|
Ilauyut
(Maligaliuqtit)
Uqaqatigiiqattarniit (Hansardkutigut)
Tuhagakhanik
nuitirniq
Malirauliuqhimayut
Maligallu
Tikkuaqtauhimayun Katimayiit Katimayinnguqhimayullu
Maligaliuqtit Makpiraaqarviat
Inulramiit
Katimanguaqtut
Katuyikatigit-nik
Pitjutiqaqtut
Maligaliurviqmiq |
Hunter Tootoo inuuhimayuq Kangirlinirmi. Inuuhuktuubluni
nunaqaqpakhimayuq Ukiuqtaqtumilu Tatpaanilu Kanatami. Mr.
Tootoo niruaqtauhimayuq Maligaliurvianut Nunavut
kivgaqturahuaqhugit inuit Iqaluit Qitiani, niruarmata
1999-mi 2004-milu.
Atuqtillugu 1993, Mr. Tootoo havaliqhimayuq ulapqipkainikkut
havaktiubluni nunaanni Arviat. Nuuhimayuq Kangirlinirmut
1995-mi, havaaqaqhuni Aulapkainikkut Havaktianin Havagviani
Kiinauyatigut Pivallianikhat uvanilu Pulaaqtuliriyuni,
uvanilu Aulapkaiyutigut Havaktianin Havagviani
Kiinauyaliriyitkut. Uvani 1997 nuuhimayuq Iqalungnut
havaariliqhuniuk Ikayuqtiubluni Aulapkainikkut uvani NWT
Igluliriyitkut Kuaparisat. Mr.Tootoo nulianilu
makipkaihimayuk haffuminnga Iqaluit havagviat uvani
Ukiuqtaqtumi Qulangnaitigut Ikayuqtiat.
Mr. Tootoo havaanikkut ilihimattiaqtait hapkunat
havaariblugu Ikhivautaubluni uvani Padli uvanilu Kisarvik
Kuapatkut Arviani Kangirlinirmilu; katimaqataubluni uvani
NWT Kuapatkut Nanminiqatutigut Pivallianikhaq Katimayit;
katimayiubluni Aulapkaiyiubluni Ulapqinikkut Ukiuqtaqtumi
uvanilu Ukiuqtaqtut Kuapatkut uvvalu katimayiubluni
Kangirlinirmi Hamalatkut Katimayiini.
Atuqtillugu Aippaani Maligaliurvingmi, Mr. Tootoo
havaarihimayaa Ikhivautaubluni Katimayiralaanguyuni
Kavamatkut Havauhikhaatigut Kamanikhakkullu,
Katimayiralaanginni Aanniaqtailiqiyullu Ilihaqtuliqiyinilu,
Katimayiralaanginni Maligakhani, Pitquhikhani
Piviqarnikhatigullu, Katimayiralaanginni Ataniat
Atannguqtuiniq ukunanilu Aulapkainiq Ikayuqtuqtullu
Katimayiini.
Mr. Tootoo niruaqtauffaaqhimayuq Pingahuanni
Maligaliurviannut Nunavut kivgaqturahuaqhutigt Iqaluit
Qitiani. Mr. Tootoo niruaqtauhimayuq Ataniit Katimayiinut
uvani Nunavut Hivuliqtikhaqhiurmata Katimanianni November
2008-mi talvalu Ministauliqhuni Ilihaqtuliriyuni,
Ministauliqhuni Nunavut Ilihariaqpaallivianni,
Ministauliqhuni Nunavut Igluliriyitkut, uvvalu
Ministauliqhuni Angilraqanngittunut.
|
