ᐅᖄᓚᐅᑖ: (867) 975-5019
ᓱᒃᑲᔪᒃᑰᕈᑖ: (867) 975-5049
ᖃᕆᓴᐅᔭᒃᑯᑦ ᑐᕌᕈᑖ: mkilliktee@assembly.nu.ca
P.O. Box 219
Qikiqtarjuaq, NU
X0A 0B0
ᐅᖄᓚᐅᑖ: (867) 927-8004
ᓱᒃᑲᔪᒃᑰᕈᑖ: (867) 927-8005
ᖃᕆᓴᐅᔭᒃᑯᑦ ᑐᕌᕈᑖ: MaryKilliktee@uqqummiutmla.ca
ᒥᐅᓕ ᕿᓕᖅᑎ ᓂᕈᐊᖅᑕᐅᓚᐅᖅᑐᖅ ᓂᕈᐊᕐᓇᐅᑎᓪᓗᒍ ᐅᑐᐱᕆ 25, 2021, ᑭᒡᒐᖅᑐᐃᓂᐊᕐᑐᓂ ᐅᖅᑯᕐᒥᐅᑦ ᓂᕈᐊᖅᑕᐅᓯᒪᕕᖓᓂ ᑖᒃᑯᓇᓂ 6-ᒋᓕᖅᑕᖏᓐᓂ ᒪᓕᒐᓕᐅᖅᑎᓂ ᓄᓇᕗᒻᒥ. ᒥᔅ ᕿᓕᖅᑎᐅᑦ ᐃᖅᑲᓇᐃᔮᕆᓯᒪᔭᖏᑦ ᐱᖃᓯᐅᔾᔨᕗᑦ ᐃᖅᑲᓇᐃᔭᖅᑎᐅᓪᓗᓂ ᓄᓇᓖᑦ ᐱᕙᓪᓕᐊᓂᖏᓐᓄᑦ ᐅᖃᐅᔾᔨᒋᐊᖅᑎᐅᓪᓗᓂ ᕿᑭᖅᑖᓗᖕᒥ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᒃᑯᓐᓄᑦ, ᓄᓇᓕᖕᓂ ᐃᖅᑲᖅᑐᐃᕕᓕᕆᔨᐅᓪᓗᓂ ᓄᓇᕗᒻᒥ ᒪᓕᒐᓕᕆᔨᒃᑯᓐᓄᑦ ᐊᒻᒪᓗ ᑐᔪᕐᒥᕕᖕᒥ ᐊᐅᓚᑦᑎᔨᐅᓪᓗᓂ ᐃᓚᒌᒃᓴᒃᑯᓐᓄᑦ. ᒥᔅ ᕿᓕᖅᑎ ᐃᓕᓐᓂᐊᕐᓂᕆᓯᒪᔭᖓ ᐱᖃᓯᐅᔾᔨᓯᒪᕗᖅ ᐃᓕᓐᓂᐊᕐᓂᕐᒥᒃ ᓄᓇᕗᒻᒥ ᓯᓚᑦᑐᖅᓴᕐᕕᖕᒥ. ᒥᔅ ᕿᓕᖅᑎ ᒪᐃᔭᐅᓯᒪᕗᖅ ᕿᑭᖅᑕᕐᔪᐊᒥ ᐊᒻᒪᓗ ᑲᑎᒪᔨᐅᓂᑰᓪᓗᓂ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂ, ᓄᓇᓕᖕᓂ ᐃᖅᑲᖅᑐᐃᕕᓕᕆᓂᕐᒧᑦ ᑲᑎᒪᔨᕋᓛᖏᓐᓂ ᐊᒻᒪᓗ ᓄᓇᓕᖕᓂ ᐃᓅᓯᑦᑎᐊᕙᓕᕆᓂᕐᒧᑦ ᑲᑎᒪᔨᕋᓛᖏᓐᓂ. ᐊᖏᔪᖅᑳᖑᓯᒪᓪᓗᓂᓗ ᕿᑭᖅᑕᕐᔪᐊᖅ ᑐᓗᒐᖅ ᑯᐊᐸᒃᑯᓐᓄᑦ ᐊᒻᒪᓗ ᑲᑎᒪᔨᐅᖃᑕᐅᓯᒪᓪᓗᓂ ᐊᒪᐅᑏᑦ ᓄᓇᕗᑦ ᐊᕐᓇᐃᑦ ᑲᑐᔾᔨᖃᑎᒌᖏᓐᓄᑦ. ᒥᐊᓕ ᐊᒻᒪ ᓵᒻ ᕿᓕᖅᑎ ᐊᖓᔪᖅᑳᕆᔭᐅᕘᒃ ᑕᐃᕝ ᐊᒻᒪ ᓄᐊᕋᒃᑯᓐᓂᒃ. ᒥᔅ ᕿᓕᖅᑎ ᒥᖅᓱᖅᑎᒻᒪᕆᐅᕗᖅ ᓇᖕᒥᓂᕐᓗ ᖁᕕᐊᒋᔭᖃᖅᑐᓂ ᑐᓴᕐᓈᖅᑎᑦᑎᓂᕐᒥᒃ, ᓂᕿᓕᐅᕐᓂᕐᒥᒃ ᐊᓃᖃᑦᑕᕐᓂᕐᒥᒡᓗ.