Yes

ᐃᖃᓗᐃᑦ, ᓄᓇᕗᑦ (ᐅᑐᐱᕆ 28, 2020) - ᒪᓕᒐᓕᐅᖅᕕᐅᑉ ᒪᓕᒐᓕᐅᖅᑎᓕᒫᑦ ᑲᑎᒪᔨᖏᑦ ᐅᓪᓗᒥ ᐅᖃᐅᔾᔨᖅᑲᐅᕗᑦ ᑕᐃᓐᓇ ᓄᓇᕗᒻᒥ ᐊᐅᓚᑦᑎᔨᐅᖃᑕᐅᓂᐊᖅᑐᓂᒥᒃ ᑲᑎᒪᔾᔪᑎᖃᕐᓂᖅ ᐱᒋᐊᓛᕐᒪᑦ 3:00ᒨᖅᑲᑦ ᐅᓐᓄᓴᒃᑯᑦ (ᑲᓇᓐᓇᒥ) ᑕᓪᓕᕐᒥᐅᓕᖅᑲᑦ, ᐅᑐᐱᕆ 30, 2020-ᒥ, ᓂᕈᐊᓛᕐᒪᑕ ᓄᑖᒥᒃ ᓯᕗᓕᖅᑏᑦ ᑲᑎᒪᔨᖏᓐᓄᑦ ᐃᓚᑖᖑᓂᐊᖅᑐᒥᒃ.

ᐃᖃᓗᐃᑦ, ᓄᓇᕗᑦ (ᓯᑎᐱᕆ 28, 2020) - ᒪᓕᒐᓕᐅᕐᕕᖕᒧᑦ ᐅᖃᖅᑎ ᐊᒻᒪ ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᒻᒧᑦ ᖃᐅᒪᔨᑕᑦ ᑲᑎᒪᔨᖏᓐᓄᑦ ᐃᒃᓯᕙᐅᑕᕆᔭᐅᔪᖅ ᐸᐅᓕ ᖁᐊᓴ ᐅᓪᓗᒥ ᓇᓗᓇᐃᖅᓯᖅᑲᐅᕗᖅ ᐲᑕ ᑖᐸᑕᐃ ᑕᒪᑐᒪᓂ ᐊᕐᕌᒍᒥ ᐅᔭᒥᒃᑕᐅᓂᐊᕐᓂᖓᓂᒃ ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᒻᒥᒃ.

ᔭᓄᐊᕆ 1, 2010-ᖑᑎᓪᓗᒍ, ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᑦ ᐱᖁᔭᕐᔪᐊᖓ ᐊᑐᓕᖅᑎᑕᐅᓚᐅᖅᓯᒪᕗᖅ. ᑖᓐᓇ ᐃᓕᓴᖅᓯᔾᔪᑦ ᐊᑐᖅᑕᐅᕙᒃᐳᖅ ᐃᓕᓴᖅᓯᓂᕐᒥᒃ ᐃᓄᖕᓂᒃ ᓄᓇᕗᒻᒥᒃ ᐃᑲᔪᓪᓚᕆᒃᓯᒪᓂᑯᓂᒃ. ᐃᓕᓴᖅᓯᔾᔪᑦ ᖁᕝᕙᓯᖕᓂᖅᐹᖑᕗᖅ ᐃᓕᓴᖅᓯᔾᔪᑎᓕᒫᓂᑦ ᓄᓇᕗᒻᒥ, ᐊᒻᒪ ᐊᓯᓕᒫᖏᓐᓂᒃ ᐃᓕᓴᖅᓯᔾᔪᑎᓂᒃ, ᓇᓗᓇᐃᒃᑯᑕᓂᒃ ᐅᔭᒥᖕᓂᓪᓘᓐᓃᑦ ᖄᖏᐅᔾᔨᓯᒪᓪᓗᓂ ᓴᖅᑭᑕᕕᓂᓕᒫᓂᒃ ᓄᓇᕗᑦ ᒐᕙᒪᒃᑯᖏᓐᓄᑦ.

