 |
|
|
ᐅᐸᒍᓐᓇᖅᑕᑎᑦ | ᐊᖏᕋᖅ | Inuinnaqtun| English | Français |
|
 |
ᑲᓇᑕᒥᐅᑦ ᐃᓄᖏᑕ ᕿᒻᒥᖓ (Canis Familiaris Borealis) |
| ᒪᓕᒐᓕᐅᖅᑎᑦ |
ᓄᓇᕘᒥᐅᑕᐃᑦ ᓂᕈᐊᖅᖠᖅᓯᒪᓕᖅᑐᑦ ᑲᓇᑕᒥᐅᑦ ᐃᓄᐃᑦ ᕿᒻᒥᖓᓐᓂᒃ, ᓇᕘᓐᖑᖅᑎᑕᐅᓵᓚᐅᖅᑐᒧᑦ ᓂᕐᔪᑎᓂᑦ ᓇᓗᓇᐃᒃᑯᑕᕆᔭᐅᓂᐊᓕᖅᖢᓂ. ᑖᓐᓇ ᕿᒻᒥᖅ ᓄᓇᕐᔪᐊᓕᒫᒥ ᓂᕐᔪᑎᓂᑦ ᐊᓯᔾᔨᓚᐅᖅᓯᒪᓐᖏᑦᑐᑐᖃᐅᓂᖅᐹᖑᖃᑕᐅᔪᖅ, ᐊᒻᒪᓗ ᐃᑦᑕᕐᓂᓴᖃᕐᕕᑦ ᕿᓂᖅᕕᐅᕙᒃᑐᓂᑦ ᓇᓂᔭᕕᓂᖅᑎᒍᑦ ᓇᓗᓇᕈᓐᓃᖅᓯᒪᒋᓪᓗᓂ ᕿᒻᒦᑦ ᐅᑭᐅᖅᑕᖅᑐᒦᓯᒪᓂᑰᓕᕐᓂᖏᓐᓂᒃ ᑕᐃᒪᓐᖓᓂᑦ ᐃᓄᒃᑕᖃᓕᓚᐅᖅᓯᒪᖕᒪᑦ, ᐃᒻᒪᖄ 4,000 ᐊᕐᕌᒍᑦ ᑐᖔᓂᐅᓐᖏᑦᑐᖅ. ᕿᒻᒦᑦ ᐃᓄᖕᓄᑦ ᐊᓐᓇᐅᒪᔾᔪᑎᓪᓚᕆᐊᓘᓚ-ᐅᖅᓯᒪᔪᑦ ᑕᒪᒃᑯᐊ ᐊᕐᕌᒍᒐᓵᓗᐃᑦ ᐊᑐᖅᑎᓪᓗᒋᑦ, ᕿᒻᒥᓄᑦ ᑭᓯᐊᓂ ᐅᖓᓯᒃᑐᒧᓐᖓᐅᔪᓐᓇᖅᐸᓚᐅᖅᓯᒪᖕᒪᑕ ᐊᒻᒪᓗ ᐊᖑᓇᓱᖃᑎᑦᑎᐊᕙᐅᓚᐅᖅᓯᒪᓪᓗᑎᒃ ᕿᒻᒦᑦ, ᐱᔪᒥᒃᓱᑦᑎᐊᖅᖢᑎᒃ ᐊᒻᒪᓗ ᐊᖑᓇᓱᒍᓐᓇᑦᑎᐊᖅᖢᑎᒃ. ᑲᓇᑕᒥᐅᑦ ᐃᓄᐃᑦ ᕿᒻᒥᖓᑦ ᐅᑭᐅᖅᑕᖅᑐᒥ ᐊᒃᓱᕈᕐᓇᖅᑑᓂᖓᓄᑦ ᐃᓕᖅᑭᓯᒪᑦᑎᐊᖅᑐᑦ, ᐊᕐᕌᒍᒐ|ᓴᓗᐃᑦ ᐊᑐᕐᓂᖏᓐᓂ ᐋᕿᒃᐸᓪᓕᐊᓯᒪᒐᒥᒃ ᑕᒪᑐᒧᖓ ᐅᑭᐅᖅᑕᖅᑐᒧᑦ ᐊᓐᓇᐅᒪᔪᓐᓇᑦᑎᐊᕐᓂᐊᕋᒥ. ᕿᒻᒦᑦ ᒥᖅᑯᖏᑦ ᑐᕐᕈᔪᑦ, ᐊᒻᒪᓗ ᕿᒻᒦᑦ ᐊᖏᓗᐊᕌᓗᓐᖏᖦᖢᑎᒃ (ᐃᒻᒪᖄ 30-38 ᑭᓗᒍᕌᒻ ᐊᑯᓐᓂᖓᓂ ᐅᖁᒪᐃᓐᓂᓖᑦ) ᐆᒻᒪᕆᒃᖢᑎᒡᓗ, ᐸᒥᕐᕆᓪᓗᑎᒃ, ᓯᐅᑎᖏᓪᓗ ᒪᑭᑕᑦᑎᐊᖅᖢᑎᒃ, ᕿᒻᒦᑦ ᑎᒥᖏᑦ ᑲᓚᖏᑦ ᐊᔾᔨᒌᒃᑐᐃᓐᓇᐅᖃᑦᑕᓐᖏᑦᑐᑦ, ᕿᒻᒦᑦ ᑲᓚᒋᕙᒃᑕᓕᒫᖏᓐᓂᒃ ᖃᐅᔨᒪᔮᕆᔭᐅᔪᓂᒃ ᑲᓚᖃᕈᓐᓇᖅᖢᑎᒃ ᐊᒻᒪᓗ ᐊᑯᓐᓂᖅᓱᕐᓂᖏᑦ ᖃᓄᐃᑦᑐᑐᐃᓐᓇᐅᔪᓐᓇᖅᖢᑎᒃ. ᕿᒻᒦᑦ ᑎᒥᒥᒍᑦ ᓇᐅᒃᑯᑐᐃᓐᓇᖅ ᐱᐅᓯᕐᓗᖕᓂᖃᓐᖏᑦᑐᑦ, ᐊᒻᒪᓗ ᓂᕿᑐᓲᖑᓪᓗᑎᒃ ᐅᖅᓱᖅᑐᓲᖑᓪᓗᑎᒡᓗ, ᕿᒻᒦᑦ ᐊᒃᓱᐊᓗᒃ ᐃᖅᑲᓇᐃᔭᖅᑎᑦᑎᐊᕙᐅᔪᑦ. |
ᓄᓇᕗᑦ ᒪᓕᒐᓕᐅᕐᕕᖓ |
|
ᑲᓇᑕᒥᐅᑦ
ᐃᓄᖏᑕ ᕿᒻᒥᖓ (Canis Familiaris Borealis)