ᐋᑕᒻ ᐋᕆᐊᒃ ᓚᐃᑦᔅᑑᓐ

ᐅᐱᓐᓇᖅᑐᖅ: 
ᐃᖃᓗᐃᑦ−ᒪᓂᕋᔭᒃ
Legislative Office: 

ᐅᖄᓚᐅᑖ: (867) 975-5031
ᓱᒃᑲᔪᒃᑰᕈᑖ: (867) 975-5061
ᖃᕆᓴᐅᔭᒃᑯᑦ ᑐᕌᕈᑖ: alightstone [at] assembly [dot] nu [dot] ca

ᓂᕈᐊᖅᑕᐅᕕᐊᓂ ᑎᑎᕋᕐᕕᐊ: 

P.O. Box 2529
Iqaluit, NU
X0A 0H0
ᐅᖄᓚᐅᑖ: (867) 979-4754
ᓱᒃᑲᔪᒃᑰᕈᑖ: (867) 979-4753
ᖃᕆᓴᐅᔭᒃᑯᑦ ᑐᕌᕈᑖ: adamarreaklightstone [at] manirajakmla [dot] ca

ᐋᑕᒻ ᐋᕆᐊᒃ ᓚᐃᑦᔅᑑᓐ ᓂᕈᐊᖅᑕᐅᓕᖅᑭᔪᔪᖅ ᓂᕈᐊᕕᔾᔪᐊᕐᓇᐅᑎᓪᓗᒍ ᐊᑯᑑᕝᕙ 25, 2021-ᒥ, ᑭᒡᒐᖅᑐᐃᓂᐊᕐᓗᓂ ᓂᕈᐊᖅᑕᐅᓯᒪᕕᐅᔪᒥᒃ ᐃᖃᓗᐃᑦ−ᒪᓂᕋᔭᒻᒥᑦ 6-ᒋᔭᖓᓂ ᓄᓇᕗᑦ ᒪᓕᒐᓕᐅᖅᕕᖓᓂ.

ᒥᔅᑕ ᓚᐃᑦᔅᑑᓐ ᓂᕈᐊᖅᑕᐅᔪᔪᖅ ᐱᔨᑦᑎᓂᐊᕐᓗᓂ ᓯᕗᓕᖅᑎᑦ ᑲᑎᒪᔨᖏᓐᓂ ᓄᕕᐱᕆ 17, 2021-ᒥ ᓯᕗᓕᖅᑎᒃᓴᓂᑦ ᑲᑎᒪᐅᑎᖃᖅᑎᓪᓗᒋᑦ. ᒥᓂᔅᑕ ᓚᐃᑦᔅᑑᓐ ᑲᑎᒪᓂᕐᒥ ᐊᖏᖅᑎᑕᐅᔪᔪᖅ ᐊᓪᓚᒃᕕᖓᓄᑦ ᓄᕕᐱᕆ 19, 2021-ᒥ. ᐱᔨᑦᑎᓂᐊᖅᑐᖅ ᒥᓂᔅᑕᐅᓗᓂ ᑮᓇᐅᔭᓕᕆᓂᕐᒧᑦ, ᒥᓂᔅᑕᐅᓗᓂ ᐃᖅᑲᓇᐃᔭᖅᑎᓕᕆᓂᕐᒧᑦ, ᐊᒻᒪᓗ ᒥᓂᔅᑕᐅᓗᓂ ᑲᒪᔨᐅᓗᓂ ᐃᖅᑲᓇᐃᔭᖅᑏᑦ ᐊᑦᑕᓇᖅᑐᓕᕆᔨᖏᑕ ᑲᑎᒪᔨᖏᓐᓂᑦ.

ᒥᔅᑕ ᓚᐃᑦᔅᑑᓐ ᐃᒃᓯᕙᔪᔪᖅ ᒪᓕᒐᓕᐅᖅᑎᐅᖃᑕᐅᓪᓗᓂ ᑕᓪᓕᒪᒋᔭᖓᓂ ᒪᓕᒐᓕᐅᖅᕕᒻᒥ, ᐱᔨᑦᑎᕋᔪᓪᓗᓂ ᐃᒃᓯᕙᐅᑕᐅᖃᑕᐅᓪᓗᓂ ᑲᑎᒪᔨᕋᓛᖑᔪᓄᑦ ᐃᓅᓯᕐᒥ ᖃᓄᐃᓐᖏᑦᑎᐊᕆᓱᐊᕐᓂᕐᒧᑦ ᐊᒻᒪᓗ ᐃᓚᒋᔭᐅᓪᓗᓂ ᑲᑎᒪᔨᓕᕆᔩᑦ ᑲᑎᒪᔨᖏᓐᓄᑦ.

