Johnny Mike

Johnny Mike niguaktaohimayok tatvani Niguaktitihimangmata Aktupa  27, 2025-mi, kivgaktogomavlugit tahapkua niguakvigiyani Pangnirtung 7-giyani Maligaliokviatni Nunavunmiut.

Mr. Mike kivgaktuiyok katimayiokataovluni tatvani Kavamatkut Manilikiyioyut Katimayiitni.

Mr. Mike nigoaktaohimagami Maligalioktiokataohimayok tatvani 4th Nunavut Maligaliokviatni, tatvani kivgaktoihimayok Ministauvluni Avatalikiyiitkuni.

Mr. Mike taimanganin kangagalok anguniaktiovakhimaliktok, ikalukhiokpakhuni tatvalu nanminikaktunik havaktotokaoyok havakakhimavluni atanionikmik havaktotokaovluni. Mr. Mike havakakhimayok Angayokanguvluni tatvani Niqitaq Ikalukhioktini, Angayokagiyaohimayok tatvani NCC-kut Nanminikaktot Katimayiitni, Angayokanguvaktok tatvani Qikiqtaaluk Timingatni, Titigaktii-Manilikiyii tatvani Qikiqtani Inuit Katuyikatigit, Ighivaotaovakhimayok tatvani Ulu Pivalialikiyiit Katimayiitni tatvalu katimayiokataohimayok tatvani Qiqqiktaluk Ikaluklikiyiit Katuyikatigitku Ataniovlutik Katimayigalaatni.

Mr. Mike kivgaktoihimayok Maiyauvakhimavluni Pangnirtumi. Mr. Mike katimayiokataovakhimayok amihuni katimayiitni, illaliutivlugit tahapkua Katimayiit tatvani  Qulliq Qullilikiyiitkut Timigiyatni, Cumberland Sound Ikalukhioktioyoni, Pangnirtuuk Ikaluklikiyiit tatvalu tatvani Pangnirtuuk Anguniaktiit tatvalu Nanigiaktoktiit Katimayiitni.

Mr. Mike havakakhimayok havalihaakhuni ataniovluni tatvalu ingnikutinik havakakhuni tatvani Nunatiami Kullilikiyiit Timingatni. Mr. Mike innighihimayok ilihautinnik titigakaktok aghalutit ingnikutaitnik hannayiovakhuni.

Mr. Mike taimanganin kangagalok taimanganin nunaliitni kinniktiokataohimaliktok tatvalu ahianni katimayiovakhuni.

Johnny unalu Minnihiktak Looee Mike harimahuktok angayokanguvlutik hitamanik nuttagakakhutik tatvalu 9-nik ingutagakhutik.

Mr. Mike inmi alliagiyakaktok angunahuaknikut, ikalukhioknikut tatvalu ilihaivakhuni Inuit Qaujimajatuqangitni.