ᒥᓂᔅᑕ ᒪᒡᒍᓚ ᓇᑲᓱᒃ

ᐅᐱᓐᓇᖅᑐᖅ: 
ᐸᖕᓂᕐᒃᑑᕐᒃ

ᒥᓂᔅᑕ ᐃᓕᖅᑯᓯᓕᕆᔨᒃᑯᓐᓄᑦ

ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓄᑦ

ᒥᓂᔅᑕ ᐅᖃᐅᓯᓕᕆᓂᕐᒧᑦ

Legislative Office: 

ᐅᖄᓚᐅᑖ: (867) 975-5070
ᓱᒃᑲᔪᒃᑰᕈᑖ: (867) 975-5073
ᖃᕆᓴᐅᔭᒃᑯᑦ ᑐᕌᕈᑖ: minnakashuk [at] gov [dot] nu [dot] ca

ᓂᕈᐊᖅᑕᐅᕕᐊᓂ ᑎᑎᕋᕐᕕᐊ: 

P.O. Box 36
Pangnirtung, NU
X0A 0R0
ᐅᖄᓚᐅᑖ: (867) 473-8220
ᓱᒃᑲᔪᒃᑰᕈᑖ: (867) 473-8227
ᖃᕆᓴᐅᔭᒃᑯᑦ ᑐᕌᕈᑖ: margaretnakashuk [at] pangnirtungmla [dot] ca

ᐅᓂᒃᑲᐅᓯᖅ − ᒥᓂᔅᑕ ᒫᒡᒍᓚᑦ ᓇᑲᓱᒃ

ᒫᒡᒍᓚᑦ ᓇᑲᓱᒃ ᓂᕈᐊᖅᑕᐅᓚᐅᖅᑐᖅ ᑕᓪᓕᒪᒋᔭᖓᓂᑦ ᒪᓕᒐᓕᐅᕐᕕᐅᑉ ᓄᓇᕗᒻᒥ ᐋᑦᑑᕝᕙ 30, 2017-ᒥ ᑭᒡᒐᖅᑐᐃᓂᐊᖅᑎᓪᓗᒍ ᓂᕈᐊᖅᑕᐅᕝᕕᖓᓂ ᐸᖕᓂᖅᑑᖅᒥ. ᐱᒋᐊᓚᐅᖅᓯᒪᔪᖅ ᑲᑎᒪᔨᐅᓂᕐᒧᑦ 2000-ᖑᑎᓪᓗᒍ ᓂᕈᐊᖅᑕᐅᑎᓪᓗᒍ ᐸᖕᓂᖅᑑᖅᒥ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓄᑦ ᓂᕈᐊᖅᑕᐅᑲᓐᓂᖅᓱᓂᓗ ᕼᐋᒻᒪᓚᒃᑯᑦ ᑲᑎᒪᔨᖏᓐᓄᑦ ᐸᖕᓂᖅᑑᖅᒥ.

ᓇᑲᓱᒃ ᐃᖅᑲᓇᐃᔮᕆᖃᑦᑕᖅᓯᒪᔭᖏᑦ ᓯᐊᒻᒪᑦᓯᒪᔪᖅ 25-ᓄ ᐊᕐᕌᒍᕐᓂᑦ ᒐᕙᒪᒃᑯᓐᓂᑦ ᓄᓇᑦᓯᐊᕐᒥ ᒐᕙᒪᒃᑯᓐᓂᓪᓗ ᓄᓇᕗᒻᒥ (GN), ᐱᔨᑦᓯᕋᕋᑖᖅᓯᒪᑦᓱᓂ ᐊᖓᔪᖅᑳᖑᑦᓱᓂ ᐃᓄᓕᕆᔨᒃᑯᓐᓄᑦ. ᐱᓕᕆᔨᒻᒪᕆᐅᔾᔪᑎᒋᖃᑦᑕᖅᓯᒪᔭᖏᑦ ᐃᓚᒋᔭᖃᖅᑐᑦ ᐃᖅᑲᓇᐃᔮᖏᑦ ᐃᓐᓇᕐᓄᑦ ᐃᓕᓐᓂᐊᑎᑦᓯᔨᐅᓂᕐᒧᑦ, ᓄᓇᓕᓐᓂ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᑭᒡᒐᖅᑐᐃᔨᐅᓂᕐᒧᑦ, ᐃᖅᑲᓇᐃᔮᕆᔭᐅᔪᒪᔪᓕᕆᔨ, ᐊᑯᓂᐅᔪᕐᓗ ᐳᓚᕋᖅᑐᓕᕆᓂᕐᒧᑦ ᐊᐅᓚᑦᓯᔨᐅᑦᓱᓂ. ᓄᓇᓕᓐᓂᓪᓗ ᐃᖅᑲᓇᐃᔨᐅᓯᒪᑦᓱᓂ.

