 |
|
|
Tuhaqviginagialgit | Pilihaarniq | ᐃᓄᒃᑎᑐᑦ | English | Français |
|
 |
Nanminiriinut Naunaipkutaq Nunavunmi |
|
Uqaqatigiiqattarniit (Hansardkutigut) |
Kalalluangit, aryiqtaq kalaliglu guulumik naunaipkutigiyaa atuinnaqtautjutinga nuna, tariuq qilaglu. Tunngavigiyaani, inukhuk naunaipkutigiyaa inukhup naunaipkaqtautjutigiblugu inuit maniqqami naunaiqhugu akhut tammaqtailiyauhimayuq aallallu nalunaiqtauhimayuq nunat. Qulliq, Inuit uyarak qulliutingaluuniit, naunaipkutigiyaa qaumatjut quviahuutigiyainnik ilainnut nunagiyaminiglu. Qaangani, kaimallurivyaktuq tallimat kalalik guul-nga naunaipkutigiyaa inuutigiyauyaa pitjutinga hiqiniup nuitangayuq Qulaani ataanilu nunap kiillinga, avaliitturalinga Nunavutim ukiungani. Ubluriaq atinga Ubluriahugyuk, taamna North Star qangarnitakkut naunaiyaiyautigiyauyuq aullaanut una kihimi, aallannguqhimayuittuq hivuliqti inirnikhanut nunallaani. Qaanganittauq, taamna iglu (igloo) naunaipkutigiyaa pitquhingit inuit inuuhingit qanuq inuuvaktullu. Naunaipkutigiyaalu katimayut maligaliuqtiit Maligaliurvingmi katimaqatauyut nakuutjutigiamingni; taamnattauq Kuin Niaqurmiutanga naunaiqtigiblugu inungnut kavamamut tamainnut inungnut Nunavunmi aadjikkutariiktumik qanuritaakhaanik Nunavut aallanut aviktuqhimayut qablunaat nunangillu Kanatamiut Katimayiinginnik. Taamna tuktu (caribou) unalu qilalugaq tugaalik (narwhal) piyuq nunamut imarmiuttat ilauyut atuinnaqtautjutinga qangaraalungmit Nunavut huratjaqaqpiaqhuni inungnut. Tunngavingattauq piqaqhuni nunamik tariublu pingahuuyullu ilitariyauyut Ukiuqtaqtumi nauttiangita. Taiguanga, Inuktitut, Nunavut Sanginivut imaa ittuq NUNAVUT, HAKUGINGNIVUT.
Una naunaipkutauyuq hanahimayaa Andrew Karpik Pangniqtuumit. |
Maligaliurviq Nunavumi
|
|