ᔮᓐ ᒪᐃᓐ

ᐅᐱᓐᓇᖅᑐᖅ: 
ᐊᕐᕕᐊᑦ ᐅᐊᖕᓇᖓ−ᑎᑭᕋᕐᔪᐊᖅ
Legislative Office: 

ᐅᖄᓚᐅᑖ: (867) 975-5127
ᓱᒃᑲᔪᒃᑰᕈᑖ: (867) 975-5108
ᖃᕆᓴᐅᔭᒃᑯᑦ ᑐᕌᕈᑖ: jmain [at] assembly [dot] nu [dot] ca

ᓂᕈᐊᖅᑕᐅᕕᐊᓂ ᑎᑎᕋᕐᕕᐊ: 

P.O. Box 242
Arviat, NU
X0C 0E0
ᐅᖄᓚᐅᑖ: (867) 857-4201
ᓱᒃᑲᔪᒃᑰᕈᑖ: (867) 857-4205
ᖃᕆᓴᐅᔭᒃᑯᑦ ᑐᕌᕈᑖ: johnmain [at] arviatnorthmla [dot] ca

ᒪᓕᒐᓕᐅᖅᑏᑦ ᓂᕈᐊᖅᑕᐅᓕᖅᑎᓪᓗᒋᑦ ᔮᓐ ᒪᐃᓐ ᓂᕈᐊᖅᑕᐅᓚᐅᖅᓯᒪᔪᖅ ᐊᒃᑑᐸ 30, 2017−ᒥ, ᑭᒡᒐᖅᑐᐃᓂᐊᖅᖢᓂ ᐊᕐᕕᐊᑦ ᐅᐊᖕᓇᖓᓂᒃ−ᑎᑭᕋᕐᔪᐊᕐᒥᒡᓗ ᓄᓇᕗᑦ ᒪᓕᒐᓕᐅᕐᕕᐊᑕ ᒪᓕᒐᓕᐅᖅᑎᖏᓐᓂ ᑕᓪᓕᒪᒋᓕᖅᑕᖏᓐᓂ.

ᒥᔅᑐ ᒪᐃᓐ ᒪᓕᒐᓕᐅᕐᕕᐅᑉ ᒪᓕᒐᓕᐅᖅᑎᑐᐃᓐᓇᐃᑦ ᑲᑎᒪᔨᖏᓐᓄᑦ ᐃᒃᓯᕙᐅᑕᕆᔭᐅᔪᖅ ᐊᒻᒪ ᑎᒃᑯᐊᖅᓯᔩᑦ ᑲᑎᒪᔨᕋᓛᖏᓐᓄᑦ ᐃᓚᒋᔭᐅᖃᑕᐅᓪᓗᓂ. ᔮᓐ ᒪᐃᓐ ᐊᕐᕕᐊᓂ ᐱᕈᖅᓴᕐᓂᑯ. ᐃᓕᓐᓂᐊᕐᕕᐊᓗᖕᒥ ᐱᔭᕇᕋᒥ, ᒪᐅᓐᑦ ᐋᓕᓴᓐ (Mount Allison) ᓯᓚᑦᑐᖅᓴᕐᕕᒡᔪᐊᖓᓄᑦ ᐃᓕᓐᓂᐊᕆᐊᓯᓚᐅᖅᓯᒪᔪᖅ, ᐱᔭᕇᖅᖢᓂ 2002−ᒥ ᑮᓇᐅᔭᓕᐅᕋᓱᐊᕐᓂᕐᒥᒃ ᐃᓕᓐᓂᐊᕌᓂᒃᖢᓂ. ᔮᓐ ᒪᐃᓐ ᓯᓚᕐᔪᐊᕐᒥ ᐃᓕᓐᓂᐊᕐᓂᖓ ᐃᓚᖃᖅᑐᖅ ᐋᔅᓗ, ᓄᐊᕖᒥ (Oslo, Norway), ᐊᒻᒪ ᓯᓚᕐᔪᐊᕐᒥ ᐃᓕᓐᓂᐊᕐᓂᓕᕆᓂᕐᒥᒃ, ᐱᑐᐃᓐᓇᐅᓐᖏᑦᑐᓂᒃ ᐊᒻᒪ ᐃᓕᖅᑯᓯᓕᕆᓂᕐᒥᒃ (UNESCO) ᐃᓕᓐᓂᐊᓚᐅᖅᖢᓂ ᐱᐅᕆᔅ, ᕗᕌᓐᓯᒥ (Paris, France).

