ᔪᐊᔾ ᕼᐃᒃᔅ

ᐅᐱᓐᓇᖅᑐᖅ: 
ᐃᖃᓗᐃᑦ−ᑕᓯᓗᒃ
Legislative Office: 

ᐅᖄᓚᐅᑖ: (867) 975-
ᓱᒃᑲᔪᒃᑰᕈᑖ: (867) 975-
ᖃᕆᓴᐅᔭᒃᑯᑦ ᑐᕌᕈᑖ: ghickes [at] assembly [dot] nu [dot] ca

ᓂᕈᐊᖅᑕᐅᕕᐊᓂ ᑎᑎᕋᕐᕕᐊ: 

ᑎᑎᖅᑲᒃᑯᕕᒃ 2499
Iqaluit, NU
X0A 0H0
ᐅᖄᓚᐅᑖ: (867) 979-6923
ᓱᒃᑲᔪᒃᑰᕈᑖ: (867) 979-4604
ᖃᕆᓴᐅᔭᒃᑯᑦ ᑐᕌᕈᑖ: georgehickes [at] tasilukmla [dot] ca

ᔪᐊᔾ ᕼᐃᒃᔅ ᓂᐅᕈᐊᖅᑕᐅᓕᖅᑎᓚᐅᖅᑐᖅ ᓂᕈᐊᕕᔾᔪᐊᕐᓇᐅᑎᓪᓗᒍ ᐊᒃᑑᕝᕙ 25, 2021-ᒥ, ᑭᒡᒐᖅᑐᐃᓂᐊᕐᓗᓂ ᓂᕈᐊᖅᑕᐅᓯᒪᕕᐅᔪᒥᒃ ᐃᖃᓗᐃᑦ−ᑕᓯᓗᒃ ᓄᓇᕗᑦ 6-ᒋᔭᖓᓂ ᒪᓕᒐᓕᐅᖅᕕᖓᓂ.

ᒥᔅᑕ ᕼᐃᒃᔅ ᑎᒃᑯᐊᖅᑕᐅᓚᐅᖅᑐᖅ ᐅᖃᖅᑎᒧᑦ ᑐᖏᓕᐅᓂᐊᕐᓗᓂ ᓯᕗᓪᓕᖅᐹᖓᓂᑦ ᐃᒃᓯᕙᓂᖏᓐᓂ 6-ᒋᔭᖏᑕ ᒪᓕᒐᓕᐅᖅᕕᒻᒥ, ᓄᕕᐱᕆ 19, 2021-ᒥ.

ᒥᔅᑕ ᕼᐃᒃᔅ ᐃᒃᓯᕙᖃᑕᐅᕙᓚᐅᕐᒥᔪᖅ ᑎᓴᒪᒋᔭᖓᓂ ᐊᒻᒪᓗ ᑕᓪᓕᒪᒋᔭᖓᓐ ᒪᓕᒐᓕᐅᖅᕕᓐᓂ, ᑕᐃᒃᓱᒪᓂᓗ ᑎᒍᒥᐊᔪᓪᓗᓂ ᐊᑕᐅᓯᐅᓐᖏᑦᑐᒥᒃ ᒥᓂᔅᑕᐅᔾᔪᑎᒥᒃ, ᐱᖃᓯᐅᑎᓪᓗᒋᑦ ᒥᓂᔅᑕᐅᓂᕐᒥᒃ ᑮᓇᐅᔭᓕᕆᓂᕐᒧᑦ, ᐋᓐᓂᐊᑦᑕᐃᓕᓕᕆᓂᕐᒧᑦ ᐊᒻᒪᓗ ᒪᓕᒐᓕᕆᓂᕐᒧᑦ.

