ᐃᒻᒥᒃᑰᖅᑐᑦ ᑲᑎᒪᔨᑦ ᕿᒥᕐᕈᔨᐅᓂᐊᖅᑐᑦ ᒪᓕᒐᓕᐅᖅᑏᑦ ᑮᓇᐅᔾᔭᒃᓵᖏᓐᓂᑦ, ᐃᑲᔫᑎᖏᓐᓂᑦ, ᑮᓇᐅᔭᖅᑐᕈᑎᖏᓐᓂᑦ ᐊᒻᒪ ᐃᑲᔫᓯᐊᖏᓐᓂᑦ
ᓄᓇᕗᑦ ᒪᓕᒐᓕᐅᖅᕕᖓ ᓴᖅᑭᖅᓯᓯᒪᒻᒪᑦ ᐃᒻᒥᒃᑰᖅᑐᓂᒃ ᑲᑎᒪᔨᓂᒃ ᕿᒥᕐᕈᔨᐅᓂᐊᖅᑐᓂᒃ ᒪᓕᒐᓕᐅᖅᑏᑦ ᑮᓇᐅᔾᔭᒃᓵᖏᓐᓂᑦ, ᐃᑲᔫᑎᖏᓐᓂ, ᑮᓇᐅᔭᖅᑐᕈᑎᖏᓐᓂᑦ, ᐊᒻᒪᓗ ᐃᑲᔫᓯᐊᖏᓐᓂᑦ. ᑖᒃᑯᐊ ᑲᑎᒪᔨᑦ ᑐᕌᒐᖏᑦ ᒪᓕᑦᑐᑦ ᐋᖅᑭᑦᑕᐅᓯᒪᔪᓂᒃ ᑎᑎᕋᖅᓯᒪᔪᓂ ᓈᓴᐅᑎᓕᒻᒥ 37 ᒪᓕᒐᓕᐅᖅᕕᐅᑉ ᐊᒻᒪᓗ ᓯᕗᓕᖅᑎᑦ ᑲᑎᒪᔨᖏᑕ ᐱᖁᔭᖓᓂ.
ᑲᑎᒪᔩᑦ ᑐᕌᒐᖏᑕ ᐃᓚᖓᑦ ᑕᒪᓐᓇᐅᒻᒪᑦ ᐃᑲᔪᖅᓰᓂᖅ ᐃᓚᒌᓄᑦ−ᑐᓐᖓᓇᖅᑐᒥᒃ ᐱᓕᕆᕕᖃᖅᑎᑦᑎᓂᕐᒥᒃ ᑕᒪᐅᓇ ᐊᑐᓕᖁᔭᓕᐅᖃᑦᑕᓂᒃᑯᑦ ᐱᔾᔪᑎᖃᖅᑐᓂᒃ ᓈᒻᒪᓈᖅᓯᒪᔪᓂᒃ ᑮᓇᐅᔭᖅᑐᓗᐊᓐᖏᑦᑐᓂᓪᓗ ᐃᑲᔪᖅᓰᔾᔪᑎᒃᓴᓂᑦ ᓴᖅᑮᖃᑦᑕᓂᕐᓂᒃ ᒪᓕᒐᓕᐅᖅᑎᓄᑦ ᓇᔾᔨᔪᓄᑦ (ᓯᖓᐃᔪᓄᑦ) ᐅᕝᕙᓘᓐᓃᑦ ᐊᕐᕌᒍᑭᑦᑐᓂᒃ ᓱᕈᓯᓛᖁᑎᓕᓐᓄᑦ ᑕᒪᐅᓇ ᐸᐃᕆᔭᐅᓂᖏᑎᒍᑦ ᐊᒻᒪᓗ ᐊᖏᔪᖅᑳᕆᔭᐅᔪᑦ ᕿᑲᕈᑎᖏᑎᒍᑦ.
ᑖᒃᑯᐊ ᐃᒻᒥᒃᑰᖅᑐᑦ ᑲᑎᒪᔩᑦ ᑐᓐᖓᓱᑦᑎᑦᑎᕗᑦ ᓄᓇᕗᒥᐅᑕᕐᓂᒃ ᑎᒥᐅᔪᓂᓪᓗ ᑐᓂᓯᖁᔨᓪᓗᑎᒃ ᑎᑎᕋᖅᓯᒪᔪᓂᒃ ᑕᒪᑐᒥᖓ ᖃᓄᖅ ᐃᓱᒪᖃᕐᒪᖔᑕ.
ᑎᑎᕋᖅᓯᒪᔪᑦ ᐱᔭᐅᖃᑦᑕᓛᖅᑐᑦ ᐃᓱᖃᕐᓗᒍ 5:00ᐅᓐᓄᓴ (ᑲᓇᓐᓇᒥ) ᔮᓐᓄᐊᓕ 25, 2019. ᑎᑎᖅᑲᑦ ᐅᕗᖓ ᑐᕌᖅᑎᑕᐅᓯᒪᒋᐊᓖᑦ:
ᐃᒃᓯᕙᐅᑕᖅ, ᐃᒻᒥᒃᑰᖅᑐᓄᑦ ᑲᑎᒪᔨᓄᑦ ᕿᒥᕐᕈᔨᐅᓂᐊᖅᑐᓄᑦ ᒪᓕᒐᓕᐅᖅᑏᑦ
ᑮᓇᐅᔾᔭᒃᓵᖏᓐᓂᑦ, ᐃᑲᔫᑎᖏᓐᓂᑦ, ᑮᓇᐅᔭᖅᑐᕈᑎᖏᓐᓂᑦ ᐊᒻᒪ ᐃᑲᔫᓯᐊᖏᓐᓂᑦ
ᓄᓇᕗᒥ ᒪᓕᒐᓕᐅᖅᕕᐅᑉ ᐊᓪᓚᕝᕕᖓ
ᑎᑎᖅᑲᖃᐅᑎᖓ 1200, ᐃᖃᓗᐃᑦ, ᓄᓇᕗᑦ, X0A 0H0
ᐅᖄᓚᐅᑎᖓ: (867) 975-5000 ᓱᑲᔪᒃᑯᑦ: (867) 975-5191
ᖃᕋᓴᐅᔭᒧᑦ: submissions@assembly.nu.ca