ᐅᒃᐱᕐᓇᖅᑐᖅ ᐸᒥᓚ ᕼᐊᑯᖓᒃ ᒎᕐᔅ

ᐅᐱᓐᓇᖅᑐᖅ: 
ᐃᖃᓗᒃᑑᑎᐊᖅ

ᓄᓇᕗᒻᒧᑦ ᓯᕗᓕᖅᑎᐅᑦ ᑐᖓᓕᖓ

ᒥᓂᔅᑕ ᐃᓕᓐᓂᐊᖅᑐᓕᕆᓂᕐᒧᑦ

ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᒻᒥ ᓯᓚᑦᑐᖅᓴᕐᕕᖕᒥᒃ

Legislative Office: 

ᐅᖄᓚᐅᑖ: (867) 975-5028
ᓱᒃᑲᔪᒃᑰᕈᑖ: (867) 975-5016
ᖃᕆᓴᐅᔭᒃᑯᑦ ᑐᕌᕈᑖ: pgross6 [at] gov [dot] nu [dot] ca

ᓂᕈᐊᖅᑕᐅᕕᐊᓂ ᑎᑎᕋᕐᕕᐊ: 

P.O. Box 2450
Cambridge Bay, NU
X0B 0C0
ᐅᖄᓚᐅᑖ: (867) 983-3777
ᓱᒃᑲᔪᒃᑰᕈᑖ: (867) 983-3778
ᖃᕆᓴᐅᔭᒃᑯᑦ ᑐᕌᕈᑖ: pamelagross [at] cambridgebaymla [dot] ca

ᐸᒥᓚ ᕼᐊᑯᖓᒃ ᒎᕐᔅ ᓂᕈᐊᖅᑕᐅᔪᕗᖅ ᓂᕈᐊᕐᓂᖃᖅᑎᓪᓗᒍ ᐅᒃᑐᐱᕆ 25, 2021ᒥ, ᑭᒡᒐᖅᑐᐃᓂᐊᓕᕐᓗᓂ ᐃᖃᓗᒃᑑᒃᑎᐊᕐᒥ 6ᒋᓕᖅᑕᖓᓂ ᓄᓇᕗᑦ ᒪᓕᒐᓕᐅᕐᕕᖓᑕ.

ᐸᒥᓚ ᕼᐊᑯᖓᒃ ᒎᕐᔅ ᓂᕈᐊᖅᑕᐅᓚᐅᖅᐳᖅ ᓯᕗᓕᖅᑏᑦ ᑲᑎᒪᔨᖏᓐᓄᑦ ᓄᕕᐱᕆ 17, 2021-ᖑᑎᓪᓗᒍ, ᑲᑎᒪᓂᖃᖅᑎᓪᓗᒋᑦ ᓄᓇᕗᒻᒥ ᓯᕗᓕᖅᑏᑦ ᑲᑎᒪᔾᔪᑕᐅᓂᖓᓐᓂ. ᐊᖏᖅᑎᑕᐅᓚᐅᖅᐳᖅ ᐃᓂᖓᓄᑦ ᓄᕕᐱᕆ 19, 2021-ᒥ. ᐱᓕᕆᐊᖃᖅᐳᖅ ᓯᕗᓕᖅᑎᐅᑦ ᑐᖏᓕᕆᓪᓗᓂᐅᒃ, ᐃᓕᓐᓂᐊᖅᑐᓕᕆᓂᕐᒧᑦ ᒥᓂᔅᑕᐅᓪᓗᓂ ᐊᒻᒪᓗ ᒥᓂᔅᑕᓪᓗᓂ ᑲᒪᒋᔭᖃᖅᑐᖅ ᓄᓇᕗᒻᒥ ᓯᓚᑦᑐᖅᓴᕐᕕᖕᒥ.

ᐹᒥᓚᐅᑉ ᓯᕗᓂᐊᓂ ᐱᓕᕆᐊᖃᖃᑦᑕᖅᓯᒪᔪᖅ ᐊᐅᓚᑦᓯᔨᐅᓯᒪᓪᓗᓂ ᕿᑎᕐᒥᐅᑦ ᐱᖅᑯᓯᓕᕆᔨᖏᓐᓄᑦ, ᐊᐅᓚᑦᓯᔨᐅᓯᒪᓪᓗᓂᓗ ᑳᐱᑦᑎᐊᖅ ᐱᓂᐊᖃᑎᒌᓄᑦᖅ, ᐃᑲᔪᖅᑎᐅᓪᓗᓂᓗ ᐅᖃᐅᔾᔨᒋᐊᖅᑎᐅᓂᕐᒥᒃ ᓄᓇᕗᑦ ᐊᕙᑎᓕᕆᔨᒃᑯᓐᓄᑦ ᐊᒻᒪᓗ ᐊᓪᓚᑦᓯᔨᐅᖃᑕᐅᓪᓗᓂ ᐃᓗᓕᖏᓐᓂᒃ ᑭᑐᐃᑦ/ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᓄᑦ.

ᐹᒥᓚ ᐃᓕᓐᓂᐊᖅᓯᒪᔪᖅ Bachelor of Arts-ᒥ ᐃᓕᑕᕆᔭᐅᓂᖃᖅᑐᓂ ᐃᑦᑕᕐᓂᓴᓕᕆᓂᕐᒥᒃ ᑲᐅᕐᑕᓐ ᐃᓕᓴᕐᕕᔾᔪᐊᖓᓂ ᐊᒻᒪᓗ ᐃᓕᓐᓂᐊᖅᓯᒪᒋᓪᓗᓂ ᓄᓇᖃᖅᑳᖅᑐᑦ ᐊᐅᓚᑦᓯᔾᔪᓯᖏᓐᓂᒃ ᐅᐃᓂᐲᒡ ᐃᓕᓴᕐᕕᔾᔪᐊᖓᓂ. ᐹᒥᓚ ᐱᓕᕆᐊᖃᕐᓂᑰᒻᔪᖅ ᐃᓄᐃᓐᓇᖅᑐᑦ ᐊᑐᖅᑕᐅᓂᖅᓴᐅᖁᓕᕐᓗᒍ ᐊᒻᒪᓗ ᐃᓄᓐᓂᒃ ᐃᓕᓴᐅᑎᐅᔪᒥᒃ ᓄᓇᕗᑦ ᓯᓚᑦᑐᓴᕐᕕᖓᓂ ᐊᒻᒪᓗ ᓄᓇᕗᑦ ᓯᕗᓂᒃᓴᕗᑦ.

ᐹᒥᓚ ᒪᐃᔭᐅᓯᒪᔪᖅ ᐃᖃᓗᒃᑑᑦᑎᐊᕐᒥ ᑲᑎᒪᔨᐅᖃᑕᐅᓯᒪᓪᓗᓂᓗ ᓄᓇᓕᒻᒥ. ᐊᖏᔪᖅᑳᕆᔭᐅᓯᒪᒻᒥᔪᖅ ᐃᓄᐃᑦ ᐃᑦᑕᕐᓂᓴᓕᕆᔨᒃᑯᓐᓂ, ᐊᖏᔪᖅᑳᒧᓪᓗ ᑐᖏᓕᐅᓯᒪᓪᓗᓂ ᐊᒪᐅᑎᑦ ᓄᓇᕗᑦ ᐃᓄᐃᑦ ᐊᕐᓇᐃᑦ ᑲᑐᔾᔨᖃᑎᒌᒃᑯᓐᓂ, ᑲᑎᒪᔨᐅᖃᑕᐅᓪᓗᓂᓗ ᓄᓇᕗᑦ ᓯᕗᓂᒃᓴᕗᒃᑯᓐᓄᑦ ᐊᒻᒪᓄᓗ ᑲᑎᒪᔨᐅᖃᑕᐅᓪᓗᓂ ᑲᓇᑕᒥ ᑕᑯᔭᒐᖃᕐᕕᑦ ᑲᑐᔾᔨᖃᑎᒌᒃᑯᑦ ᑲᑎᒪᔨᐊᓛᖏᓐᓂ ᓴᐃᒪᖃᑎᒌᓐᓂᕐᒧᑦ. ᐹᒥᓚ ᐃᓚᒋᔭᐅᒻᒥᔪᖅ ᐃᓕᓴᕐᕕᑦ ᐃᓄᖁᑎᖏᓐᓂ ᑲᓇᑕᒥ ᓄᓇᓕᕆᔨᑦ ᑲᑐᔾᔨᖃᑎᒌᒃᑯᓐᓂ ᐊᒻᒪᓗ ᐊᑭᓕᖅᓱᖅᑕᐅᒐᓂ ᖃᑎᒪᔨᓃᖃᑕᐅᒻᒥᔪᖅ ᐅᒥᖕᒪᒃ ᐸᕐᓇᐃᔨᖏᓐᓄᑦ.

ᐹᒥᓚᐅᑉ ᐱᒃᑯᒋᔭᖏᑦᒪ ᒥᖅᓱᕐᓂᖅ, ᓄᓇᓕᐊᑦᑕᕐᓂᖅ ᐊᒻᒪᓗ ᐃᓕᓴᕆᐊᒥᒃ ᐅᑭᐅᖅᑕᖅᑐᒥ ᐱᓂᐊᕐᓂᐅᖃᑦᑕᖅᑐᕕᓂᕐᓂᒃ.