IQALUIT, Nunavut (November 17, 2025) - Ukkua Maligaliurvikmi Katimayiit ublumi ukkakhimaliktut ubluanik tatvalu kanurininganik tatvani 2025-mi Nunavut Hivuliktiit Katimanianik. Ukkua Katimayiit tamatkiumayut Maligaliuktit.
Ukkua Katimayiit katimaniaktut tatvani Katimaviatni Maligaliurviup, aullarutiniaktuq ublami10:00am (EST) Aippiutimi, November 18, 2025. Tikkuarhitjutikhait Ukkaktirhamik, Hivuliktirhamik tatvalu Maligaliriyiuyuqhanik tatvani Ministait Katimayiitni (Ministat) niruaktauniaktut illikut niruaklutik. Hivulikpaakmik havaginiaktat niruaktauluni una Ukkaktirhaq. Una Ukkakti-Niruaqhimayuq ataniktiuniaktuq Katimapkainiaktuq.
Tuglia havariniaktat niruaktauniaktuq Hivuliktirhamik. Iliktuaktut niguagarhanguktitauniaktut ukkaktitauniaktut huuk niguaktauyumaniakmangata. Maligaliuktit niguagarhanguqtitauniangittut Hivuliktirhamut appirhuiqattaqniaqtut tahapkuninga niguagarhanguqtitauyunik. Tahapkua naunaitiarhimayunik aullatjutirhat tikkuarhitjutikhanik tuhaktitauniaktut piniahaaktitlugit tahapkua Katimayiit katimatjutirhait.
Katimayiit angirhimayut ukkua Ministat Katimayiit katimayikakniaktut 9-nik katimayiitnik (Hivulikti tatvalu 8-nik Ministanik). Ukkua Maligaliurvikmi tatvalu Ministat Katimayiit Maligangat hatkiumayuq tatva una Hivuliktii ataniktuiniaktuq naliat hapkua Ministait nalliaknik havakakniaktuq.
Tahapkua katimaningit ukkua Nunavumi Hivuliktiit Katimaningani tiiviikut takkuhauniaktut tatvani nunaliitni tiiviikukutaitigut tatvalu kangataktautikut tiiviikukutaitigut Bell (channel 513-mi) tatvalu Shaw (channel 181-mi) kangataktautikut. Katimaniat takkukhauniaktut karitauyakut kangataktautikut titiraqvia: https://assembly.nu.ca/webcasts. Nunakatigiit Iqalungmiut nallagungnaktut nallautikut katimatitlugit tahapkua Maligaliuktit tatvani FM nallautikakviatni: Nattiani: 92.5 / Inuktitut: 94.7 / Kaplunaatut: 102.1.
-30-
Tuhakvigiyumagungni titigakvigilugu una:
LegInfo@assembly.nu.ca
| Attachment | Size |
|---|---|
| Nunavut Hivuliktiit Katimanianik | 172.14 KB |