ᐃᖃᓗᐃᑦ, ᓄᓇᕗᑦ (ᓯᑎᐱᕆ14, 2020) - ᐅᓪᓗᖓ ᐊᒻᒪᓗ ᖃᑦᓯᒥᐅᓛᕐᓂᖔᖅ ᐊᖏᖅᑎᑕᐅᓂᖏᑕ ᑳᓪᕕᓐ ᐲᑐᓴᑦ (ᖁᕐᓗᑦᑑᖅ) ᐊᒻᒪ ᑯᕋᐃᒃ ᓯᒪᐃᓚᒃ (ᖃᒪᓂᑦᑐᐊᖅ) ᐊᓯᔾᔨᖅᑕᐅᒻᒪᑦ 2:00−ᒧᑦ ᐅᓐᓄᓴᒃᑯᑦ (ᑲᓇᓐᓇᑉ ᖃᐅᔨᓴᐅᑎᖓᒍᑦ) ᐊᐃᑉᐱᕐᒥ, ᓯᑎᐱᕆ 15, 2020.

ᐃᖃᓗᐃᑦ, ᓄᓇᕗᑦ (ᓯᑎᐱᕆ 10, 2020) - ᐅᖃᖅᑎ ᐹᐅᓕ ᖁᐊᓴ ᐅᓪᓗᒥ ᐅᖃᐅᔾᔨᖅᑲᐅᕗᖅ ᐃᓪᓗᕐᔪᐊᖅ ᒪᑐᐃᖁᔭᐅᓯᒪᓕᕐᒪᑦ ᐃᒃᓯᕙᓐᓂᖃᓛᕐᓗᑎᒃ ᐱᒋᐊᕐᓗᑎᒃ 1:30−ᐸᑦ ᐅᓐᓄᓴᒃᑯᑦ ᓇᒡᒐᔾᔭᐅᒥ, ᓯᑎᐱᕆ 21, 2020-ᒥ.

ᐅᖃᖅᑎ ᖁᐊᓴ ᐅᖃᖅᑐᖅ, “ᓯᑎᐱᕆᒥ ᐃᒃᓯᕙᓐᓇᐅᓕᖅᑲᑦ ᓵᓐᖓᑦᑎᓗᐊᓛᖅᑐᑦ ᐃᓱᒪᒃᓴᖅᓯᐅᕈᑎᖃᕐᓂᕐᓂᒃ ᑐᒃᓯᕌᖑᔪᓂᑦ ᑮᓇᐅᔭᓂᒃ ᐃᓚᒋᐊᖅᓯᒍᒪᔾᔪᑎᓂᑦ ᓴᖅᑭᖅᓯᒪᔪᓂᒃ ᑰᕕᑦ−19 ᓄᕙᓐᓇᕐᔪᐊᖅ ᓯᐊᒻᒪᒃᓯᒪᓂᖓᓄᑦ ᐊᒻᒪᓗ ᐊᓯᖏᓐᓂᑦ ᐱᓕᕆᐊᒃᓴᖏᓐᓂᑦ. ᖁᕕᐊᓱᓪᓚᕆᑦᑐᖓ ᒪᓕᒐᓕᐅᖅᕕᑦᑕ ᐃᓚᑖᕆᓂᐊᖅᑕᖏᒃ ᒪᕐᕈᕐᒃ ᒪᓕᒐᓕᐅᖅᑏᑦ ᑭᒡᒐᖅᑐᐃᔫᒃ ᖃᒪᓂᑦᑐᐊᕐᒥᒃ ᖁᕐᓗᑦᑑᒥᓪᓗ ᐃᖏᖃᑕᐅᓛᓕᕐᒪᑎᒃ ᐃᒃᓯᕙᐅᑕᒥᓄᑦ ᐃᒃᓯᕙᓕᖅᐸᑕ. ᐅᓪᓗᓚᑦᑖᕆᓛᖅᑕᖏᑦ ᐅᑭᐊᒃᓵᒃᑯᑦ ᐃᒃᓯᕙᓐᓇᐅᑉ ᐅᖃᐅᓯᐅᓛᖅᑐᑦ ᑭᖑᓂᑦᑎᐊᖓᒍᑦ ᐃᓪᓗᕐᔪᐊᖅ ᒪᑐᐃᓚᐅᖅᑎᓪᓗᒍ ᐅᐊᑦᑎᐊᕈᒃᑲᓐᓂᖅ ᑕᕝᕙᓂ ᑕᖅᑭᑎᓐᓂ.”

