Tugliuyuq Hivuliqtimun Nunavunmut
Minista Ilinniaqtuliqiiyitkunni
Uqaut: (867) 975-5028
Kayumiktukkut: (867) 975-5016
Qaritauyakkut: pgross6@gov.nu.ca
P.O. Box 2450
Cambridge Bay, NU
X0B 0C0
Uqaut: (867) 983-3777
Kayumiktukkut: (867) 983-3778
Qaritauyakkut: pamelagross@cambridgebaymla.ca
Pamela Hakongak Gross nigoaktaohimayok tatvani nigoaktitingmata Aktopa 25, 2021-mi, kivgaktoiluni nigoakvigiyaminik tatvani Ikaluktutiami tatvani 6th Maligaliokviani. Ms. Gross niguaktauhimayuk Ministaukatigiiktunut November 17mi, 2021 katimatitlugit Hivulikhiukatigiiktut. Angiktitauhimayuk titigakvianut November 19mi, 2021. Tuklianut Hivuliktiuniaktok, Ministauluni Ilihaktiligiyiit ovalo Nunavumi Iliniagiakpaalivimi. Ms. Gross kingoani ayungituvluni atokpaghimayait havagivlugit hapkua illaliotivlugit Ataniovaghimayok tatvani Kitikmeot Ingilgaknitalikiyioyot Katimayiitni, Nanminikaktoni Ataniohimayot tatvani Kaapittiaq Kappikakvikmi nanminigiyaoyomi, Togligiyaoyok Kariyauyalikinikut Ukkautjiyiovluni tatvani Nunavut Avatilikiyiitkuni tatvalo Makpiganik Ihoaghaiyiovluni tatvani Hunanik Havagiyaoyonik Qikiqtani Inuit Katuyikatigitkuni. Ms. Gross pitakaktok Ilihagiakpalikvikmi Titigaoyaknikut naonaipkutikakhuni ilihagiakpalikvikmit Innulikinikut tatvanga Carleton Ilihagiakpalikvikmit tatvalo ilihagiakpalighimayoktaok tatvani nunakakaktot kavamalikitjutaitnik tatvani Ilihagiakpalikviatni Winnipeg. Ms. Gross havaakakhimangmiyok Inuinnaqtun ukkauhiatnik tammaktailitjutighaitnik tatvani Nunavut Ilihagiakpalikviatni tatvalo tatvani Nunavut Sivuniksavutmi. Ms. Gross nigoaktaohimayot Maiyamut Ikaluktutiami tatvalo katimayiokataohimayok tatvani Hamlatkut Katimayiitni. Kivgaktoihimangmiyok Angayokanguvluni tatvani Inuit Ingilgaknitalikinikut Totkomaviatni, Tugliuhimayok Angayukamut tatvani Amautiit Nunavumi Inuit Aknait Katuyikatigitkuni, katimayikataohimangmiyok tatvani Nunavut Sivuniksavut tatvalo katimayikataohimavluni tatvani Kanatami Totkomavioyoni Katuyikatigitni Pitiakatigiiknikut Katimayiitkuni. Ms. Gross katimayikataoyok tatvani Ilihagiakpalikviatni hapkua Kittut Innuyut tatvani Kuttinikpani Kanatamiut Nunaoyalikinikut Katimayiitni tatvalo ikkayokataktok tatvani Umingmak Frolics Ulapkipkaiyioyot Parnaiyaiyiovlotik Katimayigalaatni. Ms. Gross inmikut aliagiyakaktok ilaliotilugit hapkua mirhuknikmik, manikiakataknik tatvalo ilihaghimaakhugo hamna Ukkiuktaktomi ingilgaknitanik.