 |
|
|
ᐅᐸᒍᓐᓇᖅᑕᑎᑦ | ᐊᖏᕋᖅ | Inuinnaqtun| English | Français |
|
 |
ᔭᐃᒥᓯ ᐋᕆᐊᖅ ᒪᓕᒐᓕᐅᖅᑎ ᐅᖅᑯᕐᒥᐅᓄᑦ |
| ᒪᓕᒐᓕᐅᖅᑎᑦ |
ᔭᐃᒥᓯ ᐋᕆᐊᖅ ᐃᓅᓚᐅᖅᓯᒪᔪᖅ ᐊᒃᑑᐸ 6, 1952-ᖑᑎᓪᓗᒍ ᓇᑦᑎᖅᓱᔪᕐᒥ, ᕿᑭᖅᑖᓘᑉ ᐅᐊᖕᓇᖅᐸᓯᖓᓂ. ᔭᐃᒥᓯ ᐋᕆᐊᖅ ᓂᕈᐊᖅᑕᐅᓚᐅᖅᓯᒪᔪᖅ ᓄᓇᕗᑦ ᒪᓕᒐᓕᐅᖅᑎᖏᓐᓄᑦ ᑐᒡᓕᕐᓄᑦ ᕕᕗᐊᕆ 2004-ᒥ ᓂᕈᐊᕐᓂᖅᑕᖃᖅᑎᓪᓗᒍ. ᓂᕈᐊᖅᑕᐅᒃᑲᓐᓂᓕᓚᐅᖅᓯᒪᔪᖅ ᐊᒃᑑᐸ 2008-ᒥ ᓂᕈᐊᕐᓂᖅᑕᖃᒃᑲᓐᓂᓕᕐᒪᑦ. ᔭᐃᒥᓯ ᐋᕆᐊᑉ ᑭᒡᒐᖅᑐᖅᑕᖓ ᐅᖅᑯᕐᒥᐅᑦ, ᓄᓇᓕᖁᑎᒋᓪᓗᓂᒋᑦ ᑲᖏᖅᑐᒑᐱᒃ ᐊᒻᒪᓗ ᕿᑭᖅᑕᕐᔪᐊᖅ. ᒥᔅᑐ ᐋᕆᐊᖅ ᓄᓇᑦᓯᐊᕐᒧᑦ ᒪᓕᒐᓕᐅᖅᑎᐅᓚᐅᖅᓯᒪᖕᒥᔪᖅ. ᒐᕙᒪᓕᕆᔨᐅᓐᖏᓱᖓᖅᖢᓂ, ᔭᐃᒥᓯ ᐃᖅᑲᓇᐃᔭᓚᐅᖅᓯᒪᔪᖅ ᓄᐊᑎᐊᒃᑯᓐᓄᑦ, 1970-ᖏᓐᓃᑎᓪᓗᒍ ᓄᐊᑎᐊᒃᑯᑦ ᖃᖓᑕᓲᖅᑎᓪᓗᐊᑕᐅᑎᓪᓗᒋᑦ. ᓇᖕᒥᓂᖅ ᐱᓯᓂᓯᖃᓚᐅᖅᓯᒪᖕᒥᔪᖅ 1978-ᒥᑦ 2004-ᒧᑦ ᑎᑭᖢᒍ. ᔭᐃᒥᓯ ᓂᕈᐊᖅᑕᐅᖃᑦᑕᖅᓯᒪᓂᑯ ᑲᖏᖅᑐᒑᐱᐅᑉ ᕼᐋᒻᓚᒃᑯᖏᑕ ᑲᑎᒪᔨᖏᓐᓄᑦ, ᑲᖏᖅᑐᒑᐱᐅᑉ ᑯᐊᐸᒃᑯᖏᓐᓄᑦ ᐊᒻᒪᓗ ᐋᕈᔮᒃᑯᑦ ᐱᕙᓪᓕᐊᔪᓕᕆᓂᕐᒧᑦ ᑯᐊᐳᕇᓴᖏᓐᓄᑦ. ᒪᑭᑦᑎᔨᐅᖃᑕᐅᓚᐅᖅᓯᒪᔪᖅ ᐃᒃᓯᕙᐅᑕᐅᖃᑕᐅᓪᓗᓂ ᑲᑭᕙᒃᑯᑦ ᑲᑐᔾᔨᖃᑎᒌᖏᓐᓄᑦ. ᔭᐃᒥᓯ ᐋᕆᐊᖅ ᑲᖏᖅᑐᒑᐱᖕᒥ ᒪᐃᔭᐅᓚᐅᖅᓯᒪᔪᖅ 1984-ᒥᑦ 1986-ᒧᑦ. ᓄᓇᕗᒻᒥ ᑐᒡᓕᐊᓂ ᒪᓕᒐᓕᐅᖅᑏᑦ ᒐᕙᒪᒋᔭᐅᓱᖓᖅᑎᓪᓗᒋᑦ, ᔭᐃᒥᓯ ᐋᕆᐊᖅ ᐅᖃᖅᑎᐅᑉ ᑐᖏᓕᕆᓚᐅᖅᑕᖓ ᐊᒻᒪᓗ ᐃᒃᓯᕙᐅᑕᕆᔭᐅᓚᐅᖅᖢᓂ ᑲᑎᒪᑐᐃᓐᓇᖅᑐᓂ. ᒪᓕᒐᓕᐅᕐᕕᐅᑉ ᑲᑎᒪᔨᕋᓛᖏᓐᓄᑦ, ᐱᖁᑎᕐᔪᐊᓕᕆᓂᕐᒧᑦ ᐃᒡᓗᓕᕆᓂᖅ ᐊᒻᒪ ᐱᕙᓪᓕᐊᔪᓕᕆᓂᕐᒧᑦ ᑲᑎᒪᔨᓛᖏᓐᓄᑦ ᐃᓚᒋᔭᐅᖃᑕᐅᓚᐅᖅᑐᖅ ᐊᒻᒪᓗ ᑲᑎᒪᔨᕋᓛᖑᐃᓐᓇᖅᑐᓄᑦ ᐊᔭᐅᖅᑎᓂᒃ ᐊᑎᓕᖕᓄᑦ. ᔭᐃᒥᓯ ᐋᕆᐊᖅ ᓄᓇᕗᑦ ᒪᓕᒐᓕᐅᕐᕕᐊᓄᑦ ᐅᖃᖅᑎᐅᓂᕐᒧᑦ ᐊᑭᕋᖅᑐᖅᑎᖃᓐᖏᖢᓂ ᐃᓕᔭᐅᓚᐅᖅᑐᖅ ᓄᕕᐱᕆ 2008-ᖑᑎᓪᓗᒍ. |
ᓄᓇᕗᑦ ᒪᓕᒐᓕᐅᕐᕕᖓ |
|
