ᔪᐊᔾ ᕼᐃᒃᔅ

ᐅᐱᓐᓇᖅᑐᖅ: 
ᐃᖃᓗᐃᑦ−ᑕᓯᓗᒃ
Legislative Office: 

ᐅᖄᓚᐅᑖ: (867) 975-5148
ᓱᒃᑲᔪᒃᑰᕈᑖ: (867) 975-5149
ᖃᕆᓴᐅᔭᒃᑯᑦ ᑐᕌᕈᑖ: ghickes [at] assembly [dot] nu [dot] ca

ᓂᕈᐊᖅᑕᐅᕕᐊᓂ ᑎᑎᕋᕐᕕᐊ: 

ᐅᖄᓚᐅᑖ: (867) 979-6923
ᓱᒃᑲᔪᒃᑰᕈᑖ: (867) 979-4604
ᖃᕆᓴᐅᔭᒃᑯᑦ ᑐᕌᕈᑖ: georgehickes [at] tasilukmla [dot] ca

ᔪᐊᔾ ᕼᐃᒃᔅ ᓂᕈᐊᖅᑕᐅᒃᑲᓐᓂᓚᐅᖅᑐᖅ ᓂᕈᐊᕕᒡᔪᐊᖅᑎᓪᓗᒋᑦ ᐊᒃᑑᕙ 30, 2017-ᖑᑎᓪᓗᒍ, ᑭᒡᒐᖅᑐᐃᓪᓗᓂ ᓂᕈᐊᖅᑕᐅᒪᕕᖓᓐᓂ ᐃᖃᓗᐃᑦ ᑕᓯᓗᖕᒥᒃ ᑕᓪᓕᒪᖓᓐᓂ ᒪᓕᒐᓕᐅᖅᑎᑦ ᑲᑎᒪᔨᖏᓐᓂ ᓄᓇᕗᒥ.

ᑕᓪᓕᒪᖓᓐᓂ ᒪᓕᒐᓕᐅᖅᑏᑦ ᓯᕗᓪᓕᖅᐹᒥᒃ ᑲᑎᒪᕐᔪᐊᕐᓂᖃᖅᑎᓪᓗᒋᑦ, ᑲᑎᒪᕐᔪᐊᓚᐅᖅᓯᒪᖕᒪᑕ ᓄᕕᐱᕆ 21, 2017−ᒥ, ᒥᔅᑐ ᕼᐃᒃᔅ ᑎᒃᑯᐊᖅᑕᐅᓚᐅᖅᓯᒪᔪᖅ ᑎᒃᑯᐊᖅᓯᔩᑦ ᑲᑎᒪᔨᖏᓐᓄᑦ ᐊᒻᒪ ᑲᑎᒪᔨᓕᕆᔨᒃᑯᑦ ᑲᑎᒪᔨᖏᓐᓄᑦ. ᒥᔅᑐ ᕼᐃᒃᔅ ᐃᒃᓯᕙᐅᑕᐅᖃᑕᐅᖕᒥᔪᖅ ᒪᓕᒐᓕᐅᕐᕕᐅᑉ ᒪᓕᒐᓕᐅᖅᑎᓕᒫᑦ ᑲᑎᒪᔨᖏᓐᓄᑦ. ᑭᖑᓂᑦᑎᓐᓂ ᒥᔅᑐ ᕼᐃᒃᔅ ᑎᓴᒪᖓᓐᓂ ᓄᓇᕗᑦ ᒪᓕᒐᓕᐅᖅᑎᖏᓐᓂ ᒥᓂᔅᑕᐅᓚᐅᖅᑐᖅ ᐋᓐᓂᐊᖃᕐᓇᓐᖏᑦᑐᓕᕆᔨᒃᑯᓐᓄᑦ ᐊᒻᒪ ᒥᓂᔅᑕᐅᓪᓗᓂ ᐱᔭᒃᓴᖅᑖᖅᑎᑕᐅᓯᒪᓚᐅᖅᑐᖅ ᐃᒻᒥᓃᖅᑕᐃᓕᒪᓂᕐᒧᑦ.

