ᐋᑕᒻ ᐋᕆᐊᒃ ᓚᐃᑦᓯᑑᓐ

ᐅᐱᓐᓇᖅᑐᖅ: 
ᐃᖃᓗᐃᑦ−ᒪᓂᕋᔭᒃ
Legislative Office: 

ᐅᖄᓚᐅᑖ: (867) 975-5135
ᓱᒃᑲᔪᒃᑰᕈᑖ: (867) 975-5137
ᖃᕆᓴᐅᔭᒃᑯᑦ ᑐᕌᕈᑖ: alightstone [at] assembly [dot] nu [dot] ca

ᓂᕈᐊᖅᑕᐅᕕᐊᓂ ᑎᑎᕋᕐᕕᐊ: 

ᐅᖄᓚᐅᑖ: TBD
ᓱᒃᑲᔪᒃᑰᕈᑖ: TBD
ᖃᕆᓴᐅᔭᒃᑯᑦ ᑐᕌᕈᑖ: adamarreaklightstone [at] manirajakmla [dot] ca

ᐋᑕᒻ ᐋᕆᐊᒃ ᓚᐃᑦᓯᑑᓐ ᓂᕈᐊᖅᑕᐅᓚᐅᖅᑐᖅ ᓂᕈᐊᕕᒡᔪᐊᖅᑎᓪᓗᒋᑦ ᐊᒃᑑᕙ 30, 2017-ᖑᑎᓪᓗᒍ, ᑭᒡᒐᖅᑐᐃᓂᐊᕐᓗᓂ ᓂᕈᐊᖅᑕᐅᒪᕕᖓᓐᓂᒃ ᐃᖃᓗᐃᑦ ᒪᓂᕋᔭᒃ ᓂᕈᐊᖅᑕᐅᓚᐅᖅᑐᖅ ᑕᓪᓕᒪᖓᓐᓂ ᒪᓕᒐᓕᐅᖅᑏᑦ ᑲᑎᒪᔨᖏᓐᓄᑦ ᓄᓇᕗᒥ.

ᑕᓪᓕᒪᖓᓐᓂ ᒪᓕᒐᓕᐅᖅᑏᑦ ᓯᕗᓪᓕᖅᐹᖓᓂ ᑲᑎᒪᕐᔪᐊᕐᓂᖃᖅᑎᓪᓗᒋᑦ, ᒥᔅᓱ ᓚᐃᑦᓯᑑᓐ ᑎᒃᑯᐊᖅᑕᐅᓚᐅᖅᑐᖅ ᑲᑎᒪᔨᓕᕆᔨᒃᑯᑦ ᑲᑎᒪᔨᖏᓐᓄᑦ. ᐃᓕᓐᓂᐊᕐᓂᕐᒥᓂᒃ ᐱᔭᕇᖅᓯᒐᒥ ᐃᖃᓗᐃᑦ ᐃᓄᒃᓱᒃ ᐃᓕᓐᓂᐊᕐᕕᖓᓂ, ᒥᔅᑕ ᓚᐃᑦᓯᑑᓐ ᐃᓕᓐᓂᐊᕇᓚᐅᖅᓯᒪᔪᖅ ᑮᓇᐅᔭᓕᕆᓂᕐᒧᑦ ᐃᓕᓐᓂᐊᕐᓂᕐᒥᓂᒃ ᓯᓚᑦᑐᓴᕐᕕᒡᔪᐊᖓᓂ St. Lawence ᐊᒻᒪᓗ ᐱᔭᕇᖅᓯᓪᓗᓂ ᐃᓕᓴᕆᔭᐅᔾᔪᑎᑖᕐᖢᓂ Bachelor of Business Adminstration ᑮᓇᐅᔭᓕᕆᔨᐅᓂᕐᒧᑦ ᐃᓕᓐᓂᐊᕐᖢᓂ ᓯᓚᑦᑐᓴᕐᕕᒡᔪᐊᖓᓂ Laurentian University.

ᓯᕗᕐᖓᒍᑦ ᓂᕈᐊᖅᑕᐅᓚᐅᖅᑳᕋᓂ, ᒥᔅᑕ ᓚᐃᑦᓯᑑᓐ ᐃᖅᑲᓇᐃᔭᓚᐅᖅᑐᖅ ᐊᖓᔪᖅᑳᖑᓪᓗᓂ ᐊᕐᕌᒍᒧᑦ ᑮᓇᐅᔭᓕᕆᓂᕐᒧᑦ ᐅᖃᐅᔾᔨᒋᐊᖅᑎᐅᓪᓗᓂ ᑮᓇᐅᔭᐃᑦ ᐊᑭᓕᐅᑕᐅᕙᓪᓕᐊᔪᑦ ᐱᓕᕆᕕᖓᓐᓂ ᓄᓇᕗᑦ ᒐᕙᒪᒃᑯᖏᓐᓂ ᐱᓕᕆᕕᖓᓐᓂ ᑮᓇᐅᔭᓕᕆᔨᒃᑯᑦ.

ᒥᔅᑕ ᓚᐃᑦᓯᑑᓐ ᐱᓕᕆᖃᑦᑕᖅᓯᒪᔪᖅ ᓄᓇᓕᖕᓂ ᐊᑭᓕᖅᓱᖅᑕᐅᒐᓂ ᐅᑯᓇᓂ ᐊᓕᐊᓇᐃᑦ ᖁᕕᖓᓱᒍᑕᐅᑎᓪᓗᒍ, ᐊᒻᒪ ᖃᔪᖅᑐᕐᕕᖕᒥ ᓂᕿᓕᕆᕕᖓᓂ ᐊᒻᒪᓗ ᐃᖃᓗᖕᓂ ᐆᒪᔪᓂᒃ ᑲᒪᔨᐅᔪᑦ ᑲᑐᔾᔨᖃᑎᒌᖏᓐᓂ. ᑲᑎᒪᔨᐅᖃᑦᑕᐅᓚᐅᖅᑐᖅ ᐃᖃᓗᖕᓂ ᐱᕈᖅᓰᕕᖃᖅᑐᑦ ᑲᑐᔾᔨᖃᑎᒌᖏᓐᓄᑦ ᐊᒻᒪᓗ ᑎᑎᕋᖅᑎᐅᓚᐅᖅᑐᖅ ᐃᖃᓗᖕᓂ Elks-ᑯᑦ ᑲᑐᔾᔨᖃᑎᑐᒌᖏᓐᓄᑦ.

ᒥᔅᑕ ᓚᐃᑦᓯᑑᓐ ᖁᕕᐊᒋᔭᖃᖅᑐᖅ ᐊᐅᓪᓛᕐᓂᕐᒥᒃ, ᐅᖃᓕᒫᕐᓂᕐᒥᒃ ᐊᒻᒪᓗ ᐱᓐᖑᐊᕈᑎᓂᒃ ᐸᕐᓇᒋᐊᓕᖕᓂᒃ ᖁᕕᐊᒋᔭᓕᒃ.

ᐋᑕᒻ ᓚᐃᑦᓯᑑᓐ ᐊᒻᒪ ᕼᐃᓗᕆ ᐳᓐᔅ ᐅᐱᒍᓱᑦᑎᐊᕐᖢᑎᒃ ᕿᑐᕐᖓᖃᖅᑑᒃ ᐊᐃᑕᓐ ᐅᑲᓕᐊᐃᓐᓄᒃ ᓚᐃᑦᓯᑑᓐᒥᒃ.