ᐃᖃᓗᐃᑦ, ᓄᓇᕗᑦ (ᒪᐃ 1, 2020) - ᐅᖃᖅᑎ ᐸᐅᓕ ᖁᐊᓴ ᐅᓪᓗᒥ ᓇᓗᓇᐃᖅᓯᕗᖅ 2020−ᒥ ᑕᓪᓕᒪᖓᓐᓂ ᒪᓕᒐᓕᐅᖅᑏᑦ ᑐᒡᓕᐊᓂ ᑲᑎᒪᕐᔪᐊᕐᓂᕆᓂᐊᖅᑕᖓᑕ ᓄᖅᑲᖅᑎᑕᐅᓂᖓᓂᒃ.

ᐃᖃᓗᐃᑦ, ᓄᓇᕗᑦ (ᒫᑦᓯ 20, 2020) - ᖃᒪᑦᑎᐊᖃᑕᐅᒐᓱᐊᖅᑐᑕ ᐱᓪᓗᒍ ᓄᕙᓐᓇᕐᔪᐊᖑᔪᖅ−19, ᑭᒃᑯᑐᐃᓐᓇᐃᑦ ᐃᓯᕈᓐᓇᖅᑎᑕᐅᓐᖏᑲᐃᓐᓇᖅᑐᑦ ᒪᓕᒐᓕᐅᖅᕕᐅᑉ ᐅᓪᓗᖓᓄᑦ.
 
ᑭᒃᑯᑐᐃᓐᓇᕐᓂᑦ ᕿᒥᕐᕈᑎᑦᑎᓂᐅᕙᑦᑐᑦ ᐊᒻᒪᓗ ᑭᒃᑯᑐᐃᓐᓇᐃᑦ ᐳᓛᕆᐊᕈᓐᓇᕐᓂᕆᕙᑦᑕᖓ ᓄᖅᑲᖓᑎᑕᐅᑲᐃᓐᓇᖅᑐᖅ ᐊᓯᐊᒍᑦ ᐅᖃᐅᓯᐅᓚᐅᓐᖏᓐᓂᖓᓄᑦ. ᑭᒃᑯᑐᐃᓐᓇᐃᑦ  ᐋᖅᑮᑲᑎᖃᖅᓯᒪᓐᓂᖅᐸᑦ ᒪᓕᒐᓕᐅᖅᕕᒻᒥ ᐃᖅᑲᓇᐃᔭᖅᑐᒥᒃ ᑲᑎᓯᔭᖅᑐᓛᕐᓗᓂ, ᐅᖃᐅᔾᔭᐅᕗᑦ ᓯᕗᓂᐊᒍᑦ ᐅᖃᖅᓯᒪᔮᖃᑦᑕᖁᔭᐅᓪᓗᑎᒃ ᐃᓯᖅᑎᑕᐅᔪᓐᓇᓛᕐᒪᑕ ᒪᓕᒐᓕᐅᖅᕕᒻᒧᑦ. ᖃᐅᔨᒋᐊᕈᓐᓇᖅᑐᓯ ᐅᖄᓚᐅᑎᒃᑯᑦ, ᓱᑲᔪᒃᑯᑦ ᐊᒻᒪᓗ ᖃᕋᓴᐅᔭᒃᑯᑦ ᐅᕗᖓ:
 
