|
Ilauyut
(Maligaliuqtit)
Uqaqatigiiqattarniit (Hansardkutigut)
Tuhagakhanik
nuitirniq
Malirauliuqhimayut
Maligallu
Tikkuaqtauhimayun Katimayiit Katimayinnguqhimayullu
Maligaliuqtit Makpiraaqarviat
Inulramiit
Katimanguaqtut
Katuyikatigit-nik
Pitjutiqaqtut
Maligaliurviqmiq |
Mr. Keith Peterson inuuhimayuq Whitehorse, Yukon-mi. Mr.
Peterson niruaqtauhimayuq kivgaqturahuaqhugit
Iqaluktuuttiarmiut, Qingaungmiut Umingmaktuurmiuttallu uvani
Aippaani Maligaliurvianni Nunavut February 2004-mi
niruarmata.
Mr. Peterson havaaqaqpakhimayuq kiinauyaliqinirmullu
inuliriyutigullu pivallianikhaatigut aviktuqhimayuni
nunaanni. Havaaqaqhimayuq Atannguyaubluni uvani Kitingmeot
Kiinauyatigut Pivallianikhaatigut Katimayianni,
Atannguyaubluni uvani Nunavut Kiinauyatigut
Pivallianikhaatigut Timianni,
titiraqtiubluni-kiinauyaliribluni uvani Kitingmeot
Kuaparisatkunni uvanilu Inuit Aktuumaniqarniat
Ikayuqtiubluni uvani Kitingmeot Inuit Katudjiqatinginni.
Niruaqtautaaqtinnagu, Mr. Peterson Maiyauhimayuq
Iqaluktuuttiarmi, Angayuqqaanguhimayuq,
Angayuqqaap-Tugliriyaalu Katimayiublunilu uvani Nunavunmi
Katudjiqatigiit Hamalatkutigut talvalu Ikhivautaubluni uvani
Kitingmeot Maligaliurnianni.
Atuqtillugu Aippaani Maligaliurvianni Nunavut, Mr. Peterson
havaaqaqhimayuq ukunani Katimayiralaanginni Kavamatkut
Havauhikhaanni, Katimayiralaanguinnaqtuni Iglulikhatigut,
Igluliriyutigut uvvalu Kiinauyatigut Pivalliayukhani uvanilu
Aulapkaiyuni Ikayuqtuqtut Katimayiini.
Mr. Peterson akiraqtuqtauhimaittumik niruaqtauhimayuq
kivgaqtuqhugit Iqaluktuuttiaq atuqtillugu pingahuat
Nunavunmi niruarmata.
Mr. Peterson niruaqtauhimayuq Atanianni Kavamaliriyitkut
uvani Nunavut Hivuliqtikhani katimangmata November 2008-mi
ataniunialiqhuni Kiinauyaliriyitkunni, Aanniaqtiliqiyuni
Inuliriyitkunnilu talvalu Ministauluni Kamayiuluni
Havaktunut Aanniqtailiniq Ikayuqtiunirlu Katimayiini
Ministaublunilu kamagiyaitigut Qulliliriyitkunni
Ihivriuqhiniq Katimayiini.
Keith nulianilu Sandra malrungnik irniqaqtuk: Nolan unalu
Brendan. Nunaqaqtut Iqaluktuuttiarmi, Nunavut.
|
