 |
|
|
ᐅᐸᒍᓐᓇᖅᑕᑎᑦ | ᐊᖏᕋᖅ | Inuinnaqtun| English | Français |
|
 |
ᐅᐱᓐᓇᖅᑐᖅ ᐱᑕ ᑕᑉᑐᓇ ᐅᐱᓐᓇᖅᑐᖅ ᖁᕐᓗᖅᑐᕐᒧᑦ |
| ᒪᓕᒐᓕᐅᖅᑎᑦ |
ᐲᑕ ᑕᑉᑑᓇ ᐱᖓᔪᒋᓕᖅᑕᖏᓐᓄᑦ ᓄᓇᕗᑦ ᒪᓕᒐᓕᐅᕐᕕᐊᓄᑦ ᓂᕈᐊᖅᑕᐅᓚᐅᖅᓯᒪᔪᖅ ᐊᒃᑑᐸ 27, 2008-ᖑᑎᓪᓗᒍ. ᑭᒡᒐᖅᑐᐃᔪᖅ ᖁᕐᓗᖅᑐᕐᒥᐅᓂᒃ, ᓄᓇᕗᒻᒥ ᓄᓇᓕᖁᑎᒋᔭᐅᔪᖅ ᐱᖓᖕᓇᖓᓃᓐᓂᖅᐹᖅ. ᓄᕕᐱᕆ 19, 2008-ᖑᑎᓪᓗᒍ, ᐲᑕ ᑎᒃᑯᐊᖅᑕᐅᓚᐅᖅᓯᒪᔪᖅ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔾᔪᑎᓕᕆᔨᒃᑯᓪᓗ ᒥᓂᔅᑕᖓᑦᑕ ᐃᓂᖓᓄᑦ. ᐃᓕᔭᐅᓯᒪᖕᒥᔪᖅ ᓯᕗᓕᖅᑎᐅᑉ ᑐᖏᓕᐊᓄᑦ, ᒥᓂᔅᑕ ᑲᒪᔪᒃᓴᖅᑖᖅᑎᑕᐅᓯᒪᔪᖅ ᓄᓇᕗᒻᒥ ᐱᕙᓪᓕᐊᔪᓕᕆᓂᕐᒧᑦ ᑯᐊᐳᕇᓴᖏᓐᓄᑦ, ᒥᓂᔅᑕ ᑲᒪᔪᒃᓴᖅᑖᖅᑎᑕᐅᓯᒪᔪᖅ ᓄᓇᕗᒻᒥ ᐱᓯᓂᓯᓄᑦ ᐊᑐᖅᑐᐊᕐᕕᐅᑉ ᑯᐊᐳᕇᓴᖏᓐᓂᒃ ᐊᒻᒪᓗ ᒥᓂᔅᑕ ᐱᔭᒃᓴᖅᑖᖅᑎᑕᐅᓯᒪᔪᖅ ᐅᔭᕋᖕᓂᐊᕐᓂᓕᕆᓂᕐᒥᒃ.ᐲᑕ ᐃᖃᓗᒃᑑᑦᑎᐊᕐᒥ ᐃᓅᓚᐅᖅᓯᒪᒐᓗᐊᖅᖢᓂ ᐃᓅᓯᓕᒫᐸᓗᖕᒥᓂ ᖁᕐᓗᖅᑐᕐᒥᐅᑕᐅᔪᖅ. ᐃᓕᓐᓂᐊᕆᐊᖅᑎᑕᐅᓚᐅᖅᓯᒪᔪᖅ ᐃᓅᕕᖕᒧᑦ, ᓄᓇᑦᓯᐊᕐᒥ. ᐲᑕ ᐅᖅᓱᐊᓗᒃᓯᐅᖅᑎᓂ ᒑᓯᓯᐅᖅᑎᓂᓗ ᐃᖅᑲᓇᐃᔭᕐᓂᑯ 13-ᓄᑦ ᐊᕐᕌᒍᓄᑦ, ᐱᓗᐊᖅᖢᒍ ᑐᒃᑑᔭᖅᑑᑉ ᑕᕆᐅᖓᑕ ᐃᒪᕕᖓᓂ, ᐊᒻᒪᓗ ᓯᕗᓪᓕᖅᐹᑦᑎᐊᖑᓪᓗᓂ ᐃᓄᑐᐊᑦᑎᐊᖑᓪᓗᓂᓗ ᓂᐅᖅᑐᐃᔨᐅᖃᑕᐅᓚᐅᖅᓯᒪᓪᓗᓂ ᑕᐃᑲᓂ. ᐅᖅᓱᐊᓗᒃᓯᐅᕐᓂᖅ ᒑᓯᓯᐅᕐᓂᕐᓗ ᒪᑐᖕᒪᑦ ᐅᐊᓕᓂᕐᒥ, ᐲᑕ ᓘᐱᓐ ᐅᔭᕋᖅᓯᐅᕐᕕᖓᓂ ᐃᖅᑲᓇᐃᔭᓕᓚᐅᖅᓯᒪᔪᖅ ᖁᕐᓗᖅᑑᑉ ᓂᒋᐊᓂ, ᐃᓕᓐᓂᐊᓯᓐᓈᖅᖢᓂᓗ ᐃᖅᑲᓇᐃᔮᒥᓂᒃ ᐱᔭᕇᖅᓯᓚᐅᖅᓯᒪᓪᓗᓂ ᐅᖁᒪᐃᑦᑐᓂᒃ ᓄᓇᓯᐅᑎᓂᒃ ᐊᐅᓚᐅᓯᕆᔨᐅᓂᕐᒥᒃ, ᐸᐃᑉᐹᖅᑖᖅᖢᓂᓗ ᓴᓇᔨᓪᓚᕆᓐᖑᕈᑎᓂᒃ ᐊᒻᒪᓗ ᐊᐅᐸᖅᑐᓂᒃ ᓇᓗᓇᐃᒃᑯᑕᖅᑖᖅᖢᓂ ᓇᓂᑐᐃᓐᓇᖅ ᐃᖅᑲᓇᐃᔭᕈᓐᓇᖅᓯᓂᐊᕐᒪᑦ. ᖁᕐᓗᖅᑐᕐᒧᑦ ᐅᑎᕋᒥ, ᐲᑕ ᐃᓕᓐᓂᐊᓚᐅᖅᓯᒪᔪᖅ ᓯᓚᑦᑐᖅᓴᕐᕕᖕᒥ ᐊᒻᒪᓗ ᐸᐃᑉᐹᖅᑖᖅᖢᓂ ᐊᖓᔪᖅᑳᖑᔪᓐᓇᕐᓂᕐᒥᒃ ᐃᓕᓐᓂᐊᕌᓂᒃᑲᒥ, ᐃᓕᓐᓂᐊᓗᐊᓐᖑᐊᓚᐅᖅᖢᓂᒋᑦ ᑮᓇᐅᔭᓕᕆᓂᖅ, ᑎᒥᓐᖑᖅᑎᑕᐅᓯᒪᔪᓄᑦ ᑳᓐᑐᕌᓕᕆᓂᕐᒧᓪᓗ ᐱᖁᔭᕐᓂᒃ, ᐱᓯᓂᓯᓂᒃ ᐊᐅᓚᑦᓯᓂᕐᒥᒃ ᐊᒻᒪᓗ ᐃᖅᑲᓇᐃᔭᖅᑐᓕᕆᓂᕐᒥᒃ. 1999-ᒥᑦ 2004-ᒧᑦ ᑎᑭᖢᒍ, ᐲᑕ ᕼᐋᒻᓚᒃᑯᓐᓄᑦ ᑲᑎᒪᔨᐅᖃᑕᐅᓚᐅᖅᑐᖅ ᐊᒻᒪᓗ ᒪᐃᔭᐅᑉ ᑐᖏᓕᕆᓪᓗᓂᐅᒃ ᖁᕐᓗᖅᑐᕐᒥᐅᑦ ᕼᐋᒻᓚᒃᑯᖏᓐᓂ. ᕿᑎᕐᒥᐅᑦ ᑯᐊᐳᕇᓴᖏᓐᓄᑦ ᐊᖓᔪᖅᑳᖑᓚᐅᖅᑐᖅ ᐊᒻᒪᓗ ᐃᒃᓯᕙᐅᑕᕆᔭᐅᓚᐅᖅᖢᓂ 2000-ᒥᑦ 2008-ᒧᑦ, ᐊᒻᒪᓗ ᑲᑎᒪᔨᐅᖃᑕᐅᓯᒪᓪᓗᓂ ᓄᓇᕗᒻᒥ ᐱᕙᓪᓕᐊᔪᓕᕆᓂᕐᒧᑦ ᑯᐊᐳᕇᓴᖏᓐᓄᑦ. ᒪᓕᒐᓕᐅᖅᑎᓐᖑᓚᐅᓐᖏᓐᓂᕐᒥᓂ ᐱᖓᔪᒋᓕᖅᑕᖏᓐᓄᑦ ᓄᓇᕗᑦ ᒪᓕᒐᓕᐅᕐᕕᐊᓄᑦ, ᐲᑕ ᐃᖅᑲᓇᐃᔭᓚᐅᖅᑐᖅ ᖁᕐᓗᖅᑐᕐᒥᐅᑦ ᐊᖑᓇᓱᒃᑐᓕᕆᔨᖏᓐᓄᑦ 1999-ᒥᑦ 2008-ᒧᑦ ᑎᑭᖢᒍ. ᐲᑕ ᐊᒻᒪᓗ ᓄᓕᐊᖓ ᔫᐋᓐ, ᑲᑎᑎᑕᐅᓯᒪᓕᖅᑑᒃ ᐊᕐᕌᒍᑦ 30 ᐅᖓᑖᓄᑦ. ᑕᓪᓕᒪᓂᒃ ᕿᑐᕐᖓᓖᒃ ᐱᕈᖅᓴᖅᓯᒪᔭᒥᓂᒃ: ᔭᐃᓴᓐ, ᔨᓂᕖᕝ, ᐄᐊᓐ ᐊᒻᒪᓗ ᑎᓱᕇ. 9-ᓂᒃ ᐃᕐᖑᑕᖃᖅᑑᒃ. ᐲᑕ ᖁᕕᐊᒋᔭᖃᖅᑐᖅ ᐊᖑᓇᓱᖕᓂᕐᒥᒃ ᐊᒻᒪᓗ ᐃᓄᐃᓪᓚᒦᒋᐊᒃᓴᖅ ᑕᖕᒫᖅᓯᒪᓗᑎᒃ. |
ᓄᓇᕗᑦ ᒪᓕᒐᓕᐅᕐᕕᖓ |
|
