ᒥᓂᔅᑕ ᑕᐃᕕᑎ ᔪᐊᓇᓯ

ᐅᐱᓐᓇᖅᑐᖅ: 
ᕿᑭᕐᒃᑖᓘᑉ ᓂᒋᐊ

ᒥᓂᔅᑕ ᐃᓕᓐᓂᐊᕐᓂᓕᕆᔨᒃᑯᓐᓄᑦ

ᒥᓂᔅᑕ ᐃᓕᖅᑯᓯᓕᕆᔨᒃᑯᓐᓄᑦ

ᒥᓂᔅᑕ ᓄᓇᕗᒻᒥ ᓯᓚᑦᑐᖅᓴᕐᕕᒃᑯᓐᓄᑦ

ᒥᓂᔅᑕ ᐅᖃᐅᓯᓕᕆᓂᕐᒧᑦ

Legislative Office: 

ᐅᖄᓚᐅᑖ: (867) 975-5023
ᓱᒃᑲᔪᒃᑰᕈᑖ: (867) 975-5103
ᖃᕆᓴᐅᔭᒃᑯᑦ ᑐᕌᕈᑖ: djoanasie [at] gov [dot] nu [dot] ca

ᓂᕈᐊᖅᑕᐅᕕᐊᓂ ᑎᑎᕋᕐᕕᐊ: 

P.O. Box 156
Cape Dorset, NU
X0A 0C0
ᐅᖄᓚᐅᑖ: (867) 897-8753
ᓱᒃᑲᔪᒃᑰᕈᑖ: (867) 897-8645
ᖃᕆᓴᐅᔭᒃᑯᑦ ᑐᕌᕈᑖ: davidjoanasie [at] southbaffinmla [dot] ca

ᑕᐃᕕᑎ ᔪᐊᓇᓯ ᓂᕈᐊᖅᑕᐅᒃᑲᓐᓂᓚᐅᖅᑐᖅ ᓂᕕᐊᕕᒡᔪᐊᖅᑎᓪᓗᒋᑦ ᐊᒃᑑᕙ 30, 2017-ᖑᑎᓪᓗᒍ, ᑭᒡᒐᖅᑐᐃᓂᐊᕐᓗᓂ ᓂᕈᐊᖅᑕᐅᒪᕕᖓᓐᓂ ᕿᑭᖅᑖᓘᑉ ᓂᒋᐊᓂᒃ ᑕᓪᓕᒪᖓᓐᓂ ᒪᓕᒐᓕᐅᖅᑏᑦ ᑲᑎᒪᔨᖏᓐᓂ ᓄᓇᕗᒥ. ᓂᕈᐊᖅᑕᐅᒪᕕᖓᓄ ᓄᓇᖁᑎᒋᔭᖏᑦ ᑭᓐᖓᐃᑦ ᐊᒻᒪᓗ ᑭᒻᒥᕈᑦ.

ᒥᔅᑐ ᔪᐊᓇᓯ ᒥᓂᔅᑕᐃᑦ ᑲᑎᒪᔨᖏᓐᓄᑦ ᓂᕈᐊᖅᑕᐅᓚᐅᖅᑐᖅ ᓄᕕᐱᕆ 17, 2017−ᖑᑎᓪᓗᒍ, ᓄᓇᕗᒻᒥ ᓯᕗᒃᑲᖅᑕᖅᑏᑦ ᓂᕈᐊᖅᑕᐅᓕᖅᑎᓪᓗᒋᑦ. ᒥᓂᔅᑐ ᔪᐊᓇᓯ ᑎᑎᕋᕐᕕᖕᒥᓄᑦ ᐊᖏᖅᑎᑕᐅᓚᐅᖅᑐᖅ ᓄᕕᐱᕆ 21, 2017−ᒥ. ᐃᓕᓐᓂᐊᕐᓂᓕᕆᓂᕐᒧᑦ ᒥᓂᔅᑕᐅᔪᖅ, ᒥᓂᔅᑕᐅᒋᓪᓗᓂᓗ ᐃᓕᖅᑯᓯᓕᕆᔨᒃᑯᓐᓄᑦ, ᒥᓂᔅᑕ ᑲᒪᒋᔭᖃᖅᖢᓂ ᓄᓇᕗᒻᒥ ᓯᓚᑦᑐᖅᓴᕐᕕᖕᒥᒃ ᐊᒻᒪ ᐅᖃᐅᓯᓕᕆᓂᕐᒧᑦ ᒥᓂᔅᑕᐅᒋᓪᓗᓂ.

ᑕᐃᕕᑎ ᔪᐊᓇᓯ ᑲᑎᒪᔨᐅᓚᐅᖅᓯᒪᖕᒥᔪᖅ ᑎᓴᒪᖓᓐᓂ ᒪᓕᒐᓕᐅᖅᑎᑦ ᑲᑎᒪᔨᖏᓐᓄᑦ. ᒥᔅᑕ ᔪᐊᓇᓯ ᐃᒃᓯᕙᐅᑕᐅᖃᑕᐅᖃᑦᑕᖅᓯᒪᕗᖅ ᒪᓕᒐᓕᐅᖅᑎᑐᐃᓐᓇᐃᑦ ᑲᑎᒪᔨᖏᓐᓄᑦ ᐊᒻᒪᓗ ᑲᑎᒪᔨᐅᖃᑕᐅᔪᖅ ᑲᑎᒪᔨᓕᕆᔨᑦ ᑲᑎᒪᔨᖏᓐᓄᑦ.

