Ministauyuq Munarhiliqiyikkunni
Minista munariyaqaqtuq Inminiiqtailinirmun
Minista munariyaqaqtuq Qulliq Auladjutiqhanut Kuapuraisinga
Uqaut: (867) 975-5151
Kayumiktukkut: (867) 975-5051
Qaritauyakkut: jmain6@gov.nu.ca
P.O. Box 242
Arviat, NU
X0C 0E0
Uqaut: (867) 857-4201
Kayumiktukkut: (867) 857-4205
Qaritauyakkut: johnmain@arviatnorthmla.ca
General Delivery
Whale Cove, NU
X0C 0J0
Uqaut: (867) 896-9612
Kayumiktukkut: (867) 896-9622
Qaritauyakkut: johnmain@whalecovemla.ca
John Main niruaqtauhimaittumik ilaujuq kivraqtuijaamini Arivat Tunngani-Tikiraryuarmunlu talvani 6ngupluni Maligaliurviup Katimadjutaatani Nunavunmut.
Nunavutim Hivuliqtirnirmun Katimajiita niruaqtaat Mr. Main kivraqtuijaami Aulapkaijit Katimajiitani Nuvaippa 2021 mi. Uqariiqtitauhimajuq havaaminut havagviannut Nuvaippa 19, 2021mi. Hadja kivraqtuqtuq Ministaupluni Munaqhiliqiijitkunnut Ministauplunilu munarijaqaqhuni Inminiiqtailinirmun Ministauplunilu munarijaqaqhuni Qulliq Auladjutiqhanut Kuapuraisini.
Ilaupluni talimani Maligaliurvingmi, Mr. Main kivraqtuqhimavaktuq Iqhivautaupluni Katimajalaami Maligaliurnikkut, Iqhivautaujuq Katimajalaami Atauttini Kavamat Aulapkaidjutainnut Maniliqidjutinutlu, Iqhivautaujuqlu Maligaliuqtiikaffuktuni ‘ Katimadjutainni.
Mr. Main an’ngiqlihimajuq Arviani. Iniktigami ilihagutainnik, ilihariaqjuummiriaqtuqtuq Mount Allison University mi, iniktiqhuni 2002 mi naunaijautiqaliqhuni maniliurnikkut. Mr. Main nunarjuami ilihagutaita atuqhimajait ilihaqhuni Oslo, Norway mi, havaamilu ajuirhaqhuni tahapkunani United Nations Ilinniarnikkut, Qauhimanahuarnikkut Pitquhikkutlu Katimajiinni (UNESCO) Paris, France mi.
Mr. Main havaarivaktait ajuittiarnirmun havaani havaligami, havakpaqhimaplunilu Tiiviikkut Apiqhuijipluni Kanatian Qun’ngiaqtittijuni Kuapuraisingani Ukiuqtaqtumi havagvianni, Pivalliajuliqiijinilu Havaktiupluni Nunallaanut Arviat Avikturviannilu Nanminiqaqtunut Havaktiupluni Kitikmeot Inuit Katimajiitanut. Niruaqtautinnani, Mr. Main inmikkut-havakpaktuq maniliurnahuagutinut qauhijaigupluni.
Mr. Main An’ngijuqqaangguvaktuq Kivalliq Havagvingnut Katimajiinni ilauqvaqhunilu katimajiitani aulapkaijini Nunavut Pivallianirmun Kuapuraisini.
Mr. Main nulianilu, Amanda Hanson, quviahuktut an’ngajuqqaangguplutik Augustus Angmaaqmun, Odin Ihumatanaaq mun Maeve Arnahungaaqmunlu.