ᓂᕈᐊᖅᑕᐅᓚᐅᕋᓂ ᓱᓕ, ᒥᔅᑕ ᕼᐃᒃᔅ ᐃᖅᑲᓇᐃᔭᖅᑎᐅᔪᔪᖅ ᖁᓪᓕᖅ ᐆᓐᒪᖅᑯᑎᓕᕆᔨᒃᑯᑦ ᑯᐊᐳᕇᓴᓐᖓᓂ ᐊᐅᓚᑦᑎᔨᐅᓪᓗᓂ ᑐᓴᐅᒪᑎᑦᑎᔨᖏᓐᓂᑦ. ᒥᔅᑕ ᕼᐃᒃᔅ ᐃᖅᑲᓇᐃᔮᖃᖅᓯᒪᒻᒥᔪᖅ ᖁᑦᑎᑦᑐᓂᒃ ᐃᓂᖃᖅᑐᓂ ᓄᓇᕗᑦ ᒐᕙᒪᖓᑕ ᐃᓕᓐᓂᐊᖅᑐᓕᕆᓂᕐᒧᑦ ᐱᓕᕆᕕᒋᔭᖓᓂ ᐊᒻᒪᓗ ᐱᕙᓪᓕᐊᔪᓕᕆᓂᕐᒧᑦ ᐃᖏᕐᕋᔪᓕᕆᓂᕐᒧᓪᓗ. ᒥᔅᑕ ᕼᐃᒃᔅ ᐃᑲᔪᖅᑎᒋᔭᐅᓯᒪᒻᒥᔪᖅ ᐃᓕᓐᓂᐊᖅᑐᓕᕆᔨᒃᑯᑦ ᒥᓂᔅᑕᖓᓄᑦ.

ᒥᔅᑕ ᕼᐃᒃᔅ ᐃᓅᔪᒥᓂᖅ ᑰᔾᔪᐊᕌᓗᑦ ᒫᓂᑑᕙᒥ, ᐊᒻᒪᓗ ᐃᓕᓐᓂᐊᖅᑐᒥᓂᐅᓪᓗᓂ ᕆᐊᑦ ᕆᕗ ᓯᓚᑦᑐᓴᖅᕕᖓᓂ ᕙᓇᐸᐃᒃᒥ. ᐃᖃᓗᓐᓂ ᓄᓇᑖᓚᐅᕋᓂ 2004-ᒥ, ᒥᔅᑕ ᕼᐃᒃᔅ ᐃᖅᑲᓇᐃᔭᓚᐅᖅᓯᒪᔪᖅ ᑮᓇᐅᔭᒃᑯᕕᒻᒥ ᐊᒻᒪᓗ ᓇᒻᒥᓂᖃᖅᓯᒪᓪᓗᓂ ᓴᓇᔨᐅᓂᕐᒥᒃ ᓇᒻᒥᓂᖃᐅᑎᒥᒃ ᑖᒻᓴᓐᒥ.

ᒥᔅᑕ ᕼᐃᒃᔅ ᖃᑦᑎᕆᔨᐅᖃᑕᐅᓯᒪᔪᖅ, ᐃᓚᒋᔭᐅᓪᓗᓂᓗ ᑲᓇᑕᒥ ᐅᓇᓕᒃᓴᑯᓐᓄᑦ ᐊᒻᒪᓗ ᒪᒃᑯᑦᑐᓄᑦ ᕼᐊᑭᖅᑐᓂᒃ ᑲᒪᔨᐅᓯᒪᓪᓗᓂ.

ᔪᐊᔾ ᐊᒻᒪᓗ ᓯᒡᓂ ᐳᕆᐊᑐᕆᒃᓴᓐ ᒪᕐᕉᓐᓂᑦ ᕿᑐᕐᖓᖃᖅᑑᒃ: ᓕᓕ (ᐱᐅᖕᕚᔅᓗᖅ) ᐊᒻᒪᓗ ᓴᐃᕋ (ᐳᑐᒍᖅ). ᒥᔅᑕ ᕼᐃᒃᔅ ᖁᕕᐊᒋᔭᖃᖅᑐᖅ ᐊᖑᓇᓱᓐᓂᕐᒥᒃ, ᐃᖃᓗᒐᓱᓐᓂᕐᒥᒃ ᐊᒻᒪᓗ ᐊᐅᓇᐅᓕᒑᕐᓂᕐᒥᒃ.