 |
|
|
ᐅᐸᒍᓐᓇᖅᑕᑎᑦ | ᐊᖏᕋᖅ | Inuinnaqtun| English | Français |
|
 |
|
| ᒪᓕᒐᓕᐅᖅᑎᑦ |
ᑕᒑᖅ ᑰᓕ ᐃᓅᓚᐅᖅᓯᒪᔪᖅ ᓄᓇᓕᕋᓛᕐᒥ ᓴᓪᓕᕐᒥ, ᓄᓇᕗᑦ. ᑕᒑᖅ ᓴᖅᑭᑦᑎᕐᖓᓚᐅᖅᓯᒪᔪᖅ ᓯᕗᓪᓕᖅᐹᖑᓪᓗᓂᓗ ᐊᖓᔪᖅᑳᕆᔭᐅᓚᐅᖅᓯᒪᓪᓗᓂ ᐃᓄᐃᑦ ᑕᐱᕆᒃᓴᒃᑯᓐᓄᑦ ᑲᓇᑕᒥ. ᓄᓇᑦᓯᐊᕐᒥ ᒪᓕᒐᓕᐅᖅᑎᐅᓚᐅᖅᓯᒪᔪᖅ 1979-ᒥᑦ 1987-ᒧᑦ. ᑕᐃᒃᑯᓇᓂ ᒪᓕᒐᓕᐅᖅᑎᐅᓪᓗᓂ, ᐊᑕᐅᓯᐅᓐᖏᑦᑐᓂ ᒥᓂᔅᑕᖃᕐᕕᖃᓚᐅᖅᓯᒪᔪᖅ, ᐃᓚᓕᐅᖢᒍ ᐱᕙᓪᓕᐊᔪᓕᕆᔨᒃᑯᓐᓄᑦ ᒥᓂᔅᑕᕆᔭᐅᖃᑕᐅᓪᓗᓂ. ᒥᔅᑐ ᑰᓕ ᐊᑕᐅᓯᐅᓐᖏᑦᑐᓂ ᐃᖅᑲᓇᐃᔮᖃᖃᑦᑕᖅᓯᒪᖕᒥᔪᖅ ᓇᖕᒥᓂᖅ ᐱᓯᓂᓯᕆᔭᐅᔪᓂ, ᐃᓚᓕᐅᖢᒍ ᐊᖓᔪᖅᑳᕆᔭᐅᓚᐅᖅᓯᒪᓪᓗᓂ ᓄᓇᕗᒻᒥ ᐃᒡᓗᓕᐅᖅᑏᑦ ᑯᐊᐳᕇᓴᖏᓐᓄᑦ. ᕕᕗᐊᕆ 2004-ᒥ ᓄᓇᕗᒻᒥ ᓂᕈᐊᕐᓂᕐᔪᐊᖅᑕᖃᖅᑎᓪᓗᒍ, ᒥᔅᑐ ᑰᓕ ᐃᓕᑲᐅᑎᒋᓚᐅᖅᓯᒪᔪᖅ ᑭᒡᒐᖅᑐᐃᓂᐊᖅᖢᓂ ᑲᖏᖅᖠᓂᐅᑉ ᐅᐊᖕᓇᖓᓂᒃ ᑐᒡᓕᐊᓂ ᒪᓕᒐᓕᐅᖅᑎᓂ. ᐃᓕᑲᐅᑎᒋᒃᑲᓐᓂᓚᐅᕐᒥᔪᖅ ᐊᒃᑑᐸ 2008-ᒥ ᓂᕈᐊᕐᓂᕐᔪᐊᖅᑕᖃᓕᕐᒥᖕᒪᑦ. ᓄᓇᕗᒻᒥ ᑐᒡᓕᐊᓂ ᒪᓕᒐᓕᐅᖅᑏᑦ ᐃᒃᓯᕚᖅᑎᓪᓗᒋᑦ, ᒥᔅᑐ ᑰᓕ ᐃᒃᓯᕙᐅᑕᕆᔭᐅᓚᐅᖅᑐᖅ ᐱᖁᑎᕐᔪᐊᓕᕆᓂᕐᒧᑦ, ᐃᒡᓗᓕᕆᓂᖅ ᐊᒻᒪᓗ ᐱᕙᓪᓕᐊᔪᓕᕆᓂᕐᒧᑦ ᑲᑎᒪᔨᕋᓛᖏᓐᓄᑦ. ᑲᑎᒪᔨᐅᖃᑕᐅᓚᐅᕐᒥᔪᖅ ᒐᕙᒪᒃᑯᑦ ᐊᐅᓚᓂᖏᓐᓄᑦ ᓵᑕᒃᓴᐅᓂᖏᓐᓄᓪᓗ ᑲᑎᒪᔨᕋᓛᖏᓐᓄᑦ, ᒪᓕᒐᐃᑦ, ᐱᕙᓪᓕᐊᔾᔪᓰᑦ ᐊᒻᒪᓗ ᐱᔪᓐᓇᐅᑎᓕᕆᓂᕐᒧᑦ ᑲᑎᒪᔨᕋᓛᓄᑦ ᐊᒻᒪᓗ ᑲᑎᒪᔨᓕᕆᔨᒃᑯᑦ ᑲᑎᒪᔨᖏᓐᓄᑦ. 1998-ᖑᑎᓪᓗᒍ, ᒥᔅᑐ ᑰᓕ ᐃᓕᓴᕆᔭᐅᔾᔪᑎᑖᓚᐅᖅᓯᒪᔪᖅ ᓄᓇᖃᖅᑳᖅᓯᒪᔪᑦ ᐃᓅᓯᓕᒫᕐᒥᓂ ᐃᑲᔪᕋᓱᐃᓐᓇᕐᓂᖓᓄᑦ ᐱᓯᓂᓯᖃᖅᑎᐅᔪᓂᒃ. ᐊᒃᑑᐸ 24, 2003-ᒥ, ᒥᔅᑐ ᑰᓕ ᑲᓇᑕᒥ ᖁᑦᑎᖕᓂᖅᐹᒥᒃ ᐃᓕᓴᕆᔭᐅᔾᔪᑎᑖᓚᐅᖅᓯᒪᖕᒥᔪᖅ. |
ᓄᓇᕗᑦ ᒪᓕᒐᓕᐅᕐᕕᖓ |
|
