IKALUKTUTIAK, Nunavut (Disaipa 13, 2021) – Ukkua Maligaliurvik Nunavumi Tamatkiumayut Illuingaktut Maligaliuqtiituinauvlutik Katimahimangmata atkunautiqaqtut innirhihimaligamik ihuarhaitjutikhamingnik parnaiyautikhanik Katimahimagamik tatvanganin Disaipa 10, 2021.
“Uvagut Maligaliuqtiituinauvlutik Illuingarhuta Katimahimayugut tatva aullarutihimayut hivulikpanguyumik atturhimavlutik avatingut ukkua Maligaliuktit tatvani Maligaliurvikmit tatvalu hapkua hivuliktiuyut tatvani Nunavut Tunngavik Timinganiit tatvalu hapkua tamaita Avikturhimayuni Inuit Katuyikatigit,” ukkalaktut Hivuliktiuyuq P.J. Akeeagok. “Uvagut tunnirhimayugut nutanik tatvalu unnaguirhimaliiktutut ikkayuqatigingniagapta pitiaqatigikluta tatvalu tunnirhimaqatigiikhuta ikkayuqatigiiklutalu havagiyumaniaktaptingnik ikkayutirhanik hamna ihumagiluarhutigu iglulikitliurnik.”
Maligaliuktituinait Katimahimangmata naunaiyaihimayut talimanik illuingarhugit hivuliutiyurhanik havagiyauyurhanik illaliutiyurhanik tatvunga nutanik kavamakaliktitluta havagiyumaniaktaitnik ukautiqaqtitlugit:
- Ihuarhainahuaknik Anguyumik Inniknirhat Munaritjutikhaitnik Parnaiyautikhanik;
- Ihivgiuffaklugit hamna Ilihaknikut Havagiyauyuq;
- Ayungnaiqpalirahuaklugit Anniaktailitjutirhat, Ihumamikut Anniaktut tatvalu Immiknikut Higaakluknikutlu Ayurhaktut Ikkayuqvirhaitnik
- Angiklivalianahuaklugu hamna Igluliqiniqut Havagiyauyuq tatvalu
- Hiamakpalianahuaklugu hamna Pivalialikinikut Maniliuqutirhaq.
Hamna havariyauyurhanik ukkautauyuq hatkitauniaktuq tatvani Maligaliurvikmi Hivuliktimit Akeeagok tatvani Masimi una Kamiksina Angmaktiriluni Ukkautiqaqtitlugu hatkitauniakmat tatvani angmaktikutani Tuglianik Katimanianik ukkua 6th Maligaliurvikmi.
Tatvani attulihaktitlugu Januali 2022-mi, ukkua Ministat Katimayiit katimaniaktut huli ukkautiqaqlutik naunaitiarhimayunik allatkinik uktutirhanik pitjutauyunik hapkuninga naunaiyatiarhimayunik tahamanga katimatjutauhimayuniit. Hamna inirhimaituq tuhaktitiniaktait hapkua Tamatkiumayut Illuingaktut Maligaliuktituinait katimangmikpata tatvalu ukkua Nunavut Tunngavik Timingat aturlihalikat Fapyuali hamna inniktautinagu ihuaghautirha.
Una Ihivautalik Maligaliuktituinakni Katimayiitnik tatvalu Aivilikmi Maligaliukti Solomon Malliki uqqalaqtuq, “Maligaliuktiuqatitka uvangalu niriugiyaqaqtugut hatqirhiyumavluta haffumnga nuttamik Kavamatkut havariyakhaita ukkautirhaitnik, hamna hivunirhitjutauniaktuq hapkuninga ihurhautikhanik hapkuninga ihumagiyaptinik haffuma Nunavummiutqativut piyumayaitnik pitjutigilugit hapkua manilikitjutit tatvalu maligalikinikut aulatjutaitnik.”
Maligaliuktiit huli naunaiyaihimangmiyut tatva hamna niguaknikut tittikniliurhimayaita katimayiit aullarutiniaktuq tatvani 2022-mi, hatqitauhimangmat tatvani Nunavut Niruaqtulikinikut Maligak. Uqqaqtiuyuq Tony Akoak uqqalaqtuq, “Una Maligaliurvik tuhaktitainiaktuq kitunut tuhaktitjutirhaitnik uktuqulugit uktutirhanik katimayiqatauyumagumik tatvani Katimayiitni.”
Tahamaniititlutik Ikaluktutiami nunaliitni, ukkua Maligaliuktiit tungahuktititauhimayut umanga Tugliata Hivuliktiuyup tatvalu Ikaluktutiami Maligaliuktiuyumit Pamela Hakongak Gross. Maligaliuktiuyut pikatauhimayut kaffinik huliluqaqutinik pikatauvlutik, illaliutivlugit hapkua angmarhinik uttamik Nunavumi Ilihagiakpalikvikmi nuttamik Kitikmeot Ilihagiakpalikvirhaitnik, angmaktiginik ukkua Arnaat Qimaviatnik, tatvalu uplariaqhimayut tatvunga Ikaluktutiami Munariyauyunik Inniknirhait Naluraitnun tatvalu tatvunga Kanatamiut Quttingnikpami Ukkiuktaktumi Naunaiyaiyiuyut Havakviatnun.
Una Hivulikpaak Katimaniat ukkua 6th Maligaliurvik angmaffakniaktuq Fapyuali 21, 2022-mi.
-30-
Ruhaakpalirumaniguffi titiraqviginagialik una:
John Quirke
Tiitiraqti Maligaliurvikmi
Qaritauyakut tiitiraqvia: LegInfo@assembly.nu.ca
Sima Sahar Zerehi
Pivalialikinikut Tiitiraqti, Havakviatni uma Hivuliktiuyup
Qarutauyakut tiitiraqvia: szerehi6@gov.nu.ca