 |
|
|
ᐅᐸᒍᓐᓇᖅᑕᑎᑦ | ᐊᖏᕋᖅ | Inuinnaqtun| English | Français |
|
 |
|
| ᒪᓕᒐᓕᐅᖅᑎᑦ |
ᔭᐃᒥᓯ ᐊᕐᕚᕐᓗᒃ ᓂᕈᐊᖅᑕᐅᒃᑲᓐᓂᓚᐅᖅᓯᒪᔪᖅ ᐱᖓᔪᐊᓂ ᓄᓇᕗᑦ ᒪᓕᒐᓕᐅᕐᕕᐊᓄᑦ ᐊᒃᑑᐸ 2008-ᒥ ᓂᕈᐊᕐᓂᖅᑕᖃᖅᑎᓪᓗᒍ ᑭᒡᒐᖅᑐᐃᔨᐅᓂᐊᖅᖢᓂ ᑐᓄᓂᕐᒥᒃ. ᓂᕈᐊᖅᑕᐅᕐᖓᓚᐅᖅᓯᒪᔪᖅ ᒪᐅᓇᑐᐃᓐᓇᖅ ᓂᕈᐊᕐᓂᖅᑕᖃᖅᑎᓪᓗᒍ ᐊᒃᑑᐸ 2006-ᒥ. ᔭᐃᒥᓯ ᐊᕐᕚᕐᓗᒃ ᓂᕈᐊᖅᑕᐅᕐᖓᓚᐅᖅᓯᒪᔪᖅ ᓄᓇᑦᓯᐊᕐᒥᐅᑦ ᒪᓕᒐᓕᐅᕐᕕᐊᓄᑦ ᐊᐃᕕᓕᖕᒥᐅᓂᒃ ᑭᒡᒐᖅᑐᐃᓂᐊᖅᖢᓂ 1991-ᒥᑦ 1995-ᒧᑦ. ᑕᐃᔅᓱᒪᓂᐅᑎᓪᓗᒍ ᐃᓕᓐᓂᐊᖅᑐᓕᕆᔨᒃᑯᓐᓄᑦ ᒥᓂᔅᑕᐅᓚᐅᖅᓯᒪᔪᖅ. ᐊᕐᕚᕐᓗᒃ ᓯᕗᒃᑲᖅᑕᖅᑎᐅᖃᑦᑕᖅᓯᒪᔪᖅ ᐊᒥᓱᓂ ᑎᒥᓐᖑᖅᑎᑕᐅᓯᒪᔪᓂ, ᐃᓚᓕᐅᖢᒍ ᐊᖓᔪᖅᑳᖑᓚᐅᖅᓯᒪᓪᓗᓂ ᐊᖑᓇᓱᒃᑐᓕᕆᔨᒃᑯᓐᓄᑦ, ᓴᓪᓕᕐᒥ ᕼᐋᒻᓚᒃᑯᓐᓂ ᑲᑎᒪᔨᐅᖃᑕᐅᓚᐅᖅᓯᒪᓪᓗᓂ, ᐊᒻᒪᓗ ᐊᖓᔪᖅᑳᖑᓚᐅᖅᓯᒪᓪᓗᓂ ᐃᓄᐃᑦ ᑕᐱᕇᒃᓴᑦ ᑲᓇᑕᒥ. ᐊᕐᕚᕐᓗᒃ ᐊᓯᖏᓐᓂᒃ ᐃᖅᑲᓇᐃᔮᖃᖃᑦᑕᓚᐅᖅᓯᒪᖕᒥᔪᖅ, ᐃᓐᓇᕐᓄᑦ ᐃᓕᓴᐃᔨᐅᓪᓗᓂ, ᓰᐲᓰᒃᑯᓐᓂ ᐃᓄᒃᑎᑑᖅᑐᓄᑦ ᑐᕌᖓᔪᓂᒃ ᐋᖅᑭᒃᓱᐃᔨᐅᓚᐅᖅᓯᒪᓪᓗᓂ, ᕿᑭᖅᑖᓗᖕᒥ ᒐᕙᒪᒃᑯᑦ ᐊᖓᔪᖅᑳᖓᓐᓄᑦ ᐃᑲᔪᖅᑎᐅᓚᐅᖅᓯᒪᓪᓗᓂ, ᐃᓄᐃᑦ ᑕᐱᕇᒃᓴᑦ ᑲᓇᑕᒥ ᐃᖅᑲᓇᐃᔭᓚᐅᖅᓯᒪᓪᓗᓂ ᓄᓇᓕᕆᔨᖏᓐᓄᑦ, ᐱᕙᓪᓕᐊᔪᓕᕆᔨᐅᓚᐅᖅᓯᒪᓪᓗᓂ, ᓴᓪᓖᑦ ᕼᐋᒻᓚᒃᑯᖏᓐᓄᑦ ᑐᑭᒧᐊᒃᑎᒋᔭᐅᓚᐅᖅᓯᒪᓪᓗᓂ ᐊᔾᔨᐅᓐᖏᑦᑐᓄᑦ ᐱᓕᕆᐊᖑᔭᕆᐊᓕᖕᓄᑦ ᐊᒻᒪᓗ ᓴᓪᓕᕐᓂ ᒐᕙᒪᒃᑯᓐᓄᑦ ᑎᑎᕋᖅᑎᒋᔭᐅᓚᐅᖅᓯᒪᓪᓗᓂ. ᐊᕐᕚᕐᓗᒃ ᐃᓅᓚᐅᖅᓯᒪᔪᖅ ᐊᐅᒃᑲᕐᓂᕐᔪᐊᕐᒥ, ᐃᒡᓗᓕᐅᑉ ᖃᓂᒋᔮᓂ. ᒪᕐᕉᖕᓂᖅ ᐃᕐᓂᓕᒃ, ᐋᐸᖕᒥᒃ ᐊᒻᒪᓗ ᓄᖃᓪᓚᕐᒥᒃ. |
ᓄᓇᕗᑦ ᒪᓕᒐᓕᐅᕐᕕᖓ |
|
