|
Ilauyut
(Maligaliuqtit)
Uqaqatigiiqattarniit (Hansardkutigut)
Tuhagakhanik
nuitirniq
Malirauliuqhimayut
Maligallu
Tikkuaqtauhimayun Katimayiit Katimayinnguqhimayullu
Maligaliuqtit Makpiraaqarviat
Inulramiit
Katimanguaqtut
Katuyikatigit-nik
Pitjutiqaqtut
Maligaliurviqmiq |
Hivuliqti Eva Aariak takuyumayainik ihuaqhiutjutikhanginnut
Nunavunmiutat, tuhaablugit nunallaat, hakugikhilaarutaanut
kavamat pitjutigiblugulu talvunga Nunavutip tuglia nunami
hivuliqtiuliqhuni. Havaakhaanut iliyauyuq uumani Tarium
Hikutirvia 19, 2008.
Naunaittumi havaarihimayaani, Ms. Aariak aqhut havakpaktuq
ilitaripqaqhugu uqauhiriyainik Nunavut, Inuktitut.
Arvinilingni ukiuni, havaariyaa una Nunavutip Uqauhirnut
Kamisinauhimayuq, timiata munariyaa Kavamanga Nunavutip
atuqtainut pitjutigiblugit Inuit uqauhiinik, Uiviititut
Qablunaatullu. Ms. Aariak tautuffaaktaa Nunavutip qanuq
havaktaungmangaat piblugit Inuktitut Inuinnaqtunlu havaani
uqauhiribluakhugit Kavamatkuni piyakhaniglu pitquibluni
maligaliurvingmi tikkuaqtauhimayut katimayiit taaffumunga
Ilitariyauhimayunut Uqauhirnut Maligakhaq unalu Inuit
Uqauhinginnun Tammaqtailinirmut Maligakhaq. Inmi pivagaillu:
ikayuqhuni numiqtirutaanut taaffumunga Microsoftmut
ihuaqhiblugit Qaniuyaaqpainnut; makpiraaliuqhugit Inuktitut
nutaqqanut makpiraaliuqhimayut atuqtauyaanginni
iliharvingnit Kivataani Ukiuqtaqtumi;ilihautiblugillu
angayukhiit kavamani havaktut iliharnahuat Inuktitut
ilihautjutainni.
Ms. Aariak ayuitturlu uqauhitjutiningmut, havaktuliqinikkut,
nanminiqarningmut, ilihautinut kavamaliqinikkullu
havagvingminut. Havakhimayuq inungnut pitjutikhanut talvuuna
Havagvianit Ayuiqhaqtuq Kamisina Nunavunmut, timiata
havaquyauhimayuq havaarilugu una Nunavunmi Angiqatigiigut
Nunataarutinut pilugulu una inungnut kavamakhaq. Ms. Aariak
havaaqaqhimayuq titiraqhuni talvani Kanatami Naalautikkut
Tiiviikkullu Kuapaliisiat unalu havaktuliqiyinut
ayuitpiaktuq ukunani Kavamanga Nunattiak. Aallanilu,
ikhivautaqaqhimayuq Ikpiaryungmi Nunallaani Ilihaqtuliqiyiit,
talvani Iqaluit Nunallaani Ilihaqtuliqiyiit unalu
Mittimatalingmi Haamlitkut Katimayiini.
Niruaqtautinnani Maligaliurvingmut, Ms. Aariak nanminiqaqtuq
havaariblugulu nakuuyumik aulayumut mikiyumik nanminiqaqhuni
Ikhivautaqaqhunilu talvani Qikiqtaalungmi Aviktuqhimayumi
Nanminiq Havagvilingnut Katimaqatigiingit.
Nunaqaqhimabluni Ikpiaryungmi, Eva Qamaniq Aariak nunaqaqtuq
Iqalungni. Nutaraqaqtut hitamanik, Karliin, Jordan, Shawn
unalu Jari, anaanattiangubluni malrungnut, Tasiana unalu
Joyce.
|
