 |
|
|
ᐅᐸᒍᓐᓇᖅᑕᑎᑦ | ᐊᖏᕋᖅ | Inuinnaqtun| English | Français |
|
 |
|
| ᒪᓕᒐᓕᐅᖅᑎᑦ |
ᒨᓯᓯ ᐊᐅᐸᓗᒃᑐᖅ ᓂᕈᐊᖅᑕᐅᓚᐅᖅᑐᖅ ᐊᒃᑑᐸ 27, 2008-ᒥ, ᑭᒡᒐᖅᑐᐃᓂᐊᖅᖢᓂ ᖃᒪᓂᑦᑐᐊᕐᒥᒃ ᐱᖓᔪᒋᓕᖅᑕᖏᓐᓂ ᓄᓇᕗᑦ ᒪᓕᒐᓕᐅᖅᑎᖏᓐᓂ. ᒪᓕᒐᓕᐅᕐᕕᖕᒧᑦ ᓂᕈᐊᖅᑕᐅᓚᐅᓐᖏᓐᓂᕐᒥᓂ, ᒨᓯᓯ ᐊᐅᐸᓗᒃᑐᖅ ᐊᑕᐅᓯᐅᓐᖏᑦᑐᓂᒃ ᐃᖅᑲᓇᐃᔮᖃᖃᑦᑕᖅᓯᒪᔪᖅ ᒐᕙᒪᒃᑯᓐᓂ ᐊᒻᒪᓗ ᐃᒻᒥᒃᑰᖅᑐᓂ ᐱᓯᓂᓯᕆᔭᐅᔪᓂ. ᖁᕝᕙᓯᒃᑐᓂ ᐃᖅᑲᓇᐃᔮᖃᖃᑦᑕᖅᓯᒪᔪᖅ ᓄᓇᕗᒻᒥ ᐃᓄᐃᑦ ᒪᒃᑯᒃᑐᑦ ᑲᑎᒪᔨᖏᓐᓂ, ᑭᕙᓪᓕᕐᒥ ᑲᑐᔾᔨᖃᑎᒌᓂ ᐱᕙᓪᓕᐊᔪᓕᕆᔨᓂ, ᓄᓇᕐᔪᐊᕐᒥ ᐃᓄᐃᑦ ᒪᒃᑯᒃᑐᑦ ᑲᑎᒪᔨᖏᓐᓂ ᐊᒻᒪᓗ ᓄᓇᕗᒻᒥ ᐊᕕᒃᑐᖅᓯᒪᔪᓂ ᐊᐅᓚᑦᓯᔨᐅᓂᕐᒧᑦ ᖃᐅᔨᒪᔨᑕᖏᑦᑕ ᑲᑎᒪᔨᕋᓛᖏᓐᓂ. ᐸᓖᓯᒃᑯᓐᓂ ᐃᓕᓐᓂᐊᓯᓐᓈᖅᖢᓂ ᐃᖅᑲᓇᐃᔭᖃᑦᑕᖅᓯᒪᓂᑯ ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᑦᑕ ᐃᓄᓕᕆᔨᑐᖃᒃᑯᓐᓂ. ᒨᓯᓯ ᐊᐅᐸᓗᒃᑐᖅ ᐊᑭᓕᖅᓱᖅᑕᐅᓐᖏᖢᓂ ᖃᑦᑎᕆᔨᐅᓯᒪᔪᖅ ᖃᒪᓂᑦᑐᐊᕐᒥ ᐊᒻᒪᓗ ᐃᓚᒋᔭᐅᖃᑕᐅᓚᐅᖅᖢᓂ ᑐᕆᓐᑦ ᓯᓚᑦᑐᖅᓴᕐᕕᒡᔪᐊᖓᓐᓂ ᓄᓇᖃᖅᑳᖅᓯᒪᔪᑦ ᐃᓕᓴᖅᑏᑦ ᑲᑐᔾᔨᖃᑎᒌᖏᓐᓂ ᐃᓄᐃᑦ ᑲᑎᒪᔨᕋᓛᖏᓐᓄᑦ. ᒨᓯᓯ ᐊᐅᐸᓗᒃᑐᖅ ᐃᓅᓚᐅᖅᓯᒪᔪᖅ ᑰᒡᔪᐊᕌᓗᖕᒥ, ᒫᓂᑑᐸᒥ. ᒪᕐᕉᖕᓂᒃ ᕿᑐᕐᖓᓕᒃ: ᐊᐳᑎ ᐊᐅᐸᓗᒃᑐᖅ-ᑖᒃᔅᑖᑐᒥᒃ ᐊᒻᒪᓗ ᑕᐃ ᐊᐅᐸᓗᒃᑐᖅ-ᑖᒃᔅᑖᑐᒥᒃ. ᒨᓯᓯ ᐊᐅᐸᓗᒃᑐᖅ ᖁᕕᐊᒋᔭᖃᖅᑐᖅ ᐃᑦᑕᕐᓂᓴᕐᓂᒃ ᐃᓕᓐᓂᐊᕐᓂᕐᒥᒃ, ᓂᔾᔭᐅᓯᔭᕐᓂᕐᒥᒃ ᐊᒻᒪᓗ ᓄᓇᕐᔪᐊᕐᒥᒃ ᓱᕐᕋᒃᓯᒪᓐᖏᑦᑐᒥᒃ. |
ᓄᓇᕗᑦ ᒪᓕᒐᓕᐅᕐᕕᖓ |
|