ᓯᕗᕐᖓᒍᑦ ᓂᕈᐊᖅᑕᐅᓚᐅᖅᑳᕋᓂ, ᒥᔅᑕ ᕼᐃᒃᔅ ᐃᖅᑲᓇᐃᔭᓚᐅᖅᓯᒪᔪᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑯᐊᐳᕇᓴᖓᓐᓄᑦ ᐊᖓᔪᖅᑳᕆᔭᐅᓪᓗᓂ ᑐᓴᐅᒪᔾᔪᑎᕆᔨᒃᑯᖏᓐᓄᑦ. ᒥᔅᑕ ᕼᐃᒃᔅ ᐊᖓᔪᖅᑳᖑᖃᑦᑕᖅᓯᒪᕗᖅ ᐃᖅᑲᓇᐃᔭᖅᑎᐅᓪᓗᓂ ᓄᓇᕗᑦ ᒐᕙᒪᒃᑯᖏᓐᓄᑦ ᐱᓕᕆᕕᖓᓐᓂ ᐃᓕᓐᓂᐊᖅᑐᓕᕆᔨᒃᑯᑦ ᐊᒻᒪᓗ ᐱᓕᕆᕕᖓᓐᓂ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔾᔪᑎᓕᕆᔨᒃᑯᑦ. ᒥᔅᑕ ᕼᐃᒃᔅ ᐃᑲᔪᖅᑎᐅᖃᑦᑕᖅᓯᒪᕗᖅ ᒥᓂᔅᑕᖓᓐᓄᑦ ᐃᓕᓐᓂᐊᖅᑐᓕᕆᔨᒃᑯᑦ.

ᒥᔅᑕ ᕼᐃᒃᔅ ᐃᓅᓂᑯ ᑰᒡᔪᐊᕌᓗᒃ, ᒫᓂᑑᐸᒥ, ᐊᒻᒪ ᐃᓕᓐᓂᐊᕆᐊᖅᓯᒪᔪᖅ Red River ᓯᓚᑦᑐᓴᕐᕕᖓᓐᓂ ᐅᐃᓂᐸᐃᒡᒥ. ᓯᕗᕐᖓᒍᑦ ᓄᒃᑎᓚᐅᕋᓂ ᐃᖃᓗᖕᓄᑦ 2004-ᖑᑎᓪᓗᒍ, ᒥᔅᑕ ᕼᐃᒃᔅ ᐃᖅᑲᓇᐃᔭᓚᐅᖅᑐᖅ ᑮᓇᐅᔭᒃᑯᕕᖕᒥ ᐊᒻᒪ ᓇᖕᒥᓂᖃᓚᐅᖅᑐᖅ ᒥᑭᑦᑑᒐᓗᐊᒥᒃ ᓴᓇᔨᐅᓪᓗᓂ ᐱᔅᓇᓯᖃᕐᖢᓂ ᑖᒻᓴᓐᒥ.

ᒥᔅᑕ ᕼᐃᒃᔅ ᐊᑭᓕᖅᓱᖅᑕᐅᒐᓂ ᖃᑦᑎᕆᔨᐅᖃᑕᐅᓯᒪᔪᖅ, ᐃᓚᒋᔭᐅᖃᑦᑕᖅᓯᒪᔪᖅ ᑲᓇᑕᒥ ᐅᓇᑕᖅᑐᒃᓴᓐᖑᐊᓄᑦ ᐊᒻᒪᓗ ᒪᒃᑯᒃᑐᓄᑦ ᕼᐊᑭᖅᑎᓄᑦ ᐃᑲᔪᖅᑎᐅᓪᓗᓂ.

ᔪᐊᔾ ᐊᒻᒪ ᓯᒡᓂ Frederickson ᒪᕐᕉᖕᓂᒃ ᕿᑐᕐᖓᖃᖅᑑᒃ: ᓕᓕ (ᐱᐅᓐᖑᐊᖤᖅ) ᐊᒻᒪᓗ ᓯᐊᔭ (ᐳᑐᒍᖅ). ᒥᔅᑕ ᕼᐃᒃᔅ ᖁᕕᐊᒋᔭᖃᖅᑐᖅ ᐊᖑᓇᓱᖕᓂᕐᒥᒃ, ᐃᖃᓗᒐᓱᐊᕐᓂᕐᒥᒃ ᐊᒻᒪᓗ Golf-ᒥᒃ ᐱᓐᖑᐊᕐᓂᕐᒥᒃ.