ᒥᓂᔅᑕᐅᖃᑕᐅᔪᖅ ᐸᐅᓕ ᐋᕈᓛᖅ ᖁᐊᓴ

ᐅᐱᓐᓇᖅᑐᖅ: 
ᐊᒡᒍ

ᒥᓂᔅᑕ ᒐᕙᒪᓕᕆᔨᒃᑯᓐᓄᑦᒥᓂᔅᑕ ᓄᓇᖃᖅᑳᖅᑐᓕᕆᓂᕐᒧᑦ

ᒥᓂᔅᑕ ᐆᒻᒪᖅᑯᑏᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᓐᓄᑦ

Legislative Office: 

ᐅᖄᓚᐅᑖ: (867) 975-5050
ᓱᒃᑲᔪᒃᑰᕈᑖ: (867) 975-5060
ᖃᕆᓴᐅᔭᒃᑯᑦ ᑐᕌᕈᑖ: pquassa [at] gov [dot] nu [dot] ca

ᓂᕈᐊᖅᑕᐅᕕᐊᓂ ᑎᑎᕋᕐᕕᐊ: 

ᐅᖄᓚᐅᑖ: (867) 934-4060
ᓱᒃᑲᔪᒃᑰᕈᑖ: (867) 934-4050
ᖃᕆᓴᐅᔭᒃᑯᑦ ᑐᕌᕈᑖ: paulquassa [at] aggumla [dot] ca

ᐸᐅᓕ ᖁᐊᓴ ᓂᕈᐊᖅᑕᐅᒃᑲᓐᓂᓚᐅᖅᑐᖅ ᐊᒃᑑᐸ 30, 2017−ᒥ, ᑭᒡᒐᖅᑐᐃᔨᐅᓂᐊᖅᖢᓂ ᐊᒡᒍᕐᒥᒃ ᓄᓇᕗᒻᒥ ᑕᓪᓕᒪᖓᓐᓂ ᒪᓕᒐᓕᐅᖅᑎᓂ. ᒥᔅᑐ ᖁᐊᓴ ᓂᕈᐊᖅᑕᐅᓚᐅᖅᑐᖅ ᓄᓇᕗᒥ ᑎᓴᒪᒋᔭᐅᓗᓂ ᓯᕗᓕᖅᑎᐅᓂᐊᕐᓗᓂ ᓅᕖᕝᕙ 17, 2017−ᒥ ᓄᓇᕗᒥ ᓯᕗᓕᖅᑎᒃᓴᓂᑦ ᑲᑎᒪᐅᑎᖃᖅᑎᓪᓗᒋᑦ. ᓯᕗᓕᖅᑎ ᖁᐊᓴ ᑲᑎᒪᓂᕐᒥ ᐊᖏᖅᑎᑕᐅᓚᐅᖅᑐᖅ ᓅᕖᕝᕙ 21, 2017−ᒥ. ᒥᓂᔅᑕᕆᔭᐅᖕᒥᔪᖅ ᒐᕙᒪᓕᕆᔨᒃᑯᓐᓄᑦ, ᒥᓂᔅᑕᐅᒋ ᓗᓂ ᓄᓇᖃᖅᑳᖅᓯᒪᔪᓕᕆᓂᕐᒧᑦ ᐊᒻᒪ ᒥᓂᔅᑕᐅᓪᓗᓂ ᑲᒪᔪᒃᓴᓐᖑᖅᑎᑕᐅᓯᒪᔪᖅ ᐆᒻᒪᖅᑯᑏᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᓐᓄᑦ.