ᐃᓕᓐᓂᐊᖅᑕᒥᓂᒃ ᐱᔭᕇᓚᐅᖅᑐᓂ ᐃᖃᓗᓐᓂ ᐃᓄᒃᓱᒃ ᐃᓕᓐᓂᐊᖅᕕᒻᒥ, ᒥᔅᑕ ᓚᐃᑦᔅᑑᓐ ᐃᓕᑕᕆᔭᐅᔾᔪᑎᑖᖅᑐᒥᓂᖅ ᑮᓇᐅᔭᓕᕆᓂᕐᒧᑦ ᓴᐃᓐ ᓛᕋᓐᔅ ᓯᓚᑦᑐᓴᖅᕕᒻᒥᑦ ᐊᒻᒪᓗ ᐃᓕᑕᕆᔭᐅᔾᔪᑎᑖᖅᑐᓂ ᑮᓇᐅᔭᓕᕆᓂᕐᒧᑦ ᑮᓇᐅᔭᓕᕆᔾᔪᑎᓕᕆᓂᕐᒧᑦ ᓚᕆᐊᓐᓯᐊᓐ ᓯᓚᑦᑐᓴᖅᕕᔾᔪᐊᖓᓂᑦ.

ᓂᕈᐊᖅᑕᐅᓚᐅᕋᓂ ᓱᓕ, ᒥᔅᑕ ᓚᐃᑦᔅᑑᓐ ᒥᔅᑕ ᓚᐃᑦᔅᑑᓐ ᐱᔨᑦᑎᕋᓚᐅᖅᑐᖅ ᖁᑦᑎᓂᖅᓴᒥᒃ ᑮᓇᐅᔭᓄᑦ ᐅᖃᐅᔾᔨᒋᐊᖅᑎᐅᓪᓗᓂ ᐊᑭᓕᖅᓱᐃᔨᖏᓐᓂ ᐊᐅᓚᑦᑎᔨᐅᔪᓂ ᓄᓇᕗᑦ ᒐᕙᒪᖓᑕ ᑮᓇᐅᔭᓕᕆᔨᒃᑯᖏᓐᓂ.

ᒥᔅᑕ ᓚᐃᑦᔅᑑᓐ ᐱᓕᕆᖃᑕᐅᓪᓚᕆᑦᑐᓂ ᐃᓚᐅᖃᑦᑕᖅᓯᒪᔪᖅ ᐊᓕᐊᓇᐃᑦ ᓂᔾᔭᐅᓯᔭᖅᑐᓄᑦ, ᖃᔪᖅᑐᖅᕕᒃ ᓂᕆᔭᖅᑐᕕᒻᒥ ᐊᒻᒪᓗ ᕿᒻᒥᒃᑯᕕᒻᒥ. ᑲᑎᒪᔨᐅᖃᑕᐅᓯᒪᔪᖅ ᐃᖃᓄᓐᓂ ᐱᕈᖅᓰᔨᖏᑕ ᑎᒥᖓᓂ ᐊᒻᒪᓗ ᑮᓇᐅᔭᓕᕆᔨᐅᓪᓗᓂᔾᑎᑎᕋᖅᑎᐅᓪᓗᓂ ᐃᖃᓗᐃᑦ ᐃᐊᒃᔅ ᑎᒥᖁᑎᐊᓂ.

ᒥᔅᑕ ᓚᐃᑦᔅᑑᓐ ᖁᕕᐊᒋᔭᖏᑦ ᐃᓚᖃᖅᑐᑦ ᑐᐱᖅᓯᒪᒋᐊᖅᑐᓂᕐᒥᒃ, ᐅᖃᓕᒫᕐᓂᕐᒥᒃ ᐊᒻᒪᓗ ᐱᓐᖑᐊᕈᓘᔭᕐᓂᕐᒥᒃ ᓵᓚᖃᕋᓱᐊᕐᓂᐅᔪᓂᒃ.

ᐋᑕᒻ ᐋᕆᐊᒃ ᓚᐃᑦᔅᑑᓐ ᐊᒻᒪᓗ ᕼᐃᓗᕆ ᕘᓐᔅ ᐅᐱᒋᔭᒥᓂᒃ ᕿᑐᕐᖓᖃᖅᑑᒃ ᐊᐃᑕᓐᒥᑦ ᐊᒻᒪᓗ ᐊᕕᐊᖅᒥᑦ.