ᐃᓕᓐᓂᐊᖅᑕᒥᓂᑦ ᐱᔭᕇᕋᒥ ᐊᑕᒍᔪᒃ ᐃᓕᓐᓂᐊᕐᕕᒻᒥ ᐸᖕᓂᖅᑑᖅᒥ, ᓇᑲᓱᒃ ᐃᓕᓐᓂᐊᕐᓂᓕᕆᓂᕐᒧᑦ ᓱᓕᕆᐊᕆᓯᒪᔭᖏᑦ ᐃᓚᖃᖅᑐᑦ ᓄᓇᕗᒻᒥ ᓯᕗᓂᒃᓴᕗᑦ ᐃᓕᓐᓂᐊᕐᓂᕐᒥᑦ, ᐊᐅᓚᑦᓯᔨᐅᓂᕐᒧᑦ ᐃᓕᓐᓂᐊᕐᓂᕐᒥ ᓄᓇᕗᒻᒥ ᓯᓚᑦᑐᖅᓴᕐᕕᒻᒥ, ᒐᕙᒪᒃᑯᓐᓂ ᓄᓇᕗᒻᒥ ᐊᖓᔪᖅᑳᖑᓂᕐᒧᑦ ᐱᔭᕇᕈᓯᐊᖅ ᐃᖅᑲᓇᐃᔮᓂᒃ ᐱᕚᓪᓕᖅᑎᑦᓯᓂᕐᒧᑦ, ᒐᕙᒪᒃᑯᓐᓂᓪᓗ ᓄᓇᕗᒻᒥ ᓯᕗᓕᖅᑎᑦᓴᓄ ᐃᓕᓐᓂᐊᕐᓂᕐᒧᑦ.

ᐊᑭᓕᖅᑐᖅᑕᐅᒐᓂ ᓱᓕᕆᐊᕆᓯᒪᔭᖏᑦ ᐃᓚᖃᖅᑐᑦ ᐱᓕᕆᖃᑎᖃᕐᓂᕐᒧᑦ ᐃᓄᑐᖃᕐᓂᑦ ᒪᒃᑯᑦᑐᓂᓪᓗ. ᓇᑯᓱᒃ ᓇᒻᒥᓂᖅ ᐱᔪᒪᓂᕆᔭᖏᑦ ᐃᓚᖃᖅᑐᑦ ᓄᕕᖅᓴᓂᕐᒥᑦ, ᒥᖅᓱᕐᓂᖅᒥ, ᐃᒐᓂᕐᒥᑦ ᐊᐅᓪᓚᖃᑦᑕᕐᓂᕐᒥᓪᓗ. ᒫᒡᒍᓚᑦ ᐊᐃᑉᐸᖓᓗ ᐋᓐᑐᕉ ᓇᑲᓱᒃ ᒪᕐᕉᓐᓂᒃ ᕿᑐᕐᖓᓖᒃ, ᓇᑖᓴ, ᐊᒻᒪᓗ ᐋᓐᑕᓂ, ᐊᑕᐅᓯᕐᒥᓪᓗ ᐊᕐᖑᑕᖃᖅᓱᑎᒃ, ᕖᓕᔅ.

ᓇᑲᓱᒃ ᓂᕈᐊᖅᑕᐅᓚᐅᖅᑐᖅ ᐱᔨᑦᓯᕋᕐᓂᕐᒧᑦ ᒥᓂᔅᑕᐅᓚᖓᑎᓪᓗᒍ ᐋᑦᑑᕝᕙ 30, 2020. ᓅᕙᐃᒻᕙ 6, 2020-ᒥ, ᑕᐃᔭᐅᓚᐅᖅᑐᖅ ᒥᓂᔅᑕᐅᓂᐊᓕᖅᑎᓪᓗᒍ ᐃᓕᖅᑯᓯᓕᕆᔨᒃᑯᓐᓄᑦ ᒥᓂᔅᑕᐅᓗᓂᓗ ᑲᒪᒋᔭᖃᕐᓂᕐᒧᑦ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᓄᑦ.