ᒥᓂᔅᑕ ᐄᕙ ᐋᕆᐊᒃ
- ᓄᓇᕗᒻᒥ ᓯᕗᓕᖅᑎ
- ᒥᓂᔅᑕ ᒐᕙᒪᓕᕆᔨᒃᑯᓐᓄᑦ
- ᒥᓂᔅᑕ ᑲᒪᒋᔭᖃᖅᑐᖅ ᑲᓇᑕᐅᑉ ᓯᓚᑖᓃᖔᖅᑐᓕᕆᓂᕐᒧᑦ
- ᒥᓂᔅᑕ ᓄᓇᖃᖅᑳᖅᓯᒪᔪᓕᕆᓂᕐᒧᑦ
- ᒥᓂᔅᑕ ᐃᓕᓐᓂᐊᕐᓂᓕᕆᔨᒃᑯᓐᓄᑦ
ᑎᑎᖅᑲᓂᐊᕐᕕᖓ 1150
ᐃᖃᓗᐃᑦ, ᓄᓇᕗᑦ X0A 0H0
ᐅᖄᓚᐅᑦ: (867) 979-0410 ᓱᑲᑦᑐᒃᑯᑦ: (867) 979-0415
ᖃᕆᑕᐅᔭᒃᑯᑦ ᑐᕌᕈᑎ: iqaluiteastmla [at] qiniq [dot] com
ᑎᑎᖅᑲᓂᐊᕐᕕᒃ 2410
ᐃᖃᓗᐃᑦ, ᓄᓇᕗᑦ X0A 0H0
ᐅᖄᓚᐅᑦ: (867) 975-5050
ᓱᑲᑦᑐᒃᑯᑦ: (867) 975-5051
ᓯᕗᓕᖅᑎ ᐄᕙ ᐋᕆᐊᑉ ᑕᑯᓐᓇᙳᐊᕐᓂᖓ ᑲᔪᖏᖅᓴᐃᒋᐊᒃᑲᓂᕐᓂᕐᒧᑦ ᓄᓇᕗᒻᒥᐅᓂᒃ, ᓈᓚᒋᐊᕐᓂᕐᒧᑦ ᓄᓇᓕᓐᓂᒃ, ᐱᕙᓪᓕᐊᑎᑦᓯᓂᕐᒧᓪᓗ ᓴᙱᔪᓂᒃ ᒐᕙᒪᐅᔪᓂᒃ ᓯᕗᒧᒍᑎᒋᓚᐅᖅᑕᖓ ᓄᓇᕗᒻᒥ ᑐᒡᓕᐊᓂ ᐊᕕᑦᑐᖅᓯᒪᓂᑦᑎᓐᓂ ᓯᕗᓕᖅᑎᙳᕈᑎᒋᓪᓗᓂᐅᒃ. ᐊᖏᖅᑎᑕᐅᓚᐅᖅᑐᖅ ᐱᓕᕆᐊᖓᓄᑦ ᓄᕕᐱᕆ 19, 2008.
ᐃᓕᓴᕐᓇᒻᒪᕆᑦᑐᓂ ᐃᖅᑲᓇᐃᔮᖃᖅᓯᒪᓂᖓ, ᒥᔅ ᐋᕆᐊᒃ ᐊᑯᓂᐊᓗᒃ ᓴᖅᑭᔮᖅᑎᑦᓯᒋᐊᖅᓯᒪᔪᖅ ᐊᒥᓲᓂᖅᓴᓄᑦ ᐅᖃᐅᓯᕆᔭᐅᔪᒥᒃ ᓄᓇᕗᒻᒥ, ᐃᓄᒃᑎᑐᑦ. ᐊᕐᕌᒍᓂᒃ ᐱᖓᓲᔪᖅᑐᓂᒃ, ᐱᔨᑦᓯᕋᓚᐅᖅᑐᖅ ᓄᓇᕗᒻᒥ ᐅᖃᐅᓯᓕᕆᓂᕐᒧᑦ ᑲᒥᓯᓇᐅᓪᓗᓂ, ᑎᒥᐅᔪᖅ ᖃᐅᔨᓴᖅᑎᐅᕙᑦᑐᖅ ᓄᓇᕗᑦ ᒐᕙᒪᒃᑯᖏᓐᓂᒃ ᐊᑑᑎᖃᕐᓂᖏᓐᓂᒃ ᐃᓄᐃᑦ ᐅᖃᐅᓯᖏᓐᓂᒃ, ᐅᐃᕖᑎᑐᑦ ᖃᓪᓗᓈᑎᑐᓪᓗ. ᒥᔅ ᐋᕆᐊᒃ ᕿᒥᕐᕈᐃᓯᒪᔪᖅ ᓄᓇᕗᑦ ᐱᕙᓪᓕᐊᒍᑎᖃᕐᓂᖓᓂᒃ ᐃᓄᒃᑎᑐᑦ ᐃᓄᐃᓐᓇᖅᑐᓪᓗ ᐊᑐᖅᑕᐅᕙᓪᓗᑎᒃ ᐅᖃᐅᓯᕆᔭᐅᓂᖏᓐᓂᒃ ᒐᕙᒪᒃᑯᓐᓂ ᐊᑐᓕᖁᔨᔾᔪᑎᓕᐅᖅᑐᓂᓗ ᒪᓕᒐᓕᐅᖅᑏᑦ ᑲᑎᒪᔨᕋᓛᖏᓐᓄᑦ ᐃᓕᓴᕆᔭᐅᓯᒪᔪᑦ ᐅᖃᐅᓰᑦ ᐱᖁᔭᑦᓴᖓᓄᑦ ᐃᓄᐃᓪᓗ ᐅᖃᐅᓯᖓᑕ ᓴᐳᒻᒥᔭᐅᓂᖓᓄᑦ ᐱᖁᔭᑦᓴᖓᓄᑦ. ᐃᒪᐃᓕᐅᖅᓯᒪᒻᒥᔪᖅ: ᐃᑲᔪᖅᓯᒪᔪᖅ ᑐᑭᓕᐅᖅᑕᐅᓂᖏᓐᓄᑦ ᖃᕆᓴᐅᔭᒃᑰᕈᑎᑦ Microsoft ᐃᓄᒃᑎᑑᓕᖅᑎᑕᐅᑎᓪᓗᒋᑦ; ᓴᓇᓯᒪᔪᖅ ᐃᓄᒃᑎᑐᑦ ᓱᕈᓯᕐᓄᑦ ᐅᖃᓕᒫᒐᕐᓂᒃ ᐊᑐᖅᑕᐅᔪᑦᓴᓂᒃ ᐃᓕᓐᓂᐊᕐᕕᓐᓂ ᐃᓕᓐᓂᐊᖅᑎᑦᓯᓯᒪᔪᖅ ᐊᖏᔪᖅᑲᐅᑎᓂᒃ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᖏᓐᓂᒃ ᐃᓄᒃᑎᑐᑦ ᐱᓕᒻᒪᑦᓴᔭᐅᑎᓪᓗᒋᑦ.
ᒥᔅ ᐋᕆᐊᒃ ᖃᐅᔨᒪᓂᕐᒥᓂᒃ ᓇᑦᓴᕐᒥᔪᖅ ᑐᓴᕋᑦᓴᓕᕆᓂᕐᒧᑦ, ᐃᖅᑲᓇᐃᔭᖅᑐᓕᕆᓂᕐᒧᑦ, ᓇᒻᒥᓂᖃᖅᑎᐅᓂᕐᒧᑦ, ᐃᓕᓐᓂᐊᖅᑐᓕᕆᓂᕐᒧᑦ ᑎᒥᐅᔪᓂᓪᓗ ᐊᐅᓚᑦᓯᒍᓐᓇᓂᕐᒧᑦ ᓯᕗᓕᖅᑎᐅᓂᕐᒥᓄᑦ. ᑭᒃᑯᑐᐃᓐᓇᕐᓂᒃ ᑐᓴᐅᒪᑎᑦᓯᔨᐅᓂᕐᒧᑦ ᐃᖅᑲᓇᐃᔮᖃᓚᐅᖅᑐᖅ ᐊᓪᓚᕝᕕᖓᓂ ᑲᒥᓯᓇᐅᑲᐃᓐᓇᖅᑑᑉ ᓄᓇᕗᒻᒥ, ᑎᒥᐅᔪᑦ ᐱᔭᑦᓴᖅᑖᖅᑎᑕᐅᓚᐅᖅᓯᒪᔪᑦ ᐊᑐᓕᖅᑎᑦᓯᕙᓪᓕᐊᓂᕐᒧᑦ ᓄᓇᕗᒻᒥ ᓄᓇᑖᖅᓯᒪᓂᕐᒧᑦ ᐊᖏᕈᑎᓂᒃ ᓴᖅᑭᖅᓯᓂᕐᒧᓪᓗ ᑭᒃᑯᑐᐃᓐᓇᕐᓄᑦ ᒐᕙᒪᐅᔪᓂᒃ. ᒥᔅ ᐋᕆᐊᒃ ᐱᕙᓪᓕᐊᔪᓕᕆᔨᐅᓯᒪᔪᖅ ᑲᓇᑕᒥ ᑐᓴᕋᑦᓴᓕᕆᔨᒃᑯᑦ ᑯᐊᐳᕆᓴᒃᑯᖏᓐᓄᑦ ᓯᐱᓯᒃᑯᓐᓄᑦ ᐊᒻᒪᓗ ᐃᖅᑲᓇᐃᔭᖅᑐᓕᕆᔨᐅᓪᓗᓂ ᓄᓇᑦᓯᐊᕐᒥ ᒐᕙᒪᒃᑯᖏᓐᓄᑦ. ᐊᓯᖏᑦᑕᐅᖑᒐᓗᐊᖅ, ᑲᑎᒪᔨᐅᖃᑕᐅᓯᒪᔪᖅ ᐃᒃᐱᐊᕐᔪᒻᒥ ᐃᓕᓐᓂᐊᖅᑐᓕᕆᔨᒃᑦ ᑲᑎᒪᔨᖏᓐᓄᑦ, ᐃᖃᓗᐃᑦ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓄᑦ ᒥᑦᑎᒪᑕᓕᒻᒥᓗ ᕼᐊᒻᓚᒃᑯᑦ ᑲᑎᒪᔨᖏᓐᓄᑦ.
ᓂᕈᐊᖅᑕᐅᓚᐅᕋᓂ ᒪᓕᒐᓕᐅᕐᕕᒻᒧᑦ, ᒥᔅ ᐋᕆᐊᒃ ᓇᒻᒥᓂᖃᖅᑎᐅᓚᐅᖅᑐᖅ ᐊᐅᓚᑦᓯᔨᐅᓪᓗᓂᓗ ᑲᔪᓯᓂᖃᑦᑎᐊᖅᑐᒥᒃ ᓇᒻᒥᓂᖁᑎᕋᓛᒥᓂᒃ ᐃᒃᓯᕙᐅᑕᕆᔭᐅᓪᓗᓂᓗ ᕿᑭᖅᑖᓗᒻᒥ ᓇᒻᒥᓂᖃᖅᑎᐅᔪᑦ ᑲᑐᔾᔨᖃᑎᒌᖏᓐᓄᑦ.
ᐃᒃᐱᐊᕐᔪᑦᒥᐅᑦᓴᔭ, ᐄᕙ ᖃᒪᓂᖅ ᐋᕆᐊᒃ ᐃᖃᓗᒻᒥᐅᑕᐅᓕᖅᑐᖅ. ᐊᓈᓇᒋᔭᐅᓪᓗᓂ ᓯᑕᒪᓄᑦ ᕿᑐᕐᖓᒥᓄᑦ, ᑳᓖᓐ, ᔪᐊᑕᓐ, ᓵᓐ ᐊᒻᒪᓗ ᔨᐅᕆ, ᓂᖏᐅᕆᔭᐅᓪᓗᓂᓗ ᒪᕐᕉᓐᓄᑦ, ᑖᓯᐊᓇ, ᔪᐃᔅ ᐊᒻᒪᓗ ᐊᓕᒍᖅ.