ᒥᔅᑐ ᖁᐊᓴ ᑎᓴᒪᖓᓐᓂ ᒪᓕᒐᓕᐅᑎᓂ ᒪᓕᒐᓕᐅᖅᑎᐅᖃᑕᐅᓪᓗᓂ ᐃᒃᓯᕚᖃᑕᐅᓚᐅᖅᑐᖅ, ᑕᐃᔅᓱᒪᓂᐅᑎᓪᓗᒍᓗ ᒐᕙᒪᒃᑯᑦ ᒪᓕᒪᒐᓕᐅᕐᕕᖕᒥ ᓯᕗᒃᑲᖅᑕᖅᑎᒋᔭᐅᓚᐅᖅᖢᓂ, ᐃᓕᓐᓂᐊᕐᓂᓕᕆᓂᕐᒧᑦ ᒥᓂᔅᑕᐅᓪᓗᓂ ᐊᒻᒪ ᒥᓂᔅᑕᐅᓪᓗᓂ ᑲᒪᔨᐅᓚᐅᖅᑐᖅ ᓄᓇᕗᑦ ᓯᓚᑦᑐᖅᓴᕐᕕᐊᓂᒃ.

ᒥᔅᑐ ᖁᐊᓴ ᐊᑕᐅᓯᐅᓐᖏᑦᑐᓂᒃ ᐱᓕᕆᐊᖃᖃᑦᑕᖅᓯᒪᔪᖅ ᐃᖅᑲᓇᐃᔭᕈᓐᓇᖅᓯᓚᐅᖅᓯᒪᒐᒥ. 1980 ᐊᑐᖅᑎᓪᓗᒋᑦ, ᒥᔅᑐ ᖁᐊᓴ ᑭᒡᒐᖅᑐᐃᔨᐅᓚᐅᖅᓯᒪᔪᖅ ᓄᓇᕗᑦ ᑐᓐᖓᕕᒃᑯᓐᓂ ᓄᓇᑖᕋᓱᖕᓂᖅ ᐋᔩᕈᑕᐅᑎᓪᓗᒍ ᑲᓇᑕᐅᑉ ᒐᕙᒪᒃᑯᖏᓐᓄᑦ. ᑕᒪᓐᓇ ᐱᕙᓪᓕᐊᓂᖓ ᒪᓕᒃᖢᒍ, 1993−ᒥ ᐊᑎᓕᐅᖅᑕᐅᓕᓚᐅᖅᓯᒪᔪᖅ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑏᑦ. ᒥᔅᑐ ᖁᐊᓴ ᐊᖏᕈᒻᒥᒃ ᐊᑎᓕᐅᖃᑕᐅᓚᐅᖅᓯᒪᔪᖅ ᐊᖓᔪᖅᑳᕆᔭᐅᓂᓂ ᓄᓇᕗᑦ ᑐᓐᖓᕕᒃᑯᑦ ᒪᓕᒃᖢᒍ. ᒥᔅᑐ ᖁᐊᓴ ᓄᓇᕗᑦ ᑐᓐᖓᕕᒃᑯᓐᓄᑦ ᐊᖓᔪᖅᑳᖑᓚᐅᖅᓯᒪᔪᖅ 2000−ᒥᑦ 2002−ᒧᑦ ᑎᑭᖢᒍ, ᐊᒻᒪ ᑭᒡᒐᖅᑐᐃᔨᐅᓚᐅᖅᓯᒪᓪᓗᓂ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ ᒫᓐᓇᕈᓘᓚᐅᖅᑐᖅ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐃᑲᔫᓯᐊᕐᓂᐊᕐᓂᖏᓐᓄᓪᓗ ᐊᖏᕈᑏᑦ ᐋᔩᕈᑕᐅᑎᓪᓗᒋᑦ ᐅᔭᕋᖕᓂᐊᕐᓂᓕᕆᓂᖅ ᓄᓘᔮᖕᓂ ᐱᔾᔪᑕᐅᑎᓪᓗᒍ.

ᐊᓯᖏᑦ ᐃᓕᓯᒪᕝᕕᒋᓯᒪᓂᖏᑦ ᓂᕈᐊᖅᑕᐅᓯᒪᓪᓗᓂ ᐃᓚᖃᖅᐳᖅ ᐃᒡᓗᓕᖕᒥᐅᓄᑦ ᒪᐃᔭᐅᓂᖅ ᐊᒻᒪ ᐊᖓᔪᖅᑳᖑᓂᖅ ᓄᓇᕗᒻᒥ ᓄᓇᓖᑦ ᑲᑐᔾᔨᖃᑎᒌᖏᓐᓄᑦ.