ᔮᓐ ᒪᐃᓐ ᐊᑕᐅᓯᐅᓐᖏᑦᑐᓂᒃ ᐱᑐᐃᓐᓇᐅᓐᖏᑦᑐᓂᒃ ᐃᖅᑲᓇᐃᔮᖃᖃᑦᑕᖅᓯᒪᔪᖅ. ᓰᐲᓰᒃᑯᓐᓄᑦ ᐅᑭᐅᖅᑕᖅᑐᒧᑦ ᑐᕌᖓᔪᓂᒃ ᑕᓚᕖᓴᒃᑯᑦ ᐅᓂᒃᑳᓕᐅᖅᑎᐅᓚᐅᖅᓯᒪᔪᖅ, ᑮᓇᐅᔭᓕᐅᕋᓱᐊᕐᓂᕐᒥᒃ ᐱᕙᓪᓕᐊᔪᓕᕆᔨᐅᓚᐅᖅᓯᒪᓪᓗᓂ ᐊᕐᕕᐊᓂ ᐊᒻᒪ ᐊᕕᒃᑐᖅᓯᒪᔪᓂ ᐱᓯᓂᓯᓕᕆᓂᕐᒧᑦ ᑲᒪᔨᐅᓚᐅᖅᓯᒪᓪᓗᓂ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ. ᓂᕈᐊᖅᑕᐅᓚᐅᓐᖏᓐᓂᕐᒥᓂ ᔮᓐ ᒪᐃᓐ ᓇᖕᒥᓂᖃᖅᖢᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᖃᐅᔨᒪᔨᑕᕆᔭᐅᓚᐅᖅᑐᖅ.

ᔮᓐ ᒪᐃᓐ ᐊᖓᔪᖅᑳᖑᓯᒪᔪᖅ ᑭᕙᓪᓕᕐᒥ ᓇᖕᒥᓂᖃᖅᑐᓄᑦ ᑲᑐᔾᔨᖃᑎᒌᖏᓐᓄᑦ ᐊᒻᒪ ᑲᑎᒪᔨᐅᖃᑕᐅᓚᐅᖅᖢᓂ ᓄᓇᕗᒻᒥ ᐱᕙᓪᓕᐊᔪᓕᕆᓂᕐᒧᑦ ᑯᐊᐳᕇᓴᒃᑯᖏᓐᓄᑦ.

ᔮᓐ ᒪᐃᓐ ᓄᓇᓕᖕᓂ ᐊᑭᓕᖅᓱᖅᑕᐅᓐᖏᖢᓂ ᐃᖅᑲᓇᐃᔭᖃᑦᑕᖅᓯᒪᔪᖅ ᐃᓄᒻᒪᕆᒃᑯᑦ ᓂᔾᔭᐅᓯᔭᕐᓂᖏᓐᓄᑦ, ᐊᕐᕕᐊᓂ ᑕᕐᕆᔭᐅᓯᐅᖅᑏᑦ ᓱᓴᐃᔭᑎᖏᓐᓄᑦ, ᕼᐅᕙᒎᖅ ᓈᓚᐅᑎᖃᕐᕕᐊᓄᑦ ᐊᒻᒪ ᕼᐋᑭᖅᑐᓂ ᐃᑲᔪᖅᑎᐅᓯᒪᓪᓗᓂ ᐊᕐᕕᐊᓂ ᐊᒻᒪ ᐃᖃᓗᒃᑑᑦᑎᐊᕐᒥ.

ᔮᓐ ᒪᐃᓐ ᖁᕕᐊᒋᔭᖃᖅᑐᖅ ᐊᖑᓇᓱᖕᓂᕐᒥᒃ, ᒥᑭᒋᐊᕐᓂᕐᒥᒃ, ᐃᖃᓗᒐᓱᖕᓂᕐᒥᒃ, ᐊᐅᓪᓚᖅᓯᒪᓂᕐᒥᒃ ᐊᒻᒪ ᐱᓐᖑᐊᕈᓯᕐᓂᒃ.

ᔮᓐ ᐊᒻᒪ ᐊᒫᓐᑕ ᕼᐋᓐᓴᓐ ᒪᐃᓐᑯᑦ ᕿᑐᕐᖓᓖᒃ ᐊᒐᔅᑕᔅᒥᒃ ᐊᒻᒪ ᐆᑎᓂᒥᒃ.