Hivuliktiit Katimatitlugit. Tahapkua Katimayiit tahapkuanguvut tamaita Maligaliuktit.
Pingahut Maligaliuktit angikhimayut niguagaghanguktitaonikmut Ukkaktiunikmik ukkuanguvut David Joanasie, Maligaliukti Qiqiktalup niriani, niguaktauyok Ukkaktiunikmut.
Malgok Maligaliuktik angikhimayok niguagaghanguktitaonikmut Hivulikionikmut ukkua John Main, Maligaliukti Arviat Hivugani-Tikkigakjuak, niguaktauhimayok Hivuliktiunikmut.
9-guyut Maligaliuktit angikhimayut niguagaghanguktitaonikmut Ministat Katimayiitnut. Tahapkuanguvut Maligaliuktit niguaktaoyut: Gwen Healey Akearok, Maligaliukti Iqaluit-Manirajak; David Akeeagok, Maligaliukti Iqaluit-Niaqunnguu; Janet Pitsiulaaq Brewster, Maligaliukti Iqaluit-Sinaa; George Hickes, Maligaliukti Iqaluit-Tasiluk; Brian Koonoo, Maligaliukti Tununiq; Cecile Nelvana Lyall, Maligaliukti Netsilik; Craig Simailak, Maligaliukti Kamanirjuak tatvalu Annie Tattuinee, Maligaliukti Kangirhinik Hivurani.
Tatvani Maligaliurvikmi tatvalu Ministait Katimayiit Maligat hatkikhimayut tatva una Hivuliktii ataniktoiniaktok tunnihikatakluni nalliat Ministanguktitauyot nalliaknik Havakakniaktot.
Ukkua attiliokataoniaktot hapkua Maligaliuktit tatvani 7-gani Maligaliurviup angmakniaktot 10:00am ublami (EST) Hitamiutimi, November 20, 2025-mi, tatvani Maligaliukviop Katimaviatni. Pigiaktitjutikagiakaktot tikuaktauniaktitlugit hapkua Ukkaktii, Hivuliktii, tatvalu Minisitait Katimayiit tatvani hivulikpami katimaniaktitlugit ubluani 7-gani Maligaliukviup, angmakniaktok Hitamiutimi, November 20, 2025-mi, ublumaat 1:30pm (EST).
Tahamna attiliokataonik tatvalu hivulikpamik ubluanik katimaniaktitlugit ukkua 7-gani Maligaliokviup tiiviikut takkukhauniaktok nunaliitni kungiakutaitigut tatvalu kangataktaotikaktunik tiiviikukutaitnik ukkua swearing-in ceremony and first sitting of the 7th Legislative Assembly Bell (channel 513) tatvalu Shaw (channel 181) aullaktautaitigut. Ukkua attiliokataoniaktut tatvalu hivulikpamik katimaningat takkukhauniaktut kagiyauyakut aullaktautaitigut tatvani: https://assembly.nu.ca/webcasts. Iqalungmiut nunakaktut huli nallagungnaktut hadjautitlugu nallautikuktitiyunik attiliokataotitlugit tatvalu hivulikpamik ubluanik katimaniaktitlugit Maligaliokvikmi tahapkunani nallautikukutikut FM channels: Kinakut natiikmi ukaktokaktitlugu: 92.5 / Inuktitut: 94.7 / Kaplunatoktunik: 102.1.
-30-
Tuhakpaligumaguvit titigakvigilugit kagitauyakut tatvunga titigakviatnun:
LegInfo@assembly.nu.ca