ᓯᕗᕐᖓᒍᑦ ᓂᕈᐊᖅᑕᐅᓚᐅᖅᑳᕋᓂ, ᒥᔅᑕ ᔪᐊᓇᓯ ᐊᐅᓚᑦᓯᔨᐅᓚᐅᖅᓯᒪᔪᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᑐᓴᐅᒪᔾᔪᑎᓕᕆᔨᑦ ᐱᓕᕆᕕᖓᓐᓂ. ᒥᔅᑕ ᔪᐊᓇᓯ ᐃᖅᑲᓇᐃᔭᖃᑦᑕᖅᓯᒪᔪᖅ ᓄᓇᕗᑦ ᒐᕙᒪᒃᑯᖏᓐᓄᑦ ᐱᓕᕆᕕᖓᓐᓂ ᐃᓕᖅᑯᓯᓕᕆᔨᒃᑯᑦ, ᐅᖃᐅᓯᓕᕆᔨᒃᑯᑦ, ᐃᓐᓇᑐᖃᓕᕆᔨᒃᑯᑦ ᐊᒻᒪᓗ ᒪᒃᑯᒃᑐᓕᕆᔨᒃᑯᑦ ᐊᒻᒪᓗ ᐃᓄᐃᑦ ᑕᐱᕇᑦ ᑲᓇᑕᒥᒃᑯᓐᓄᑦ.

ᒥᔅᑕ ᔪᐊᓇᓯ ᐃᓕᓴᕆᔭᐅᔾᔪᑎᖃᖅᑐᖅ ᐱᔅᓇᓯᓄᑦ ᑐᓴᐅᒪᑎᑦᓯᓂᕐᒧᑦ ᑕᐃᑲᓐᖓᑦ ᓯᓚᑦᑐᓴᕐᕕᒡᔪᐊᖓᓐᓂ Saint Mary’s University ᐊᒻᒪᓗ ᐃᓕᓴᕆᔭᐅᔾᔪᑎᑖᖅᓯᒪᔪᖅ ᓯᓚᑦᑐᓴᕐᕕᖓᓐᓂᑦ Algonquin College. ᒥᔅᑕ ᔪᐊᓇᓯ ᐃᓕᓐᓂᐊᖃᑕᐅᓚᐅᖅᓯᒪᔪᖅ ᓄᓇᕗᑦ ᓯᕗᓂᒃᓴᕗᑦ ᐃᓕᓐᓂᐊᕐᕕᖓᓐᓂ ᐋᑐᐋᒥ.

ᒥᔅᑕ ᔪᐊᓇᓯ ᐃᓚᐅᖃᑦᑕᖅᓯᒪᕗᖅ ᐱᓐᖑᐊᖅᑐᓕᕆᔨᒃᑯᓐᓄᑦ ᓄᓇᕗᒥ ᐊᐅᓪᓚᖅᑎᓪᓗᒋᑦ ᐱᓐᖑᐊᖅᑏᑦ ᐃᖅᑲᓇᐃᔭᖅᑎᒋᔭᐅᓪᓗᓂ ᐊᒻᒪᓗ ᐃᓚᐅᖃᑦᑕᖅᓯᒪᓪᓗᓂ ᒪᒃᑯᒃᑐᑦ ᑕᕆᐅᑉ ᐊᑭᐊᓄᑦ ᐊᐅᓪᓚᖃᑦᑕᕈᑎᖏᓐᓄᑦ. ᒥᔅᑕ ᔪᐊᓇᓯ ᐃᓚᒋᔭᐅᓂᑯ ᑐᒥᑯᓗᐃᑦ ᓴᐃᐹᖅᑭᕕᒃ ᑲᑎᒪᔨᖏᓐᓄᑦ.

ᑕᐃᕕᑎ ᐊᒻᒪᓗ ᐃᒪᓕ ᔪᐊᓇᓯ ᑎᓴᒪᓂᒃ ᕿᑐᕐᖓᖃᖅᑐᑦ: ᓴᐃᕆ, ᓯᓐᑎᐊ, ᖁᓕᑦᑕᓕᒃ ᐊᒻᒪ ᐲᑖᓗᒃ. ᒥᔅᑕ ᔪᐊᓇᓯ ᖁᕕᐊᒋᔭᖃᖅᑐᖅ ᐊᖑᓇᓱᖕᓂᕐᒥᒃ, ᐃᖃᓗᒐᓱᐊᕐᓂᕐᒥᒃ, ᕼᐊᑭᕐᓂᕐᒥᒃ, ᐊᐅᓪᓚᖃᑦᑕᕐᓂᕐᒥᒃ, ᓄᓇᒧᑦ ᐊᖑᓇᓱᒋᐊᕐᓂᕐᒥᒃ ᐊᒻᒪ ᐅᖃᐅᓯᓕᕆᓂᕐᒧᑦ ᐱᓕᕆᔭᐅᔪᓄᑦ.