 |
|
|
ᐅᐸᒍᓐᓇᖅᑕᑎᑦ | ᐊᖏᕋᖅ | Inuinnaqtun| English | Français |
|
 |
ᕌᓐ ᐃᓕᐊᑦ ᒪᓕᒐᓕᐅᖅᑎ ᖁᑦᑎᒃᑐᕐᒧᑦ |
| ᒪᓕᒐᓕᐅᖅᑎᑦ |
ᕌᓐ ᐃᓕᐊᑦ ᓂᕈᐊᖅᑕᐅᓚᐅᖅᑐᖅ ᐊᒃᑑᐸ 27, 2008-ᒥ, ᑭᒡᒐᖅᑐᐃᓂᐊᖅᖢᓂ ᖁᑦᑎᒃᑐᕐᒥᐅᓂᒃ ᐱᖓᔪᒋᓕᖅᑕᖏᓐᓂ ᓄᓇᕗᑦ ᒪᓕᒐᓕᐅᖅᑎᖏᓐᓂ. ᓄᓇᓕᖁᑎᖏᑦ ᐃᒃᐱᐊᕐᔪᒃ, ᖃᐅᓱᐃᑦᑐᖅ ᐊᒻᒪᓗ ᐊᐅᓱᐃᑦᑐᖅ. ᒪᓕᒐᓕᐅᖅᑎᐅᓂᕐᒧᑦ ᓂᕈᐊᖅᑕᐅᓚᐅᕋᓂ, ᕌᓐ ᐃᓐᓇᕐᓄᑦ ᐃᓕᓴᐃᔨᒋᔭᐅᓚᐅᖅᑐᖅ ᓄᓇᕗᑦ ᓯᓚᑦᑐᖅᓴᕐᕕᐊᓂ ᐊᕐᕌᒍᓄᑦ ᐱᖓᓲᔪᖅᑐᓄᑦ. ᐃᒃᐱᐊᕐᔪᖕᒥ ᑲᓇᑕᒥ ᐃᖅᑲᓇᐃᔮᒃᓴᓕᕆᔨᒃᑯᓐᓄᑦ ᓄᓇᕗᒻᒥᐅᑕᕐᓂᒃ ᑭᒡᒐᖅᑐᐃᓪᓗᓂ ᐊᑯᓐᓂᖅᓱᖅᑎᒋᔭᐅᓚᐅᖅᓯᒪᖕᒥᔪᖅ. ᕌᓐ ᐃᓕᐊᑦ ᐃᒃᐱᐊᕐᔪᖕᒥ ᐃᓅᔭᐅᑉ ᐃᓕᓐᓂᐊᕐᕕᖓᓂ ᐃᓕᓴᐃᔨᐅᓚᐅᖅᑐᖅ ᖁᓕᓄᑦ ᐊᕐᕌᒍᓄᑦ. ᕌᓐ ᐃᓕᐊᑦ ᐊᑕᐅᓯᐅᓐᖏᑦᑐᓂᒃ ᐃᖅᑲᓇᐃᔮᖃᖃᑦᑕᖅᓯᒪᔪᖅ ᒐᕙᒪᒃᑯᓐᓂ ᐊᒻᒪᓗ ᓇᖕᒥᓂᕆᔭᐅᔪᓂ ᐱᓯᓂᓯᓂ. ᓄᓇᕗᒻᒥ ᒪᒃᑯᒃᑐᓄᑦ ᖃᐅᔨᒪᔨᑕᕆᔭᐅᔪᓄᑦ ᐃᒃᓯᕙᐅᑕᐅᓚᐅᖅᑐᖅ. ᕌᓐ ᐃᓕᐊᑦ ᐃᓚᐅᖃᑦᑕᕐᒥᔪᖅ ᐅᓇᑕᖅᑐᒃᓴᓐᖑᐊᑦ ᑲᑐᔾᔨᖃᑎᒌᖏᓐᓄᑦ. ᑲᑎᒪᔨᐅᖃᑕᐅᓚᐅᖅᓯᒪᖕᒥᔪᖅ ᐃᒃᐱᐊᕐᔫ ᐃᓕᓐᓂᐊᖅᑐᓕᕆᔨᖏᑦᑕ ᑲᑎᒪᔨᖏᓐᓄᑦ. ᕌᓐ ᐃᒃᐱᐊᕐᔪᖕᒥ ᒪᒃᑯᒃᑐᑦ ᑲᑎᒪᔨᕋᓛᖏᓐᓄᑦ ᐃᓚᐅᓂᖃᓪᓚᕆᖃᑦᑕᖅᓯᒪᔪᖅ. ᕌᓐ ᐃᓕᐊᑦ ᐃᓅᓚᐅᖅᓯᒪᔪᖅ ᐳᕌᓐᕗᑦ, ᐊᓐᑎᐅᕆᔪᒥ, ᕼᐋᑭᖅᑎᓪᓚᕆᐊᓘᑉ ᕙᐃᓐ ᒍᕆᑦᓯᑭᐅᑉ ᐊᖏᕐᕋᖓᓂ. ᖁᕕᐊᒋᔭᖃᖅᑐᖅ ᐊᔾᔨᓕᐅᕆᖃᑦᑕᕐᓂᕐᒥᒃ, ᓄᓇᑐᐃᓐᓇᕐᒥ ᐊᐅᓪᓚᖅᓯᒪᓂᕐᒥ ᐊᒻᒪᓗ ᓄᓇᓕᖕᓃᓐᖏᓚᐅᑲᖃᑦᑕᕐᓂᕐᒥᒃ. |
ᓄᓇᕗᑦ ᒪᓕᒐᓕᐅᕐᕕᖓ |
|