ᐊᑭᖃᓐᖏᑦᑐᖅ ᐅᖄᓚᕕᒃᓴᖅ: (877) 334-7266
ᓱᑲᔪᒃᑰᕈᑎᖓ: (867) 975-5190
ᖃᕋᓴᐅᔭᒃᑯᑦ: LegInfo@assembly.nu.ca
 
ᒪᓕᒐᓕᐅᖅᕕᒃ ᑕᖅᑲᒃᑯᓂᖓ ᖃᐅᔨᒃᑲᐃᖃᑦᑕᓂᐊᖅᑐᖅ ᖃᐅᔨᑦᑲᐃᒋᐊᖃᓕᕋᐃᒍᓂ.
 
-30-

ᑲᑎᒪᔨᕋᓛᑦ ᓇᓗᓇᐃᖅᓯᕗᑦ ᑕᓚᕖᓴᒃᑯᑦ

ᑕᑯᒃᓴᐅᑲᐅᑎᒋᓗᑎᒃ ᓈᓚᖕᓂᖃᕐᓂᐊᕐᓂᕐᒥᓂᒃ ᐱᖁᔭᒃᓴᖅ 25 ᐱᓪᓗᒍ

ᐃᖃᓗᐃᑦ, ᓄᓇᕗᑦ (ᓄᕕᐱᕆ 8, 2019) - ᒪᓕᒐᓕᐅᕐᕕᐅᑉ ᑲᑎᒪᔨᕋᓛᖏᑦ ᐱᖁᔭᓕᕆᓂᕐᒧᑦ ᐅᓪᓗᒥ ᓇᓗᓇᐃᖅᓯᖅᑲᐅᕗᑦ ᑕᓚᕖᓴᒃᑯᑦ ᓴᖅᑭᔮᑲᐅᑎᒋᓗᑎᒃ ᓈᓚᖕᓂᐊᕐᓂᐊᕐᓂᕐᒥᑕ ᐱᖁᔭᒃᓴᖅ 25 ᐱᓪᓗᒍ, ᐱᖁᔭᓐᖑᖅᑎᑕᐅᔪᒪᔪᖅ ᐱᖁᔭᕐᔪᐊᖅ ᐋᖅᑭᒋᐊᖅᓯᔾᔪᑕᐅᓂᐊᖅᑐᖅ ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᕐᔪᐊᕐᒥᒃ ᐊᒻᒪ ᐃᓄᐃᑦ ᐅᖃᐅᓯᖏᑕ ᓴᐳᒻᒥᐅᓯᖅᑕᐅᓯᒪᓂᖏᓐᓄᑦ ᐱᖁᔭᕐᔪᐊᖅ.

ᐃᖃᓗᐃᑦ, ᓄᓇᕗᑦ (ᐅᑐᐱᕆ 7, 2019) - ᐅᖃᖅᑎ ᓯᒥᐊᓐ ᒥᑭᓐᖑᐊᖅ ᐅᓪᓗᒥ ᐃᒫᒃ ᑐᓴᖅᑕᐅᑎᑦᑎᖅᑲᐅᔪᖅ:

“ᖁᓲᒥᖅᑲᐅᔪᖓ ᐅᑉᓗᒥ ᑐᓴᕋᒪ ᐃᓅᔪᓐᓃᕐᓂᖓᓂᒃ, ᐊᑯᓂ ᐋᓐᓂᐊᖃᓚᐅᖅᑐᓂ, ᒪᓕᒐᓕᐅᖅᕕᒻᒥ ᒪᓕᒐᓕᐅᖅᑎᐅᓚᐅᖅᓯᒪᔪᖅ ᐆᕕᑦ ᐊᓚᑲᓐᓂᐊᖅ, ᑖᓐᓇ ᑭᒡᒐᖅᑐᐃᖃᑦᑕᔪᔪᖅ ᐊᑯᓪᓕᖅ ᓂᕈᐊᖅᑕᐅᓯᒪᕕᖓᓂᒃ ᓯᕗᓪᓕᖅᐹᖑᔪᒥ ᓄᓇᕗᑦ ᒪᓕᒐᓕᐅᖅᕕᖓᓂ. ᐆᕕᑦ ᐊᓚᒃᑲᓐᓄᐊᖅ ᐃᓐᓇᒻᒪᕆᐅᓚᐅᖅᑐᖅ ᐅᒃᐱᕆᔭᐅᑦᑎᐊᖅᑐᓂ ᑰᒑᕐᔪᒻᒥ, ᐊᒻᒪᓗ ᓴᓐᖏᔪᐊᓗᓐᓂᒃ ᐅᖃᐅᓯᖃᖃᑦᑕᓚᐅᖅᑐᖅ ᐃᑲᔪᖅᓰᓪᓗᓂ ᐃᓄᐃᑦ ᐱᖅᑯᓯᖏᓐᓂᑦ, ᐅᖃᐅᓯᖏᓐᓂᑦ ᐅᒃᐱᕆᔭᖏᓐᓂᓪᓗ ᑲᑎᒪᔨᐅᖃᑦᑕᓂᕐᒥᓂ. ᒪᓕᒐᓕᐅᖅᑎᓕᒫᑦ ᒪᓕᒐᓕᐅᖅᕕᒻᒥ ᐅᖃᕈᑎᓪᓗᒋᑦ, ᐅᖃᕈᒪᔪᖓ ᐃᓱᒪᒋᔭᐅᓂᐊᕐᒪᑕ ᐃᓚᒋᔭᖏᑦ ᐊᒻᒪᓗ ᑭᒡᒐᑐᖅᐸᓚᐅᖅᑕᖏᑦ.”

ᓴᐃᒻᒪᑎᖓ ᒥᔅᑕ ᐊᓚᒃᑲᓐᓄᐊᑉ ᓄᓇᖓᓂ ᐊᑉᐸᕆᐊᖅᑕᐅᓯᒪᕗᖅ ᐃᔪᓐᓃᕐᓂᖓᓂᒃ ᐃᓕᑕᖅᓯᔾᔪᑎᐅᓪᓗᓂ.

-30-

ᐃᖃᓗᐃᑦ, ᓄᓇᕗᑦ (ᓯᑎᐱᕆ 25, 2019) - ᒪᓕᒐᓕᕆᓂᕐᒧᑦ ᑲᑎᒪᔨᕋᓛᑦ ᐅᓪᓗᒥ ᑐᓴᖅᑎᑦᑎᕗᑦ ᐊᑐᖅᑕᐅᒃᑲᓐᓂᕐᓂᐊᖅᑐᓂᒃ ᐃᓱᒪᒃᓴᖅᓯᐅᕈᑕᐅᑎᓪᓗᒍ ᐱᖁᔭᒃᓴᖅ 25, ᐱᖁᔭᖅ ᐊᓯᔾᔨᕆᐊᕈᑕᐅᔪᖅ ᐃᓕᓐᓂᐊᖅᑐᓕᕆᓂᕐᒧᑦ ᐱᖁᔭᕐᒧᑦ ᐊᒻᒪ ᐃᓄᐃᑦ ᐅᖃᐅᓯᖏᑦᑕ ᓴᐳᒻᒥᔭᐅᓂᖏᓐᓄᑦ ᐱᖁᔭᖅ. ᐱᖁᔭᒃᓴᖅ 25 ᓴᖅᑭᑕᐅᕚᓪᓗᓚᐅᖅᑐᖅ ᐃᓕᓐᓂᐊᖅᑐᓕᕆᓂᕐᒧᑦ ᒥᓂᔅᑕᒧᑦ ᔫᓂ 4, 2019-ᖑᑎᓪᓗᒍ, ᑭᖑᓂᖓᒍᓪᓗ ᑐᓂᔭᐅᓚᐅᕐᖢᓂ ᑲᑎᒪᔨᕋᓛᓄᑦ ᐃᓱᒪᒃᓴᖅᓯᐅᕈᑕᐅᓂᐊᕐᒪᑦ.