ᒥᔅᑐ ᖁᐊᓴ ᐃᖅᑲᓇᐃᔮᖃᖃᑦᑕᖅᓯᒪᖕᒥᔪᖅ ᐊᖓᔪᖅᑲᐅᑕᐅᓂᕐᓂᒃ ᐃᓄᐃᑦ ᑕᑯᓐᓇᒐᒃᓴᓕᕆᔨᒃᑯᓐᓄᑦ, ᐃᒡᓗᓕᖕᒥ ᐃᓱᒪ ᐊᔾᔨᓕᐅᕆᔩᑦ, ᓄᓇᕗᒻᒥ ᑕᕐᕆᔮᒃᓴᓕᐅᕐᓂᕐᒧᑦ ᑯᐊᐳᕇᓴᓐ, ᓰᐲᓰ ᐅᑭᐅᖅᑕᖅᑐᖅ ᐊᒻᒪ ᐊᔾᔩᑦ ᑐᓴᐅᒪᔾᔪᑎᓕᕆᔨᒃᑯᑦ ᑲᑐᔾᔨᖃᑎᒌᖏᑦ.

ᒪᓕᒐᓕᐅᕐᕕᖕᒧᑦ ᓂᕈᐊᖅᑕᐅᓚᐅᓐᖏᓐᓂᕐᒥᓂ, ᒥᔅᑐ ᖁᐊᓴ ᐃᒃᓯᕙᐅᑕᐅᓯᒪᔪᖅ ᓄᓇᕗᒻᒥ ᐸᕐᓇᐃᔩᑦ ᑲᒥᓴᖏᓐᓄᑦ, ᒐᕙᒪᒃᑯᓐᓄᑦ ᑎᒥᓐᖑᖅᑎᑕᐅᓯᒪᔪᖅ ᓴᖅᑭᑕᕕᓂᖅ ᐊᑐᖅᖢᒍ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑏᑦ. ᒥᔅᑐ ᖁᐊᓴ ᑲᑎᒪᔨᐅᖃᑕᐅᖃᑦᑕᖅᓯᒪᔪᖅ ᓄᓇᕗᒻᒥ ᐱᓯᓂᓯᓄᑦ ᐊᑐᖅᑐᐊᕐᕕᒃᑯᓐᓄᑦ ᐊᒻᒪ ᓄᓇᕗᒻᒥ ᐊᑐᓕᖅᑎᑦᑎᕙᓪᓕᐊᓂᕐᒧᑦ ᐃᓕᓐᓂᐊᕐᓃᑦ ᑲᑎᒪᔨᕋᓛᖏᓐᓄᑦ.

ᒥᔅᑐ ᖁᐊᓴ ᐃᓚᐅᓯᒪᖕᒥᔪᖅ ᐅᖃᓪᓚᒃᑎᐅᖃᑦᑕᖅᓯᒪᓪᓗᓂᓗ ᐊᑕᐅᓯᐅᓐᖏᑦᑐᓄᑦ ᐃᓕᓐᓂᐊᕐᓂᓕᕆᓂᕐᒧᑦ ᑲᑎᒪᕐᔪᐊᕐᓂᕐᓂ ᐊᒻᒪ ᐱᕙᓪᓕᐊᑎᑕᐅᔪᓂ.

ᐸᐅᓕ ᐊᒻᒪ ᐃᓕᓴᐱ ᖁᐊᓴ ᐱᖓᓲᔪᖅᑐᓂᒃ ᕿᑐᕐᖓᓖᒃ. ᒥᔅᑐ ᖁᐊᓴᐅᑉ ᖁᕕᐊᒋᔭᖏᑦ ᐃᓚᖃᖅᐳᑦ ᐊᖑᓇᓱᖕᓂᕐᒥᒃ, ᐃᖃᓪᓕᐊᕐᓂᕐᒥᒃ ᐊᒻᒪ ᓂᔾᔭᐅᓯᔭᕐᓂᕐᒥᒃ.