ᐋᓚᓐ ᕋᒻᐴᓪᑦ

ᐅᐱᓐᓇᖅᑐᖅ: 
ᑕᓯᐅᔭᕐᔪᐊᕐᒃ
Legislative Office: 

ᐅᖄᓚᐅᑖ: (867) 975-5032
ᓱᒃᑲᔪᒃᑰᕈᑖ: (867) 975-5113
ᖃᕆᓴᐅᔭᒃᑯᑦ ᑐᕌᕈᑖ: arumbolt [at] assembly [dot] nu [dot] ca

ᓂᕈᐊᖅᑕᐅᕕᐊᓂ ᑎᑎᕋᕐᕕᐊ: 

ᐅᖄᓚᐅᑖ: (867) 266-8518
ᓱᒃᑲᔪᒃᑰᕈᑖ: (867) 266-8315
ᖃᕆᓴᐅᔭᒃᑯᑦ ᑐᕌᕈᑖ: allanrumbolt [at] hudsonbaymla [dot] ca

ᐋᓚᓐ ᕋᒻᐴᓪᑦ ᓂᕈᐊᖅᑕᐅᒃᑲᓐᓂᓚᐅᖅᑐᖅ ᓂᕈᐊᕕᔾᔪᐊᖅᑎᓪᓗᒋᑦ ᐅᑐᐱᕆ 30, 2017-ᒥ, ᑭᒡᒐᖅᑐᐃᓪᓗᓂ ᑕᓯᐅᔭᕐᔪᐊᑦ ᓂᕈᐊᖅᑕᐅᓯᒪᕕᖓᓂ ᑕᕝᕙᓂ ᑕᓪᓕᒪᖏᓐᓂ ᒪᓕᒐᓕᐅᖅᑎᓂ ᓄᓇᕗᒻᒥ. ᑖᓐᓇ ᓂᕈᐊᖅᑕᐅᓯᒪᕕᒃ ᐱᖃᓯᐅᔾᔨᕗᖅ ᓴᓂᑭᓗᐊᕐᒥᒃ.

ᑕᓪᓕᒪᖓᓐᓂ ᒪᓕᒐᓕᐅᖅᑏᑦ ᓯᕗᓪᓕᖅᐹᒥᒃ ᑲᑎᒪᕐᔪᐊᕐᓂᖃᖅᑎᓪᓗᒋᑦ ᓄᕕᐱᕆ 21, 2017−ᒥ, ᒥᔅᑐ ᕋᒻᐴᓪᑦ ᑎᒃᑯᐊᖅᑕᐅᓚᐅᖅᑐᖅ ᐃᒃᓯᕙᐅᑕᐅᖃᑕᐅᓂᐊᕐᓂᕐᒧᑦ ᑲᑎᒪᑐᐃᓐᓇᖅᑎᓪᓗᒋᑦ. ᒥᔅᑕ ᕋᒻᐴᓪᑦ ᐃᒃᓯᕚᖃᑕᐅᕋᑖᓚᐅᖅᐳᖅ ᐱᖓᔪᖏᓐᓂ ᑎᓴᒪᖏᓐᓂᓗ ᒪᓕᒐᓕᐅᖅᑎᓂ. ᒥᔅᑕ ᕋᒻᐴᓪᑦ ᐃᒃᓯᕙᐅᑕᐅᖃᑕᐅᓚᐅᖅᐳᖅ ᒪᓕᒐᓕᐅᕐᕕᖕᒥ ᒐᕙᒪᒃᑯᑦ ᑮᓇᐅᔭᖅᑐᕈᑎᖏᓐᓂ ᐊᐅᓚᓂᖏᓐᓄᓪᓗ ᑲᑎᒪᔨᕋᓛᖏᓐᓂ ᐊᒻᒪ ᑲᑎᒪᔨᐅᖃᑕᐅᓪᓗᓂ ᑲᑎᒪᔨᓕᕆᔨᒃᑯᑦ ᑲᑎᒪᔨᖏᓐᓂ.

ᒥᔅᑕ ᕋᒻᐴᓪᑦ ᐅᑭᐅᖅᑕᖅᑐᒧᑦ ᓅᑉᐹᓪᓗᓚᐅᖅᓯᒪᔪᖅ ᐃᖅᑲᓇᐃᔭᖅᑎᐅᓪᓗᓂ ᓂᐅᕕᖅᑎᒃᑯᓐᓄᑦ. ᑕᐃᑲᓂ ᐃᖅᑲᓇᐃᔭᖅᖢᓂ, ᖃᔅᓯᑲᓪᓚᖕᓂ ᓄᓇᕗᒻᒥ ᓄᓇᓕᖕᓂ ᐃᖅᑲᓇᐃᔭᕐᕕᖃᕐᓂᑯ. ᓴᓂᑭᓗᐊᕐᒧᑦ ᐅᓂᓚᐅᕐᖢᓂ, ᒥᔅᑕ ᕋᒻᐴᓪᑦ ᖃᔅᓯᑲᓪᓚᖕᓄᑦ ᓂᕈᐊᖅᑕᐅᓯᒪᖃᑦᑕᓚᐅᖅᐳᖅ ᕼᐊᒪᓚᒃᑯᑦ ᑲᑎᒪᔨᖏᓐᓄᑦ ᐊᒻᒪᓗ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓄᑦ. ᒥᔅᑕ ᕋᒻᐴᓪᑦ ᐃᖅᑲᓇᐃᔭᖅᓯᒪᓂᖏᑦ ᐃᓚᖃᖅᐳᑦ ᓴᓂᑭᓗᐊᕐᒥ ᕼᐊᒪᓚᒃᑯᓐᓄᑦ ᐊᒻᒪ ᓴᓂᑭᓗᐊᕐᒥ ᐃᒡᓗᓕᕆᔨᒃᑯᓐᓄᑦ.

ᒥᔅᑕ ᕋᒻᐴᓪᑦ ᒪᕐᕉᖕᓂᒃ ᕿᑐᕐᖓᓕᒃ: ᒐᐅᕆ ᐊᒻᒪ ᐹᓚ. ᒥᔅᑕ ᕋᒻᐴᓪᑦ ᓇᖕᒥᓂᖅ ᐱᐅᒃᓴᖅᐳᖅ ᐊᖑᓇᓱᖕᓂᕐᒥᒃ, ᐃᖃᓗᒐᓱᖕᓂᕐᒥᒃ ᐊᒻᒪ ᓯᓚᒦᓐᓂᕐᒥᒃ. ᐊᑭᓕᖅᓱᖅᑕᐅᓇᓂ ᐱᓕᕆᖃᑕᐅᒐᔪᒃᑐᖅ ᐸᖅᓴᐃᔨᒃᑯᑦ ᑲᑎᒪᔨᕋᓛᖏᓐᓂ. ᐋᓪᓚᓐ ᐊᐃᑉᐸᖓ, ᒪᐃᓇ, ᓴᓂᑭᓗᐊᕐᒥᐅᑕᑐᖃᖅ ᐃᓅᓯᓕᒫᕐᒥᓂ.