 |
|
|
Tuhaqviginagialgit | Pilihaarniq | ᐃᓄᒃᑎᑐᑦ | English | Français |
|
 |
Paul Okalik Maligaliuqti Iqaluit Uataani |
|
Uqaqatigiiqattarniit (Hansardkutigut) |
 Paul
Okalik kivgaqtuihimavaktuq Iqaluit Uataani uvanngat
1999-min. Niruaqtauhimayuq Hivulliani 1st Maligaliurvianni
Nunavut uvani February 1999-mi niruarmata.
Niruaqtauffaaqhimayuq niruarmata February 2004-mi October
2008-milu.Mr. Okalik havakhimayuq Hivuliqtiubluni Nunavunmi April 1, 1999-min November 19, 2008-mun. Havaaribluniuk, Mr. Okalik havaarihimayaattauq Ministaubluni Apiqhuiyitkunni. Tadja katimayiuqatauyuq Maligaliurviup Aulapkaiyianni Ikayuqtuiyunilu Katimayiini. Atuqtillugu 1980, Mr. Okalik havakhimayuq Tugliubluni Uqaqtini uvanilu Ikayuqtiubluni Angayuqqaangannut Tungavik Katimayiini Nunavunmi, ukuat Inuit katimayiit ilaa uqautiqaqpaktut ukunani Nunavut Nunataarnikkut Angirutaanni (NLCA). Mr. Okalik havaaribluniuk hivulliubluni makipkainikkut Inuit Ingilraanikkut Tigumiaqatigiit, ukuat Nunavunmi Anngutikhatigut Aulapkainiat Katimayiit, ukuat Nunavunmi Pinahualihaatigut Ayuiqhainiat Katimayiralaangit ukuallu Nunavunmi Inuliriyutigut Pivaallirahuarnikkut Katimayiit. Ilihariaqpaallirmibluni atulihaaqtillugu 1990, Mr. Okalik ilihaqtaminik iniqtiqhugu Carleton University Iliharvigyuangani naunaipkutaliqaqhuni maligaliurnikhakkut ukunanilu Kanatami ilihaqpaallirutaanni. Mr. Okalik iniqtiribluniuk maligaliurnikhakkut havaakhaini uvani Iliharvigyuanganni Ottawa 1997-mi talvalu iniqtiquyauhimabluni Nunavunmi Maligaliurnikhakkut iliharutainni February 12, 1999-mi. Mr. Okalik malrungnik nutaraqaqtuq, Shasta unalu Jordan. Mr. Okalik angunahuarnikkut quviagiyaa, iqalukhiurnikkullu muqpangnikkullu. Uqadjariktuq Inuktitut, Qablunaatitut tadjalu ilihaqtuq Uiviititut. |
Maligaliurviq Nunavumi
|
|