 |
|
|
Tuhaqviginagialgit | Pilihaarniq | ᐃᓄᒃᑎᑐᑦ | English | Français |
|
 |
Nanngauyuq Louis Tapardjuk Maligaliuqti Amittuq |
|
Uqaqatigiiqattarniit (Hansardkutigut) |
 Nangariyauyuq Louis Tapardjuk niruaqtauffaaqhimayuq pingahuuyunut Nunavut Maligaliurvinganut Aktuupa 27, 2008 avaliiturlu maligaliuqtinga niruaqtauffaaqhimayuq Nunavut ministainnut. January 29mi, 2009, Louis tikkuaqtauffaaqtuq Ministauyukhamut Pitquhiliqiyikkunnut, Ministanguqturlu Ilinniaqtuliqiyikkunnut, Ministauyuq Uqauhinginnun unalu Ministauyuq Nunaqaqqaqhimayuliriyikkunnut, uuminngalu Kavamatkunni Katimavingmi Hivuliuqtiubluni. Louis hivulliqpaangani niruaqtauhimayuq tuglianganut Nunavut Maligaliurvinganut February 16mi, 2004. Hivulliqpaangani ukiungani Ministaubluni havaariyaa Pitquhiliqiyikkunnut, Havaktuliqiyikkunnut Kiinauyaliqiyikkunnullu. Louis inuuhimayuq January 30, 1953 iglumi tariuqmi haniani Aggu Bay tunnunngani uataangani Haamlanganit Igluliup. Mikkautilluni, ilangit nuuttut Iglulingmut, nunaqariliqtaa tatja. 1959mi, Louis aullaqtitauyuq Igluligaaryuk Sikuurviliaqtut Nayugaani, talvanni iniqtiqtangit nukaqhiit sikuurutingit. Louis havaliqtuq Iglulik Kuapngani ukiuqaqhuni 12nik situap iliqpinginnik tatatiriyubluni, havakhimmaaqhuni atannguyannguqhuni. Niruaqtauhimayuq Igoolik Kuapnganut Katimayiuyunut talvannga Atannguyannguqtuq Ukiuqtaqtumi Kuap Katimayiinut. Louis Haamlatkunnilu Katimayiuyuq Miiyaublunilu Iglulik. Louis akhuuqhuni havaktuq Nunavunmi Nunataarutit Angirutin piliurninnganik angiqatigiiktaunirmut katimablunilu Tunngavitkunnut (tatja taiyauyuq Nunavut Tunngavik Incorporated), Atannguyautilluni Qikiqtaalungmiutat Inuit Katimayiinginnut (tatja taiyauyuq Qikiqtani Inuit Association). Louis uqautigivaktangillu inuinnait pitquhiitigut Uqauhinginnun ilitariyauyurlu havaqatigiingmingnit uqautigiyauyuq ihumaalutigiyauyunik piyut inuinnait unalu Inuit Inuuqatigiingnikkun Ukpiriyain Nunavunmi.
Louis tatja nunagiyaa Iglulik nulianngalu Lucie
pingahuuyullu nutaqqangit. Malruungniglu irniqaqtut
aippaqaqtut nutaraqaqhutik Iglulingmi ittullu. |
Maligaliurviq Nunavumi
|
|